AMÓS 5:6 - Dios Rimashcata Quillcashcami

⁶ Mandac Diospacman cuchuyaichic, causanguichicmi. Pacta Josepac huahua huahuacuna shina, ninapi rupanguichicman. Pacta pipish ninata mana huañuchicpi, Bet-el llacta tucui rupanman.

AMÓS 5:6 ပူးပေါင်းရင်းမြစ်များ

2 SAMUEL 19:20

Canta servic ñuca juchallishcatami yuyarini. Chaimantami Josepac familiamantaca ñucarac can jatun mandacta tupangapac shamuni— nirca.

1 REYES 11:28

Jeroboamca imatapish mana manchac sinchi runami carca. Chashna cacta ricushpami, Salomonca ñaupa taita Josepac huahua huahuacunata tucuipi ricushpa mandachun churarca.

2 CRÓNICAS 34:25

Paicunaca ñucata cungarishpa, shuctac dioscunaman inciensota rupachishcami. Paicunapac maquihuan mana allita ruhuashpami ñucataca yallita piñachishca. Chaimantami cai llactapi causaccunataca nina japiric shina piñarishpa llaquichigrini. Chai llaquichinataca mana jarcarishachu” ninmi.

SALMOS 27:8

Ñuca shunguca: «Paipac ñahuita mashcai» ninmi. ¡Chaimantami Mandac Dioslla, canta mashcani!

SALMOS 69:33

Mandac Diosca huacchacuna mañashcata uyanmi. Pai acllashcacuna prezu cachunpish mana saquinchu.

ÉXODO 22:6

Maijanpish pucuc yurata, mana cashpaca cosechana chagrata, mana cashpaca gavillata rupachishpaca, rupachishcamantaca cutichinami can.

ISAÍAS 1:31

Sinchi runapish tamo shinami tucunga. Pai imata ruhuashcaca uchupa shinami tucunga. Ishcaitatacmi rupachishca canga. Chai ninataca pi mana huañuchi pudingachu» ninmi.

ISAÍAS 55:3

Cancunapac ringrihuan uyashpa, ñucapacman cuchuyaichic. Chashna ruhuacpica, cancunapac almaca causangami. Davidhuan ari nishca shinami, cancunahuanpish huiñai huiñaita ari nisha.

ISAÍAS 55:6

¡Mandac Diostaca tarinalla cacpi, mashcaichicyari! ¡Cancunapac ladopi cacpi, cayaichicyari!

JEREMÍAS 38:20

Shina nicpimi Jeremiasca: —Mana paicunapac maquipi churangachu. Cunanca Mandac Dios rimashcata ñuca huillashcata alli uyai. Chaita uyashpaca, mana llaqui tucunguichu, allimi causangui.

JEREMÍAS 4:4

Judá llactapi causaccunalla, Jerusalenpi causaccunalla, circuncisionta ruhuashpa, cancunapac shungumanta asha carata pitic shina, ñucapacman cuichic. Cancuna mana allita ruhuashcamantaca pacta nina japiric shina piñariman. Chai piñarishca nina shinataca pi mana huañuchi pudingachu nini» ninmi.

JEREMÍAS 7:20

Ñucaca yallita piñarishpami, cai llactata llaquichigrini. Runacunatapish, animalcunatapish, pambapi shayacuc yuracunatapish, allpapi pucushca granocunatapish mana huañuc ninahuami llaquichigrini» ninmi.

EZEQUIEL 21:3

huillashpa: “Mandac Diosca: Riquichic, cancunahuan yallita piñarishpami espadata llucchishpa, cashcata ruhuaccunatapish, ñucata mana manchaccunatapish huañuchigrini.

EZEQUIEL 33:11

Mandac Dios ñuca shutipimi nini: Ñucata mana manchac runa huañuchunca mana munanichu. Ashtahuanpish pai millaita ruhuanata saquishpa, causaita charichunmi munani. Chaimanta millaita ruhuanata saquishpa tigramuichic. Israelcuna, ¿imamantatac huañugringuichicyari? ninmi.

EZEQUIEL 37:19

“Mandac Diosca: Ñucami Efrainpac maquipi cac Josepac huahuacunapac caspitapish, paicunahuan apanacuc israelcunapac caspitapish japishpa, Judapac huahuacunapac caspihuan tandachishpa shucllata ruhuasha. Shina ruhuacpimi, ñuca maquipica shuclla caspi tucunga” ninmi ningui.

AMÓS 3:14

Israel ñucata mana cazushcamantami llaqui punzhapica Bet-elpi tiyac altarcunatapish tucuchisha. Chai altar esquinacunapi cac gachucunatapish paquishpami pambaman urmachisha.

AMÓS 5:14

¡Mana alli ruhuanapac randica, alli ruhuanata munaichic! Chashna ruhuashpaca causanguichicmi. Cancuna nishca shinallatacmi tucuita Mandac Diosca cancunahuan canga.

AMÓS 5:4

Chashna cacpipish, Mandac Diosca israelcunataca: «Ñucapacman shamuichic, causanguichicmi.

AMÓS 6:6

Vinotapish jatun vasocunapimi ubianguichic. Valishca mishquilla ashnacuc-huanmi cahuiringuichic. Josepac huahua huahuacuna llaquita tucushcataca mana llaquinguichicchu.

SOFONÍAS 2:3

Cai pacha humilde runacuna, Mandac Dios mandashcata cazuccuna, Mandac Diospacman cutirichicyari. Cashcata ruhuanata, mana piñarinata munaichicyari. Mandac Dios piñarishpa llaquichi punzhapica, paillatac huacaichingapishchari.

ZACARÍAS 10:6

Ñucaca Judapac huahuacunataca sinchiyachishami. Josepac huahuacunataca quishpichishami. Paicunata llaquichishpami cutichimusha. Paicunaca jaicapi mana pingai tucushca shinami canga. Ñucaca Mandac Dios cani. Paicuna mañashcataca uyashami.

DEUTERONOMIO 32:22

Nina japiric shinami, yallita piñarishca cani. Chashna piñarishpami ucu pacha seolcaman rupachinga. Cai allpataca chaipi pucushcandimi rupachinga. Urcucunatapish sapicamanmi rupachinga.

DEUTERONOMIO 4:24

Mandac Diosca paipaclla cachunmi munan. Paica rupachishpa tucuchic nina shinami.

JOSUÉ 18:5

Chai allpataca canchis partepimi chaupinga. Judapac ailluca paicunapac ura lado llactallapitac saquirichun. Josepac ailluca jahua lado paicunapac llactallapitac saquirichun.