AMÓS 7:3 - Dios Rimashcata Quillcashcami

³ Shina nicpimi, Mandac Diosca llaquirishpaca: «Mana chashna cangachu» nircami.

AMÓS 7:3 ပူးပေါင်းရင်းမြစ်များ

GÉNESIS 6:7

Chaimanmi Mandac Diosca: «Cai pachapi causac ñuca ruhuashcacunataca runamanta callarishpa, sacha animalcunacaman, pambata aisarishpa puric animalcunacaman, jahuata volac animalcunacamanmi tucuchigrini. Paicunataca pandachari ruhuarcani» nirca.

1 CRÓNICAS 21:15

Mandac Diosca Jerusalenpi causaccunata tucuchichunca shuc angeltami cacharca. Ashtahuanpish chai ángel tucuchicucpimi, Mandac Diosca llaquirishpa, angeltaca: «¡Ña chailla! ¡Ama ashtahuan llaquichichu!» nirca. Mandac Diospac angelca jebuseopuramanta Ornanpac trillana era ladopimi carca.

SALMOS 106:45

Pai yallita llaquic cashpami paicunahuan ari nishcata yuyarishpa, paicunamanta mai llaquirca.

SALMOS 78:38

Shina cacpipish llaquishpami paicuna millaita ruhuashcatapish cungarishpa mana tucuchirca. Tauca cutinmi pai piñarishcatapish ladoman churashpa, ña mana llaquichishpa cungarirca.

SALMOS 90:13

¡Mandac Dioslla, cutimuiyari! ¿Ima horascamantac cutimugringui? Canta serviccunata llaquiyari.

ÉXODO 32:14

Chaimantami Mandac Diosca pai acllashca gentecunata llaquichisha nicushpapish mana llaquichishpa saquirca.

JEREMÍAS 26:19

Miqueastaca, ¿Judá llactata mandac Ezequiaschu, Judá llactapi tucui causaccunachu huañuchirca? ¿Manachu Mandac Diospac ñaupapi, paita manchashpa mañarca? Shina mañacpica, ¿manachu Mandac Diosca paicunata llaquichinata saquirca? Cai runata huañuchishpaca ñucanchicllatac llaquita apangapacmi huañuchishun» nirca.

JEREMÍAS 42:10

Cancuna cai llactamanta mana llucshishpa, caipi causai callaricpica, cutin sinchiyachishpa, mana tucuchishachu. Cancunataca tarpushca shinata ruhuashpa, mana pilashachu. Cancunata llaquichishcamantaca llaquirinimi.

OSEAS 11:8

Efraín aillulla, ¿cancunataca imatac shitashpa saquishayari? Israelcunalla, ¿imatac shuccunapac maquipi saquishayari? Cancunataca, ¿imatac Adma llactata shina, mana cashpaca Zaboím llactata shina llaquichishayari? Ashtahuanpish cancunataca shungupi nanarishpami yuyaricunilla.

JOEL 2:13

Llaquirishpa churanata lliquirinapac randica, tucui shunguhuan llaquirichic. Cancunata Mandac Diospacman cutirichic. Paica cuyac shungumi, llaquicmi. Mana utca piñaric, yallita llaquicmi. Paica mana llaquichinata munanchu.

JOEL 2:14

Pai shamushpa, cancunata mana llaquichingapishchari. Cancunaman allicunata cungapishchari. Mandac Diosca ofrendata cuchun, tallina vinopish, grano granotapish cungapishchari.

AMÓS 5:15

Mana alli ruhuanata millanayachishpa, allita ruhuanata munaichic. Taripashpaca, cashcata ruhuaichic. Chashna ruhuacpi, tucuita Mandac Diosca maijan saquirishca Josepac huahua huahuacunata llaquingapishchari.

AMÓS 7:6

Chaimantami Mandac Diosca llaquirishpaca: «Mana chashna cangachu» nirca.

JONÁS 3:10

Mandac Diosca paipacman cutirishpa, mana allita ruhuashpa causanata saquishcamantami llaquichisha nicushpapish, llaquirishpa mana llaquichirca.

DEUTERONOMIO 32:36

Mandac Diosca pai acllashcacunataca cashcata ruhuashpami taripanga. Paita serviccunata llaquingami. Ña fuerza illac cacpi, pipish mana saquiricpi, prezucunapish, mana prezucunapish mana saquiricpi llaquingami.

SANTIAGO 5:16

Alliyashca cangapacca, ima mana allita ruhuashcacunatapish caishuc chaishuc huillanacuichic. Caishuc chaishucmanta Diosta mañaichic. Cashcata ruhuac Diosman mañacpica, imatapish pactachingallami.