AMÓS 7:15 - Dios Rimashcata Quillcashcami

¹⁵ Shina cacpipish, Mandac Diosmi ñuca huagrata michicucpi cayashpaca: “Ñuca ima nishcata ñuca acllashca israelcunaman huillagri” nirca.

AMÓS 7:15 ပူးပေါင်းရင်းမြစ်များ

2 SAMUEL 7:8

Shina cashcamanta ñucata servic Davidtaca: ‘Tucuita Mandac Diosca: Ñucami cantaca ovejacunata michishpa puricucpi, ñuca israelcunata mandac cachun acllarcani.

1 REYES 19:19

Chai urcumanta rishpami, Eliasca Safatpac churi Eliseo chunga ishcai yuntacunahuan yapucucman chayarca. Shuc yuntapica paillatacmi tucuipac huashata caticurca. Eliasca Eliseopac ñaupata rishpami, pai jahualla churarishcata Eliseopac jahuapi shitarca.

JEREMÍAS 1:7

Shina nicpimi, Mandac Diosca: «Ama: “Cunan huiñaillami cani” nichu. Maiman ñuca cachacpipish rilla. Ñuca imata nichun nicpipish ninguilla.

JEREMÍAS 26:12

Shina nicpi, Jeremías chai mandaccunata, tucui gentecunata rimashpaca: «Mandac Diosmi cai huasita, cai gentecunata llaquichinata huillachun cacharca. Pai huillachun cachashcatami cancunaman huillarcani.

AMÓS 3:8

León huacacpica, ¿pitac mana mancharinga? Mandac Dios rimacpica, ¿pitac mana huillanga?

SAN MATEO 9:9

Chaimanta Jesús rishpaca, Mateotami Roma llactaman mizapi impuestota japishpa, tiyacucta ricurca. Chaimantami paitaca: —Ñucata cati— nirca. Chashna nicpimi, Mateoca jatarishpa catishpa rirca.

HECHOS 1:8

Diospac Espíritu cancunapacman shamucpimi, poderta chasquinguichic. Chaimantami Jerusalén pueblopipish, tucui Judea llactapipish, Samaria llactapipish, tucui llactacunapipish ñucamanta huillanguichic— nirca.

HECHOS 4:20

¡Ñucanchicca, ñucanchic ricushcata, uyashcata huillanataca manatac saquishunchu!— nirca.

HECHOS 5:20

«Cunanca, Diosta mañana huasiman yaicushpa, tucui uyaccunaman: “Jesucristoca mushuc causaita cucmi” nishpa, huillangapac richic» nirca.

1 SAMUEL 10:11

Dios ima nishcata huillaccunahuan cashna huillacpimi, puntaman paita ricsic gentecunaca caishuc chaishuc rimanacushpaca: —¿Cispac churi Saulca imatac tucurca? ¿Paipish Dios ima nishcata huillacchu tucushca?— ninacurca.