AMÓS 5:19 - Dios Rimashcata Quillcashcami

¹⁹ Chai punzhapica leonta manchashpa callpacushpaca, osohuanmi tupanga. Huasiman yaicushpa, pircapi tuparishpaca, culebrapimi taunallinga.

AMÓS 5:19 ပူးပေါင်းရင်းမြစ်များ

ECLESIASTÉS 10:8

Jutcuta ruhuacca chai jutcullapitacmi urmanga. Pircata urmachictaca culebrami caninga.

ISAÍAS 10:2

¡Huacchacunata llaquichingapac, llaquilla causac ñuca acllashcacuna japina cashcata quichungapac, viudamanta, taita mama illac huahuacunamanta shuhuangapacmi chashnaca ruhuanguichic!

ISAÍAS 10:3

Taripashpa llaquichina punzhapi caru llactamanta tucuchingapac shamucpica, ¿imatac tucugringuichic? ¿Pitatac ayudachun mañagringuichic? Cancuna sumaimana cashcaca, ¿imatac tucunga?

HECHOS 28:4

Chaipi paihuan cac gentecuna maquipi huarcuracucta ricushpaca: “Cai runaca huañuchic runami yuyachin. Chaimantami ñucanchic cashcata ruhuac diosca yacumanta quishpirimucpipish, mana causachun saquin” ninacurca.

DEUTERONOMIO 32:24

Yarcaihuan, millai fiebre ungüihuanmi tucui huañunga. Millai animalcunatapish, culebracunatapish cachashami.

JOSUÉ 10:18

Shina huillacpimi Josueca: «Jatun rumicunata singuchishpa apashpa, chai jutcuta tapaichic. Shinallatac maijan runacunata cuidachun churaichic.