AMÓS 4:11 - Dios Rimashcata Quillcashcami

¹¹ Sodomata, Gomorrata llaquichishca shina, yallita llaquichicpi, cancuna mana tucui rupashca caspi shina cashpapish, mana ñucapacman cutirircanguichicchu. Chaitaca Mandac Dios ñucami nini.

AMÓS 4:11 ပူးပေါင်းရင်းမြစ်များ

ISAÍAS 13:19

Tucui llactamanta yalli sumac Babilonia llactapish, chaipi causac mai alli nishca caldeocunapish Dios ñucallatac tucuchishca Sodoma, Gomorra shinami tucuringa.

ISAÍAS 7:4

Acaztaca: “Siria llactamanta Rezinhuan, Remalias-huanmi piña shamucun. Shina cacpipish, canca alli yuyaihuan, mana manchashpa shuyailla. Paicunaca nina chiriyashca, ishcai cushnicuc caspi shinami.

ISAÍAS 9:12

Chaimantami inti llucshina ladomantaca siriocunata, inti tigrana ladomantaca filisteocunata pushamunga. Paicunami israelcunataca shuc amullita shina ruhuashpa tucuchinga. Chashna llaquichishpapish Mandac Diosca nina japiric shina piñarishcataca mana pasachishcachu. Ashtahuanpish llaquichingaracmi.

JEREMÍAS 23:14

Shinallatac Jerusalenmanta huillaccunataca mana ricuipaccunata ruhuacuctami ricurcani. Paicunaca huainayashpa juchacunata ruhuashpa, llullashpallami purincuna. Shinallatac mana allita ruhuaccunatami cushichin. Chaimantami ñucapacmanca pipish mana cutin. Ñuca ñaupapica tucui paicunami Sodoma pueblopi causaccuna shina. Cutin Jerusalenpi causaccunaca Gomorrapi causaccuna shinami.

JEREMÍAS 49:18

Chai llactaca Sodoma, Gomorra llactacunata, chai muyundi pueblocunata tucuchishca shinami saquiringa. Shucllapish mana saquiringachu, pipish mana causangachu.

JEREMÍAS 5:3

Mandac Dioslla, canca mana llullac cachunmi munangui. Paicunaca can macacpipish, llaquichishpa tucuchicpipish, mana entendircachu. Rumitapish yalli sinchi shungu tucushpami, cambacman cutinataca manatac munarca.

JEREMÍAS 50:40

Ñuca Sodomata, Gomorrata, chai muyundi llactacunata llaquichicpi, llaqui tucurca, chashnallatacmi Babilonia llactapish tucunga. Chaipica pi ña mana causangachu. Huiñaitami shitashca saquiringa. Chaitaca Mandac Dios ñucami nini.

EZEQUIEL 24:13

Canca millaita ruhuashpami mapayarcangui. Ñuca cambac mapata pichasha nicpipish, canca manatac munarcanguichu. Canta llaquichishpa, ñuca yallita piñarishcata pasachingacaman manatac chuyayanguichu.

OSEAS 11:5

Paicuna ñucapacman mana cutinata munashcamantami Egipto llactamanca mana cutinga. Ashtahuanpish Asiria llactapi causaccunami paicunata jatun mandac tucunga.

OSEAS 11:8

Efraín aillulla, ¿cancunataca imatac shitashpa saquishayari? Israelcunalla, ¿imatac shuccunapac maquipi saquishayari? Cancunataca, ¿imatac Adma llactata shina, mana cashpaca Zaboím llactata shina llaquichishayari? Ashtahuanpish cancunataca shungupi nanarishpami yuyaricunilla.

AMÓS 4:6

Ñucami tucui cancunapac llactacunamanta micunata anchuchircani. Chaimantami ima micunapish mana tiyarca. Shina cacpipish, mana ñucapacman cutirircanguichicchu.

HAGEO 2:17

Ñuca, cancuna tarpushca chagracunata rupac huairahuan, shuctac ungüihuan, runduhuan chingachicpipish, mana ñucapacman cutirircanguichicchu.

ZACARÍAS 3:2

Mandac Diosca: «Satanaslla, cantaca Mandac Dios ñucami rimani. Jerusalenta acllac Mandac Dios ñucallatacmi rimashpa llaquichini. ¿Manachu cai runaca mana tucui rupashca yanta shina?» nirca.

ROMANOS 9:29

Utcapi Isaías huillashpaca: «Tucuita Mandac Dios shucllatapish mana saquishpa, tucui huahua huahuacunata mana saquishca cacpica, cunanllatacmi Sodoma shina, Gomorra shina tucunchicman carca» nishcami.

1 CORINTIOS 3:15

Maijanpac ruhuashca huasi rupacpica paica imata mana japingachu. Paipish ninamanta mana quishpiringachu.

DEUTERONOMIO 28:24

Mandac Diosca cancunapac allpamanca tamyapac randica uchupata, ñuto allpatami cielomanta cancuna tucuringacaman llaquichinga.

DEUTERONOMIO 29:23

“Azufrehuan, cachihuan rupashca allpaca imata tarpucpipish mana pucungachu. Ima quihuapish mana huiñangachu. Sodoma, Gomorra, Adma, Zeboim, llactacuna shinami tucushca. Chai llactacunataca Mandac Diosmi nina japiric shina piñarishpa, tucui tucuchirca” ninga.

2 PEDRO 2:6

Chashnallatacmi Sodoma pueblopi, Gomorra pueblopi causac millai gentecunataca uchupayangacaman rupachirca. Chashna ruhuashpaca, quipaman causac millai gentecuna chashnallatac tucuna cashcata ricuchingapacmi, chashnaca ruhuarca.

SAN JUDAS 1:23

Ninapi rupangapac ricuccunataca, ninamanta aisac shina quishpichichic. Shuccunataca paicuna shina mana allita ruhuanamanta cuidarishpa ayudaichic. Paicuna mana allita ruhuashcamanta churanacunacaman mapayashcataca millanami canguichic.

SAN JUDAS 1:7

Chashnallatacmi Sodoma pueblopi, Gomorra pueblopi shinallatac chai cuchulla pueblocunapi causaccunapish huacllirishpa, caricunapura, huarmicunapura chayarinacushpa, millaillapi causarcacuna. Chaimantami huiñaita rupacuc ninapi llaquita aparcacuna. Cunan punzha causaccuna ricushpa yuyarichunmi, chashnaca tucurca.

APOCALIPSIS 9:20

Cai llaquicunahuan llaquichicucpi mana huañuc gentecunaca, mana allita ruhuanataca mana saquircachu. Ashtahuanpish supaicunatapish, curimanta, cullquimanta, rumimanta, broncemanta, caspimanta ruhuashca mana uyac, mana ricuc, mana puric dioscunatami adorashpa catircacuna.