ABDÍAS 1:11 - Dios Rimashcata Quillcashcami

¹¹ Cambac huauquipac soldadocunata shuctac llactaman prezu apacucpi, Jerusalén punguta shuhuangapac yaicucpica canca ricucurcanguimi. Chai shuhuashcata suerteta ruhuashpa chaupicucpica, canpish chai llaquichic shinami tucurcangui.

ABDÍAS 1:11 ပူးပေါင်းရင်းမြစ်များ

2 REYES 25:11

Soldadocunata mandac Nabuzaradanca chai pueblopi maijan saquirishca gentecunatapish, Babilonia llactata jatun mandac-huan tucushca gentecunatapish, huaccha gentecunatapish prezumi aparca.

SALMOS 137:7

Mandac Dioslla, edomitacunata yuyariyari. Jerusalenta llaquichicuc punzhapica paicunaca: «Urmachichic. Callari rumicunatapish ama saquishpa urmachichic» nircacunami.

SALMOS 50:18

Shuhuac ricuricpica, sumactami chasquingui. Huainayaccunahuanmi pacta puringui.

SALMOS 83:5

Shuc shinalla tucushpami, tucui mashna tandanacushpa, canta llaquichingapac ari nishcacuna.

SALMOS 83:6

Carpa huasicunapi causac edomitacunapish, ismaelitacunapish, moabitacunapish, agarenocunapish,

EZEQUIEL 35:10

Mandac Dios ñucallatac Israel llactapi cacpipish canca: ‘Israel llactatapish, Judá llactatapish japisha’ nircanguimi.

JOEL 3:3

Suerteta ruhuashpami, ñuca acllashcacunataca chaupinacurca. Churicunataca cullquimanta huainayac huarmihuanmi cambiarca. Ushicunataca vinota ubiangapacmi caturca.

AMÓS 1:6

Mandac Diosca: «Gazapi causaccunataca paicuna catipi quimsa cutin, chuscu cutin juchallishcamanta llaquichinataca manatac saquishachu. Paicunaca Edom llactapi causaccunaman cungapacmi shuc llactapi tucui causaccunata prezu aparca.

AMÓS 1:9

Mandac Diosca: «Tiropi causaccunataca paicuna catipi quimsa cutin, chuscu cutin juchallishcamanta llaquichinataca manatac saquishachu. Paicunaca huauquicunahuan ari nishcata mana yuyarishpami, shuc llactapi causaccunata prezushpa, Edom llactapi causaccunaman curca.

NAHÚM 3:10

Shina cacpipish, prezurcami. Paipac huahuacunataca calle esquinacunapimi pambaman shitashpa huañuchirca. Alli nishca runacunataca suerteta ruhuashpami aparca. Mandaccunataca cadenahuan huatashpami prezu aparca.

SOFONÍAS 2:10

Paicunallatac jatun tucushpa tucuita Mandac Diospac acllashcacunata rimashcamantami llaqui tucunga.