AMÓS 1:14 - Dios Rimashcata Quillcashcami

¹⁴ Chaimantami Rabá llacta muyundi pircapica ninata churasha. Chai ninami jatun macanacui punzhapi, acapana huaira punzhapi mandashpa tiyana huasicunatapish tucui rupachinga.

AMÓS 1:14 ပူးပေါင်းရင်းမြစ်များ

2 SAMUEL 11:1

Chai quipa huatami tucui jatun mandaccuna macanacuiman llucshina punzha chayacpi, Davidca Joabta paita serviccunahuan, tucui israelcunahuan Amón llactapi macanacuchun cacharca. Shina cachacpimi, Amón llacta gentecunata tucuchishpa, Rabá pueblota japingapac chai pueblo muyundita shayarirca. Shina cacpipish, Davidca Jerusalenpimi saquirirca.

2 SAMUEL 12:26

Joabca Rabá pueblopi causac amonitacunahuan macanacushpami, jatun mandac causana pueblota quichurca.

2 SAMUEL 12:31

Chai pueblopi puchushca gentecunataca fierro sierrahuan, fierro trillanahuan, fierro hachacunahuan trabajachunmi churarca. Shinallatac hornopi ladrillota ruhuachunpishmi churarca. Chashnallatacmi Amón llactapi causac tucui gentecunatapish trabajachirca. Chai quipami, Davidca tucui soldadocunahuan Jerusalenman cutirca.

1 CRÓNICAS 20:1

Usyai ña callarigricupimi jatun mandaccunaca macanacuiman llucshic carca. Chai punzhacunapimi Joabca achca soldadocunata pusharishpa, amonitacunapac llactata tucuchirca. Rabá puebloman chayashpaca tucui muyushpami chai pueblota tucuchirca. Ashtahuanpish Davidca Jerusalenpimi saquirirca.

JOB 39:25

Ashtahuanpish cornetacunapi tocacpica, mana cazushpa asishpami shayacun. Macanacuitaca carumantami mutquin. Soldadocunata pushaccuna caparishcatapish, macanacuipi caparishcatapish uyanmi.

SALMOS 83:15

Cambac tamya huairahuan catishpa llaquichiyari. Cambac jatun acapana huairahuan manchachiyari.

ISAÍAS 29:6

Tucuita Mandac Diosca tulun nishpa, allpata chucchuchishpa, sinchita tulun nichishpa, yalli rundu tamya huairahuan, tucuchic ninahuan llaquichingapacmi shamunga.

ISAÍAS 30:30

Mandac Diosca sinchita rimashcatami uyachinga. Jatun poderyuc paipac rigratapish urai ricuchingami. Manchana paipac piñarishca ñahuihuanpish, tucuchic ninahuanpish, sinchi huaira tamyahuanpish, jatun rumi shina, runduhuanpish tucuchingami.

ISAÍAS 9:5

Jatun macanacuipi soldadocuna chaquipi churarishcacunapish, yahuarpi cahuirishca churanacunapish tamo shinami rupanga.

JEREMÍAS 23:19

Mandac Dios piñarishcaca mancharina acapana huaira shinami shamun. Paica acapana huairahuan shinami, mana allita ruhuaccunata llaquichinga.

JEREMÍAS 49:2

Chaimantami amonitacunapac Rabá llactapica jatun macanacuipi caparinacuita uyana punzhacuna chayamun. Chai puebloca tucui urmachishpa, rumi montonllami saquiringa. Chaipi tiyac caishuc llactacunapish rupachishcami canga. Chai punzhacunami israelcunaca paicunamanta quichushca pueblocunata cutin japinga. Chaitaca Mandac Dios ñucami nini.

EZEQUIEL 21:20

Shuc ñanca amonitacuna causacuc Rabá llactaman, shuc ñanca Judá llactapi tiyac muyundi pircashca Jerusalenman, espada rinami canga.

EZEQUIEL 21:22

Chashna tapucpica, jatun mandacca paipac alli lado maquihuanmi Jerusalén ladota ricuchirca. Chaica macanacuchun, huañui tiyachun, caparinacuchun, pungu ladocunapi ariete nishcata shayachichun, macanacuna pushtucunata ruhuachun, muyundi torrecunata shayachichunmi ricuchirca.

EZEQUIEL 21:25

Israel llactata mandaclla, canca millai runami cangui. Canta llaquichishpa tucuchina punzhaca ñami pactashca.

EZEQUIEL 25:5

Rabá llactataca camellocuna michina pambata, Amón llacta pueblocunataca ovejacuna michina pambatami ruhuanga. Shina ruhuacpimi, ñucaca Mandac Dios cashcata yachanguichic.

EZEQUIEL 25:7

Chaimantami ñuca maquita alzashpa cancunata llaquichisha. Cancuna imata charishcatapish quichushpa apachunmi, shuctac llactacunapac maquipi churasha. Cancunataca llactacunapac chaupimanta, pueblo chaupimanta llucchishpami tucuchisha. Shina ruhuacpimi, ñucataca Mandac Dios cashcata yachanguichic nini.

DANIEL 11:40

Ashtahuanpish tucuri punzhacunaca ura llacta jatun mandacmi paihuan macanacungapac shamunga. Chashna shamucpimi, jahua llacta jatun mandacca carretacunahuan, caballopi ric soldadocunahuan, barcocunahuan yacu jundamuc shina macanacungapac shamunga. Chashna yacu jundamuc shina shamushpami, llactacunaman yaicushpa tucuchinga.

AMÓS 2:2

Chaimantami Moab llactapica ninata japichisha. Chai ninami Queriot llactata mandashpa tiyana huasicunatapish tucui rupachinga. Chashnami Moab llactapi causaccunaca cornetata tocacpica, caparinacushpa tucui huañunga.

ZACARÍAS 7:14

Ashtahuanpish paicunataca jatun acapana huairahuanmi paicuna mana ricsishca llactacunaman shic-huashpa cacharcani. Paicuna rishca quipaca, paicunapac llactaca shitashca pambami saquirirca. Chai llactaman yaicunataca pipish mana munangachu. Paicuna munashca llactataca shitashca pambatami saquirirca» nirca.

DEUTERONOMIO 3:11

Manchana jatun gentecunamantaca Basanta mandac Ogllami saquirirca. Paipac camaca fierromi carca. ¿Chai camaca manachu Amón llactapi tiyac Rabá llactapi tiyacun? Chai camaca chuscu metro largo, shuc metro pusac chunga centímetro anchomi carca.