AMÓS 6:12 - Dios Rimashcata Quillcashcami

¹² ¿Caballocunaca rumi quingraita callpanchu? ¿Mama cuchata yuntahuan yapunchu? ¡Cancunaca allita ruhuashpa causanataca venenota shinami ruhuashcanguichic! ¡Cashcata ruhuashpa causanataca jayac ajenjota shinami ruhuashcanguichic!

AMÓS 6:12 ပူးပေါင်းရင်းမြစ်များ

ISAÍAS 48:4

Cancunapac shungu, barra fierro shina cashcatapish, frenteca bronce shina cashcata yachanimi.

JEREMÍAS 5:3

Mandac Dioslla, canca mana llullac cachunmi munangui. Paicunaca can macacpipish, llaquichishpa tucuchicpipish, mana entendircachu. Rumitapish yalli sinchi shungu tucushpami, cambacman cutinataca manatac munarca.

OSEAS 10:13

Cancuna tarpuc shina mana allita ruhuashpaca, mana allitami cosecharcanguichic. Shinallatac imapish pucushcata micuc shinami llullashcanguichic. Cancunaca, cancunapac ruhuashcapi, achca sinchi runacunapimi shunguta churashpa causashcanguichic.

OSEAS 10:4

Paicunaca yangallami rimancuna. Yangallami imata pactachingapac ari ninacun. Chaimantami llaquicunaca yapushca pambacunapi jayac ajenco huiñac shina, achca miranga.

AMÓS 2:3

Paicunapac jueztaca paicunapac chaupimanta anchuchishpami, caishuc mandaccunandi huañuchisha. Chaitaca Mandac Dios ñucami nini» ninmi.

AMÓS 3:10

Mandac Diosca: «Paicunaca imatapish mana allita ruhuanata yachanchu. Macashpa quichushcallatami, paicunapac mandashpa tiyana huasicunapi jundachin.

AMÓS 5:7

¡Cancunaca cashcata ruhuanataca jayac ajenjota shina ruhuashpami, imapacpish mana valichinguichic!

MIQUEAS 7:3

Paicunapac maquica ima mana allita ruhuangapac yachachishcami. Jatun mandaccunaca mana allita ruhuangapacmi imatapish cuchun mañacun. Juezcunaca imata pacalla japishpami mandan. Mandacpish, paipac shungu munashcatami riman. Chashnami allita ruhuanataca saquin.

SANTIAGO 3:18

Maijanpish sumac causaita causachun munaccunaca, allita tarpushpa tandac shinami, cashcata ruhuashpa causanata japingacuna.