AMÓS 5:11 - Dios Rimashcata Quillcashcami

¹¹ Huacchacunata llaquichishpami, impuestotaca carga trigota japircanguichic. Chaimanta labrashca rumicunahuan ruhuashca huasipipish, mana causanguichicchu. Sumac uvas chagrata charishpapish, mana vinota ubianguichicchu.

AMÓS 5:11 ပူးပေါင်းရင်းမြစ်များ

JOB 20:19

Chaica, huacchacunata llaquichishpa, imata charishcacunata quichushpa, mana huasiyuc cashpapish, quichushpami huasiyuc tucushca.

ISAÍAS 16:10

Allita pucuc pambacunapi cushicushpa caparinaca ña illanmi. Uvas chagracunapipish mana ashtahuan cushicushpa cantangachu. Vinota ruhuaccunapish cutana pushtucunapica mana cutangachu. Uvasta cutashpa caparinaca illanmi.

EZEQUIEL 26:12

Ima charishcacunatapish, ima catushcacunatapish quichushpami apanga. Pircacunatapish urmachishpami, sumac huasicunatapish tucuchinga. Rumicunatapish, caspicunatapish, ñuto allpatapish yacu chaupipimi shitanga.

EZEQUIEL 34:21

Cancunaca tullu ovejacunataca huicsahuan, rigrahuan, gachucunahuanmi tangashpa, caita chaita cacharcanguichic.

OSEAS 9:2

Chaimantami trillana erapica grano illanga. Uvasta cutanapica llullu vino illanga.

LEVÍTICO 26:16

ñucapish cancunataca jatun manchaita, rupachic ungüita, cuerpota irquiyachic ungüita cachashpami cancunata llaquichisha. Cancunaca yangami allpapi tarpunguichic. Chai pucushca granotaca cancunata piñaccunami micunga.

AMÓS 2:6

Mandac Diosca: «Israelcunataca catipi quimsa cutin, chuscu cutin juchallishcamanta llaquichinataca manatac saquishachu. Paicunaca cashcata ruhuac runataca cullquipimi catun. Huaccha runataca ishcai ushutahuanmi cambian.

AMÓS 2:7

Huacchacunataca ñuto allpata shinami sarun. Humilde gentecunatapish pandachincunami. Taitapish, churipish, chai solterallahuantac chayarishpami, jucha illac ñuca shutitaca mapayachin.

AMÓS 3:15

Shinallatac tamya punzhacunapi, usyai punzhacunapi causana huasicunatapish urmachishami. Marfilhuan ruhuashca huasicunapish tucuringami. Achca huasicunami llaquinayaita tucuringa. Chaitaca Mandac Dios ñucami nini» ninmi.

AMÓS 3:9

Asdod llactapi, Egipto llactapi mandashpa tiyana huasicunapipish huillashpaca: «¡Samaria urcupi tandanacushpa, chai llacta llaqui tucushcata, chaipi causaccuna llaquilla causacushcata ricuichicyari!» nichic ninmi.

AMÓS 4:1

Mandac Diosca: «Basán llacta huirayashca vacacuna shina Samariapi causac huarmicunalla, caita alli uyaichic. Cancunaca huacchacunata, imata mana chariccunata sarushpami llaquichinguichic. Cutin cancunapac cusacunataca: “¡Vinota apamushpa machashunchic!” ninguichicmi» ninmi.

AMÓS 6:11

Mandac Diosmi jatun huasicunata urmachichun, chai huasi pircacunatapish urmachichun mandanga.

AMÓS 6:12

¿Caballocunaca rumi quingraita callpanchu? ¿Mama cuchata yuntahuan yapunchu? ¡Cancunaca allita ruhuashpa causanataca venenota shinami ruhuashcanguichic! ¡Cashcata ruhuashpa causanataca jayac ajenjota shinami ruhuashcanguichic!

AMÓS 8:4

Cai llactapica imata mana chariccunata, huacchacunata llaquichiccuna caita uyaichic.

AMÓS 9:14

Ñuca acllashca israelcuna prezumanta cutichimushami. Paicuna cutichimucpimi, urmashca llactacunata allichishpa causanga. Paicunaca uvasta tarpushpaca vinota ubiangacunami. Huerta ruhuashpaca, chaipi pucushca micungami.

MIQUEAS 1:6

Mandac Diosca: «Chaimantami Samaria llactataca rumi montonta shina ruhuashpa, uvas tarpuna allpata ruhuasha. Pircashca rumicunataca pugru pambamanmi caita, chaita singuchishpa cachasha.

MIQUEAS 2:2

Maijanpac allpacunatapish, huasicunatapish yallita munashpami quichun. Paicunaca shuc runata llaquichishpami, paipac familiatapish llaquichishpa, ima charishcacunatapish quichushpa llaquichin.

MIQUEAS 6:15

Tarpushpapish mana cosechanguichu. Olivos granota cutashpapish, chai aceitehuanca mana cahuiringuichu. Uvasta capishpapish vinotaca mana ubianguichu.

SOFONÍAS 1:13

Chaimantami paicunapac charishcacunatapish shuhuashpa, huasicunatapish llaquinayaitami tucuchinga. Huasicunata shayachishpapish, mana causangacunachu. Uvasta tarpushpapish, vinota mana ubiangacunachu» ninmi.

HAGEO 1:6

Cancunaca achcata tarpushpapish, ashallatami japinguichic. Micushpapish mana sacsanguichicchu. Yacuta ubiashpapish, yacunayaita mana pasachinguichicchu. Churarishpapish, mana cunuringuichicchu. Cullquimanta trabajac runaca lliqui mochilapimi cullquita huacaichin.

MALAQUÍAS 1:4

Edom llactapi causac Esaú aillucunaca: “Ñucanchicca tucui tucuchishcami canchic. Chashna cashpapish, cutinllatac shayachishunmi” ningami. Chaimantami tucuita Mandac Diosca: «Paicuna cutin shayachicpipish, ñucami cutin urmachisha. Shina urmachicpica: “Diosta mana manchac llactami, huiñaita Mandac Dios piñashca gentecunami” nishpami shutichinga.

DEUTERONOMIO 28:30

Cancunahuan cazarangapac ari nishca huarmihuanpish shuc carimi sueñunga. Huasita shayachishpapish, mana causanguichicchu. Uvasta tarpushpapish mana pallanguichicchu.

SANTIAGO 2:6

Shina cacpipish cancunaca huacchami nishpami, paicunataca yangapi churanguichic. Cancunata llaquichishpa, juezpacman apaccunaca, ¿manachu chayuccuna can?