ABDÍAS 1:14 - Dios Rimashcata Quillcashcami

¹⁴ Huañuimanta miticushpa riccunataca mana quichqui ñanpi chapashpa, huañuchinachu carcangui. Chai jatun llaqui punzhapica, miticushpa saquirishcacunata mana llaquichiccunaman cunachu carcangui. punzhacuna ima tucunamanta

ABDÍAS 1:14 ပူးပေါင်းရင်းမြစ်များ

GÉNESIS 35:3

Bet-elman huichai rishunchic. Chaipimi ñuca llaquilla cashpa, mañashcata uyac, shinallatac ñucahuan puric Diosman shuc altarta ruhuagrini— nirca.

SALMOS 31:8

Piñacpac maquipica mana churarcanguichu. Ashtahuanpish ñuca chaquicunataca pi mana llaquichina pushtupimi churarcangui.

ISAÍAS 16:3

Allita cunaichic, allita yuyarinacuichic. Chaupi punzha cacpipish, cancunapac llanduhuan amsa tuta shinata ruhuaichic. Miticushpa puriccunata pacaichic. Ama piñaccunaman cuichicchu.

ISAÍAS 16:4

Moab llactamanta llucchishpa cachashcacunata cancunahuan causachun saquichic. Paicuna ama huañuchun jatun pirca shina pacaichic. Chai llaquichicca chingarircami. Huañuchishpa tucuchicpish tucurircami. Sarushpa llaquichicca cai pachamanta chingarircami.

ISAÍAS 37:3

Paicunaca: —Ezequiasca: “Cunan punzhaca yalli llaquichishca, pingaichishca, mai llaquillami canchic. Chaica, sajuarina punzha pactacpi, chai sajuaric huarmi mana fuerzata charic shinami canchic.

JEREMÍAS 30:7

¡Aij, chai punzhaca yalli llaquimi cagrin! Chashna llaquica jaicapi mana tiyashcachu. Jacobopac huahua huahuacunamanca yalli llaqui punzhami canga. Shina cacpipish, paicunataca quishpichishami» ninmi.

AMÓS 1:6

Mandac Diosca: «Gazapi causaccunataca paicuna catipi quimsa cutin, chuscu cutin juchallishcamanta llaquichinataca manatac saquishachu. Paicunaca Edom llactapi causaccunaman cungapacmi shuc llactapi tucui causaccunata prezu aparca.

AMÓS 1:9

Mandac Diosca: «Tiropi causaccunataca paicuna catipi quimsa cutin, chuscu cutin juchallishcamanta llaquichinataca manatac saquishachu. Paicunaca huauquicunahuan ari nishcata mana yuyarishpami, shuc llactapi causaccunata prezushpa, Edom llactapi causaccunaman curca.

ABDÍAS 1:12

Cambac huauqui llaquihuan cai punzhapica, mana cushicunachu carcangui. Judá llactapi causaccuna chingaricui punzhapica, mana asinachu carcangui. Paicuna jatun llaquita apacui punzhapica, mana jatun tucunachu carcangui.

SAN MATEO 22:9

Chaimanta cancuna mai ñancunaman llucshishpa, pipish ricuricta pushamuichic” nishpa cacharca.