AMÓS 5:18 - Dios Rimashcata Quillcashcami

¹⁸ ¡Aij, Mandac Dios shamuna punzhata shuyaccunalla! Pai shamuna punzhaca achic canapac randica tutami canga. ¿Imapactac Mandac Dios shamuna punzhata shuyanguichic?

AMÓS 5:18 ပူးပေါင်းရင်းမြစ်များ

ISAÍAS 13:6

Mandac Dios llaquichina punzhami chayamun. Chaimanta caparishpa huacaichicyari. Paica tucui poderhuanmi llaquinayaita tucuchingapac shamun.

ISAÍAS 24:18

Jahua pachamanta ventanata pascashpa, manchana llaquita cachacpica, miticushpa callpacushpaca jutcupimi urmanga. Chaimanta llucshishpaca tucllapimi japi tucunga. Cai pacha allpapish tucuimi cuyuringa.

ISAÍAS 5:19

Paicunaca: «Dios munashcataca ñucanchic ricungapac utca ruhuaiyari. Ñucanchic ricsingapac israelcunapac jucha illac Dios yuyarishcataca ruhuailla» nincunami.

ISAÍAS 5:30

Chai punzhapica mama cucha huacashpa jataric shinami, yallita caparinga. Shina caparinacucpi, chai llactata ricpica, manchana puyu tapashca jatun llaquimi ricuringa. Jahua pacha achicpish ricuringami.

ISAÍAS 58:2

Paicunaca cashcata ruhuashpa causac shina, ñuca mandashcacunata cazushpa causac shinami, punzhanta ñucata mashcashpa, ñucamanta yachanata munan. Paicunaca cashcata ruhuashpa ricuchichunmi mañan. Shinallatac Diospacmanmi cuchuyanata munan.

ISAÍAS 8:22

Shinallatac cai pachata urai ricushpapish mancharina purata, mancharina llaquillatami ricunga. Paicunaca maita mana llucshipac jutcupi shitashcami canga» nirca.

ISAÍAS 9:19

Tucuita Mandac Dios yallita piñaricpimi, cai pachapica nina japirirca. Cai gentecunaca ninata japichina cupa shinami tucurca. Huauquindipurapish mana llaquinacunchu.

JEREMÍAS 13:16

Manarac amsa tuta tucucpi, manarac cancunapac chaquicuna pura urcucunapi mitcaricpi, cancunata Mandac Diostaca “sumaimanami cangui” nichicyari. Cancunaca achicyachic luzta shuyacucpipish, yallita pura tutatami tucunga.

JEREMÍAS 17:15

Gentecunaca ñucataca: «¿Maipitac Mandac Dios rimashcaca? ¡Cunanllatac chai rimashcacuna pactachunmi munanchic!» ninmi.

JEREMÍAS 30:7

¡Aij, chai punzhaca yalli llaquimi cagrin! Chashna llaquica jaicapi mana tiyashcachu. Jacobopac huahua huahuacunamanca yalli llaqui punzhami canga. Shina cacpipish, paicunataca quishpichishami» ninmi.

EZEQUIEL 12:22

«Huañunalla runa, cancunaca: “Punzhacunaca pasanmi. Muscuipi shina ricushcaca mana pactanchu” nishpaca, ¿imatatac nisha ninguichic?

EZEQUIEL 12:27

«Huañunalla runa, israelcunaca: “Cai runa muscuipi shina ricushcapish, ima tucunata huillashcapish unai huatacunapimi pactanga” nincunami.

JOEL 1:15

Mandac Dios llaquichina punzhami ña pactamun. ¡Tucuita ruhuac Dios yallita llaquichishpami tucuita tucuchinga! ¡Aij, chai punzhaca yalli llaqui punzhami canga!

JOEL 2:10

Paicunapac ñaupapica cai pachapish, jahua pachapish chucchungami. Intipish, quillapish purayangami, lucerocunapish mana ashtahuan achicyachingachu.

JOEL 2:11

Mandac Diosca paipac soldadocunapac ñaupapimi mandacun. Paipac soldadocunaca achcami. Pai mandashcacunaca llaquimi. Mandac Dios shamuna punzhapica, jatun llaquimi tiyanga. Chai jatun llaquitaca, ¿pitac apai pudingayari?

JOEL 2:31

Mandac Dios ñuca cachashca jatun mancharina punzha manarac chayamucpimi, intica amsayanga, quillaca yahuar shina tucunga.

ABDÍAS 1:15

Tucui llactacunata yallita llaquichina punzhaca ñami chayamucun. Ima shinami shuccunata yallita llaquichircangui, chashnallatacmi cantapish llaquichinga. Chashna llaquichishcamantaca canpish llaquichishcami cana cangui.

MALAQUÍAS 4:1

Mandac Diosca: «Rupacuc horno shina punzhami ña chayamucun. Chai punzhapica jatun tucushpa puriccunapish, mana allita ruhuaccunapish chaquishca ucsha shinami rupanga. Chai rupacuc punzha chayamushpami rupachishpa, sapillatapish, shuc ramallatapish mana saquishpa rupachinga.

DEUTERONOMIO 32:24

Yarcaihuan, millai fiebre ungüihuanmi tucui huañunga. Millai animalcunatapish, culebracunatapish cachashami.

2 PEDRO 3:10

Shina cashpapish Apunchic Jesús cutimuna punzhaca shuc shuhuac shamuc shinami canga. Jahua pachaca jatun manchanayaipac tulun nishca uyaricpimi chingaringa. Chaipi ima tiyaccunapish ninahuanmi tucuchishca canga. Shinallatac cai pacha allpataca, caipi tiyaccunandimi Dios taripashpa rupachinga.

2 PEDRO 3:4

«Apunchic Jesús cutin shamushami nishcaca, ¿maitacyari? Ñucanchic taitacunapish ña huañurcami. Cai pachata Dios ruhuashcamanta pachami chai shinallatac caticun» ningacunami.