AMÓS 4:3 - Dios Rimashcata Quillcashcami

³ Chai punzhapica, pirca jutcutami catinacushpa llucshinguichic. Mandashpa tiyana huasicunamanmi shitashca canguichic. Chaitaca Mandac Dios ñucami nini» ninmi.

AMÓS 4:3 ပူးပေါင်းရင်းမြစ်များ

2 REYES 25:4

Chaimantami jatun mandac Sedequiasca jatun pircata jutcushpa caldeocuna muyundipi chapacucpipish, tucui paipac soldadocunahuan llucshirca. Paipac huertata rishpa, ishcai pirca chaupipi tiyac punguta chai tutallatac llucshishpami, Arabá pambaman rina ñanta rirca.

2 REYES 7:15

Paicunaca Jordán yacu ladocaman rishpami, siriocuna manchaihuan callpashpa, churanacunata, ima charishcacunata ñan jundata shitashpa rishcata ricurca. Chaimantaca jatun mandacman huillangapacmi cutircacuna.

ISAÍAS 2:20

Chai punzhapimi runacunaca paicunallatac adorangapac cullquimanta, curimanta ruhuashca dioscunataca ucuchacuna, mashucuna causachun shitanga.

ISAÍAS 31:7

Chai punzhapica cullquimanta, curimanta ruhuashca dioscunatapish yanga shitangami. Chaicunataca cancunami juchayuc quiquin maquihuan ruhuarcanguichic.

JEREMÍAS 52:7

Chaimantami chai llacta muyundi jatun pircata shuc jutcuta ruhuashpa, tucui soldadocuna miticushpa callparca. Chashnami tuta jatun mandacpac huerta ladopi tiyac ishcai pirca chaupipi tiyac punguta llucshirca. Caldeocuna muyundipi chapacucllapitacmi Arabá pambaman rina ñanta callparca.

EZEQUIEL 12:12

Cancunata mandacca amsayanata quipita humbroschishpami, pircata jutcushpa llucshi ringa. Llactata mana ricungapacca, ñahuitami taparinga.

EZEQUIEL 12:5

Paicuna ricucucllapitac pircata jutcushpa llucshingui.

AMÓS 6:7

Cunanca, prezu riccunapac ñaupatami ringuichic. Chashna ricpimi, cancunapac munashcata ruhuashpa cushicunaca tucuringa.

SOFONÍAS 1:18

Mandac Dios piñarishpa llaquichi punzhapica paicunapac cullquipish, curipish mana quishpichingachu. Tucui cai pachataca nina japiric shinami tucuchinga. Cai pachapi causaccunataca cungaillami tucuchinga.

SAN MATEO 16:26

Maijanpish cai pachapi tucui ima tiyashcata charishpapish, huiñai causaita chingachishpaca, ¿ima allitac cangayari? Pai quishpiringapacca, ¿imatatac cui pudinga?

JUECES 5:17

Galaad aillucunaca Jordán yacu chimbapimi causangapac saquirirca. Dan aillucunaca ¿Ima nishpatac barcocuna ladopi saquirirca? Aser aillupish mama cucha ladopimi saquirirca. Barcocuna shayana pueblomantaca mana cuyurishpami chaipi causai callarirca.