AMÓS 2:6 - Dios Rimashcata Quillcashcami

⁶ Mandac Diosca: «Israelcunataca catipi quimsa cutin, chuscu cutin juchallishcamanta llaquichinataca manatac saquishachu. Paicunaca cashcata ruhuac runataca cullquipimi catun. Huaccha runataca ishcai ushutahuanmi cambian.

AMÓS 2:6 ပူးပေါင်းရင်းမြစ်များ

2 REYES 18:11

Asiria llactata jatun mandac israelcunata Asiria llactaman prezu apashpaca, Halah pueblopi, Gozán jatun yacu ladopi cac Habor llactapi causachunmi churarca. Shinallatac medocunapac pueblocunapipish churarcami.

2 REYES 18:12

Paicunata Mandac Diosta mana cazushcamanta, Dios-huan ari nishcata yangapi churashcamanta, Mandac Diosta servic Moisés mandashcacunatapish mana ruhuashcamanta, mana uyashcamantami chashnaca tucurcacuna.

ISAÍAS 10:2

¡Huacchacunata llaquichingapac, llaquilla causac ñuca acllashcacuna japina cashcata quichungapac, viudamanta, taita mama illac huahuacunamanta shuhuangapacmi chashnaca ruhuanguichic!

ISAÍAS 29:21

shuccunata juchallichiccunapish, llacta pungupi cancunata rimaccunata urmachingapac tucllata churaccunapish, cashcata ruhuac runata yanga juchanchishpa, llaquichiccunapish tucuringami.

EZEQUIEL 22:13

Riquichic, cancuna shuhuashpa chayucyashcamanta, huañuchishpa yahuarta jichashcamantaca yallita piñarishcami cani.

JOEL 3:3

Suerteta ruhuashpami, ñuca acllashcacunataca chaupinacurca. Churicunataca cullquimanta huainayac huarmihuanmi cambiarca. Ushicunataca vinota ubiangapacmi caturca.

JOEL 3:6

Judá llactapi, Jerusalenpi causaccunapac huahuacunataca paicunapac llactacunamanta caruman cachangapacmi Grecia llacta runacunaman caturcanguichic.

ZACARÍAS 11:5

Chai ovejacunata randiccunaca mana llaquishpami huañuchinga. Cutin catuccuna catushpaca: “Chayucyashcanimi, chaimanta Mandac Diosca alli nishca cachun” nicunmi. Michiccunapish mana llaquinchu.