AMÓS 3:12 - Dios Rimashcata Quillcashcami

¹² Mandac Diosca: «Samariapi causac israelcunaca ñutunlla tiyarinacunapi, cama esquinapimi tiyarin. Paicunaca shuc michic leonpac shimimanta ishcai oveja chaquita mana cashpaca, ringrita quichushca shinami, ashalla saquiringa» ninmi.

AMÓS 3:12 ပူးပေါင်းရင်းမြစ်များ

1 REYES 20:30

Maijan siriocunaca Afec pueblopimi miticungapac rircacuna. Shina cacpipish, pueblo pirca urmashpami, ishcai chunga canchis huaranga soldadota huañuchirca. Shinallatac Ben-adadpish chai pueblopi miticungapac rishpami, shuc ucumanta, caishuc ucuman pasashpa miticurca.

1 REYES 20:34

Chaipimi Ben-adadca: —Ñuca taita, cambac taitamanta quichushca pueblocunataca canmanmi cutichigrini. Samaria pueblopi ñuca taita catuna plazacunata churashca shinallatac, canpish Damasco pueblopi catunacunata churailla— nirca. Shina nicpimi Acabca: —Chaita ruhuasha nishcamantami ñucapish cantaca richun saquigrini— nirca. Chaita pactachingapac paihuan ari nishcamantaca richun saquircallami.

1 REYES 22:25

Shina nicpimi Micaiasca: —Riqui, huasiman yaicushpa, shuc ucumanta shuc ucuman miticushpa puricui punzhami yachangui— nirca.

2 REYES 16:9

Asiria llactata jatun mandacca chaita japishpami, Damasco pueblopi causaccunahuan macanacungapac huichai rishpa, chai pueblota japirca. Chai pueblopi causaccunatapish Kir pueblomanmi prezu aparca. Shinallatac Rezintapish huañuchircami.

ESTER 1:6

Canzha pambaca yurac, verde, azul sumac pañocunahuan huarcushca, sumacta allichishcami carca. Chai pañotaca lino puchcahuan, yana puca puchcahuan, cullqui argollapi churachishpa mármol pilarcunapi huarcushcami carca. Curi tiyarinacunapish tiyarcami. Shinallatac pambapish sumac alabastro, jacinto yurac yana rumicunahuan ruhuashcami carca.

ESTER 7:8

Mandashpa tiyana huasi lado huertamanta jatun mandac ucuman yaicushpaca Amantaca mandac Ester tiyacuc cama jahuapi siricuctami ricurca. Chaita ricushpami Amantaca: —¿Jatun mandac huarmitapish ñuca huasillapitacchu japirisha ningui?— nirca. Jatun mandac chashna nicpimi Amanpac ñahuita taparca.

SALMOS 132:3

«Ñuca huasimanca mana yaicushachu. Ñuca camamanpish mana huichicushachu.

ISAÍAS 17:7

Chai punzhami runacunaca paicunata ruhuac Diosta ricunga. Chashnami quiquin ñahuihuan israelcunapac jucha illac Diostaca allita ricunga.

ISAÍAS 31:4

Mandac Diosca: «Shuc león ovejata japishpa micushpaca, tucui michiccuna tandanacushpa manchachingapac shamucpipish, mana manchanchu. Chashnami tucuita Mandac Dios ñucapish, ñucapac Sión urcupi macanacungapac urai shamusha.

ISAÍAS 8:4

Chai huahuaca: “Ñuca taitito, ñuca mamita” ninata manarac yachacushpami, Damascopi, Samaria llactapi causaccuna ima charishcacunata quichushpa, Asiria llactata jatun mandacman cunga» nirca.

AMÓS 6:4

Marfil camacunapimi sueñunguichic. Maltón cari ovejacunata, maltón huira animalcunatami micunguichic.

AMÓS 9:8

Mandac Diosca: «Juchayuc llactataca piñacunimi. Chaimantami cai llactapi causaccunataca llaquinayaita llaquichishpa tucuchisha. Shina llaquichishpapish, Jacobopac huahua huahuacunataca mana tucui tucuchishachu.