3 JUAN 1:2 - Dios Rimashcata Quillcashcami

² Cuyashca Gayo, ima shinami Diospac ñaupapi alli cangui, shinallatac cambac cuerpopipish tucui imapipish alli cachunmi, Diosta mañani.

Nuevo Testamento en Quichua Cañar 1996

² C'uyashca Gayo, ima shinami Taita Diospac ñaupapi alli cangui, shinallatac cambac tucui causaipipish alli cachun nishpami, Taita Diosman mañani.

3 JUAN 1:2 ပူးပေါင်းရင်းမြစ်များ

SAN MATEO 9:12

Chaita Jesús uyashpaca: —Mana ungushcacunaca jambictaca mana mashcanchu, ashtahuanpish ungushcacunallami jambictaca mashcan.

FILIPENSES 2:27

Paica huañunalaya, ancha ungushcatacmi carca. Ashtahuanpish Diosmi ñuca llaquita apacushca jahua ama ashtahuan llaquita apachun nishpa, paitapish ñucatapish llaquishpa, paitaca alliyachirca.

FILIPENSES 2:4

Maijanpish quiquinlla alli canataca ama yuyaichicchu, ashtahuanpish shuccuna alli cachun munaichic.

2 TESALONICENSES 1:3

Cuyashca criccuna, cancunaca sinchi criccuna tucucushcamanta, caishuc chaishuc-huan cuyanacushpa causacushcamantami pagui nina cashca shinallatac Diostaca pagui nicunchiclla.

2 TESALONICENSES 2:13

Apunchic Jesús cuyashca criccuna, ñucanchicca cancunata yuyarishpaca, punzhantami Diostaca pagui nicunchiclla. Diospac Espíritu Diospacllata ruhuashcamanta, shinallatac cashcata nic huillashcata crishcamantami, cancuna quishpirichun callarimanta pacha Diosca acllarca.

SANTIAGO 5:12

Ñuca cuyashca criccuna, tucuimanta yallica: Imata ruhuangapacca jahua pachamantapish, cai pachamantapish, ima shuctac tiyashcamantapish ama ari nichicchu. Dios ama juchanchichunca, pactachingapac cashpaca «ari» nichic, mana pactachingapac cashpaca «mana» nichic.

1 PEDRO 4:8

Tucuimanta yallica caishuc chaishuc cuyanacuichic. Chashna cuyanacushpaca, achca juchacunatami perdonanguichic.

2 PEDRO 3:18

Shina tucunapac randica, ñucanchic Quishpichic Apunchic Jesucristota ashtahuan ricsishpa, pai mai cuyac cashcata yachashpa, catichic. ¡Paica cunanpish, huiñai huiñaipacpish sumaimana alli nishca cachun! Chashna cachun.

3 JUAN 1:1

Criccunata pushac ñucami, tucui shunguhuan cuyashca Gayoman cai quillcata quillcani.

APOCALIPSIS 2:9

Can ima shina llaquicunata apacushcatapish, can huaccha cashcatapish yachanimi. Shina cashpapish canca chayucmi cangui. Maijan: ‘Israelcunami canchic’ niccuna, canta mana alli nishpa, rimac cashcatapish yachanimi. Chaicunaca mana israelcunatacchu, ashtahuanpish Satanaspacta ruhuangapac tandanacuccunami.