AMÓS 5:21 - Dios Rimashcata Quillcashcami

²¹ Cancunapac jatun fiestacunataca millanayachishpami, mana ricunayachircani. Cancunapac jatun tandanacuicunahuanca mana cushicushachu.

AMÓS 5:21 ပူးပေါင်းရင်းမြစ်များ

GÉNESIS 8:21

Shina rupachicpi, Mandac Diosman mishquilla ashnashpa chayacpimi paica: «Runapac juchamantaca cai pachataca jaicapi mana llaquichishachu. Runaca huambramanta pacha millaita yuyacunllami. Shinallatac mana cunan tucuchishca shina, tucui causaita charic animalcunataca tucuchishachu.

PROVERBIOS 15:8

Mandac Diosca paita mana manchaccuna animalta cushpa rupachishcataca millanayachinmi. Ashtahuanpish allita ruhuaccuna mañacpica cushicunmi.

PROVERBIOS 21:27

Diosta mana manchaccunaca animalta Diosman cushpa rupachishcapish millanami. Mana alli shunguhuan cushcatacarin ashtahuanmi mana ricunayachin.

PROVERBIOS 28:9

Maijanpish mandashcata mana uyasha nishpa caruyactaca pai mañashcatapish Mandac Diosca mana uyanayachinchu.

ISAÍAS 66:3

Huagrata huañuchishpa ñucaman cushcaca shuc runata huañuchishpa cushca shinami. Ovejata huañuchishpa cushcaca allcuta huañuchishpa, cushca shinami. Ima ofrendata ñucaman cushcaca cuchi yahuarta cushca shinami. Inciensota cushnichishcaca yanga diosta mañashca shinami. Chashna paicuna quiquin munashcata ruhuashpa, millanayaita ruhuashpa shungupi cushicushcamantaca,

JEREMÍAS 14:12

Ayunashpa caparishpa mañacpipish ñucaca mana uyashachu. Ñucaman animalcunata cushpa tucui rupachicpipish, ofrendata cucpipish mana chasquishachu. Ashtahuanpish jatun macanacuihuan, yalli yarcaihuan, ungüicunahuanmi tucuchisha» nirca.

JEREMÍAS 6:20

¿Imapactac Sabá llactamanta inciensota apamunguichic? ¿Imapactac caru llactamanta mishquilla ashnacuc huiruta apamunguichic? Cancuna tucui rupachishcatapish, Cancunapac ofrendatapish mana munanichu nini» ninmi.

EZEQUIEL 23:18

Chashnami paica lluchulla tucushpa, tucuipac ricuipi huainayarca. Chaimantami ñuca shungupica paitapish, paipac ñañatapish millanayachircani.

OSEAS 2:11

Paimanta cushicuita anchuchishpami, paipac fiesta punzhacunatapish, llullu quilla punzhacunatapish, samana punzhacunatapish tucuchisha.

OSEAS 5:6

Ovejacunata, vacacunata apashpami, Mandac Diosta mashcanga. Shina mashcashpapish mana taringachu. Paicunamantaca anchurircanimi.

OSEAS 8:13

Ñucaman animalta cushpa huañuchishca aichatapish micurcami. Chaicunataca Mandac Dios ñucaca mana munanichu. Cunanca mana allita ruhuashcata yuyarishpami paicunapac juchamanta llaquichigrini. Paicunaca Egiptomanmi cutinga.

LEVÍTICO 26:31

Cancuna causana llactacunataca shitashcatami saquisha. Cancunapac altarcunatapish chingachishami. Cancunapac mishquilla ashnacuc inciensotapish mana chasquishachu.

AMÓS 4:4

Mandac Diosca: «¡Bet-elman rishpa juchallichiclla! ¡Gilgalpi Dios ñucata mana cazugrichiclla! ¡Tutamanta animalta cushpa huañuchichiclla! ¡Cada quimsa punzhapi, chungamanta shucta cunguichiclla!

AMÓS 4:5

¡Ñucata pagui nishpa, levadurahuan ruhuashca tandata cuichiclla! ¡Quiquin munaimanta ofrendata cushcata tucuiman huillaichiclla! ¡Israelcunalla, cancunaca chaita ruhuanatami ashtahuan munanguichic!

AMÓS 6:8

Tucuita ruhuac, tucuita Mandac Dios paipac shutipi ari nishpaca: «Jacobopac jatun tucushca huahua huahuacunataca mana ricunayachinichu. Mandashpa tiyana huasicunatapish millanayanmi. Chaimantami chai llactataca chaipi tucui tiyaccunandi, paicunata piñaccunapac maquipi churasha» ninmi.

AMÓS 8:10

Cancunapac cushicuna fiesta punzhacunataca, llaqui punzhacunatami ruhuasha. Tucui cancunapac cantocunataca huañuipi cantanatami ruhuasha. Sharpa churanatami churachisha. Chashnami llaquirishpa, acchata pitinga. Chaipica, shuclla churi huañushcamanta shinami huacanga. Tucurina punzhaca yalli llaqui punzhacunami canga.

SAN MATEO 23:13

¡Mishqui shimi, jayac shungu fariseocunalla, mandashcacunata yachachiccunalla, imachari tucunguichic! Cancunami jahua pacha Dios mandacucman yaicusha niccunata jarcanguichic. Chashnami cancunapish mana yaicunguichic, yaicuchunpish mana saquinguichic.

EFESIOS 5:2

Jesucristo ñucanchicta cuyac shinallatac, cancunapish cuyanacushpa causaichic. Paica Diosman cushpa rupachishca mishquiman ashnacuc shina cangapacmi pai quiquinllatac japi tucushpa, ñucanchicmanta huañurca.

FILIPENSES 4:18

Cancuna Epafroditoman mingashpa ñucaman cachashcataca, tucuita chasquishpami cunancarin, yalli yallita charini. Cancuna ñucaman cushcacunaca Dios cushilla chasquina mishquilla ashnacuc shinami ricurin.