2 TIMOTEO 4:5 - Dios Rimashcata Quillcashcami

⁵ Chashna cacpipish canca, tucuipi alli yuyaihuan cangui, quishpirinamanta alli huillaitaca huillacunguilla, llaquitapish apanguilla, cambac ruhuana cashcata pactachinguilla.

Nuevo Testamento en Quichua Cañar 1996

⁵ Chashna cacpipish canca llaquita apashpa, cambac ruhuana cashcata pactachinguilla. Ashtahuan alli yuyaihuan quishpirinamanta alli huillaitaca huillanguilla.

2 TIMOTEO 4:5 ပူးပေါင်းရင်းမြစ်များ

ISAÍAS 62:6

Jerusalenlla, cambac muyundi pircapica cuidaccunatami churarcani. Paicunaca tutai punzha mana upalla cangachu. ¡Mandac Diosta yuyarishpa causaccunaca manatac samaringuichicchu!

JEREMÍAS 6:17

Torre jahuapi chapaccunata churashpaca: “¡Cornetapi tocashcata uyaraichic!” nircanimi. Shina nicpipish cancunaca: “Mana uyashun ninchicchu” nircanguichicmi.

EZEQUIEL 3:17

«Huañunalla runa, cantaca israelcunata chapachunmi churani. Cunanca ñuca rimashcata alli uyashpa, ñucapac randi sinchita rimangui.

EZEQUIEL 33:2

«Huañunalla runa, cambac llacta gentecunataca: “Shuc llactaman jatun macanacuita cachacpica, chai llactapi causaccunapuramanta shuc cuidac runata churachun.

EZEQUIEL 33:7

Huañunalla runa, cantami israelcunata cuidachun churarcani. Canca, ñuca rimashcata allita uyashpa, ñucapac randi paicunata rimangui.

SAN MATEO 25:16

Chai pichca talento cullquita japicca chai cullquihuanca randishpa catushpami, pichca talento cullquihuan mirachirca.

MARCOS 13:34

Caica shuc amo caru llactaman rishpa, paita serviccuna imacunallata ruhuachun mandashpa saquic shinami. Huasita cuidactaca pungupi chaparachunmi mandashpa saquin.

MARCOS 13:37

Cancunata nishpaca, tucui mashnatami ‘chaparacuichic’ nini— nirca.

SAN LUCAS 12:37

Chashna chaparacucpi amo chayamucpimi, serviccunamanca mai cushicui canga. Chai amoca pai quiquinllatacmi serviccuna churarinata churarishpa, paicunata mizaman tiyachishpa micunata caranga, chashnami canga.

HECHOS 21:8

Cayandi punzhaca, Cesarea pueblomanmi chayarcanchic. Chaiman chayashpaca, alli huillaita huillac Felipepac huasipimi pozarcanchic. Paica criccunata ayudaccunapuramanta shucmi carca.

ROMANOS 15:19

Chashnami poderyuc Diospac Espirituhuan mancharinacunatapish, milagrocunatapish ruhuashpa, Jerusalén pueblomantaca Iliria llactacaman maipipish Cristomanta alli huillaita huillarcani.

EFESIOS 4:11

Chai shinami paillatac shuccunataca pai acllashca huillaccuna cachun, shuccunataca Dios ima nishcata huillaccuna cachun, shuccunataca quishpirinamanta alli huillaita huillaccuna cachun, shuccunataca criccunata pushaccuna cachun, cutin shuccunataca yachachiccuna cachun acllashpa, Diosmanta ruhuac canata curca.

EFESIOS 4:12

Chashna ruhuashpaca, Dios acllashcacuna paipacta ruhuachun, Cristopac cuerpo shina tandanacushca criccunata ashtahuan sinchiyachichun,

COLOSENSES 1:25

Dios huillachun mingashpami, cancunapac allipac ñucataca tucui tandanacushca criccunata servicta ruhuashca. Chashnami, tucui pai huillasha nicushcataca pactachicuni.

COLOSENSES 4:17

Shinallatac Arquipotapish, Apunchic Jesuspacta imata ruhuachun nishpa mingashcataca allita pactachichun nichic.

1 TESALONICENSES 5:6

Chaimanta mana caishuccuna shina sueñunachu canchic. Ashtahuanpish riccharishca shina chaparanami canchic.

1 TIMOTEO 4:12

Criccuna canta ricushpa allita causachunca, allita ruhuashpa, sumac shimicunata rimashpa, alli cuyac, alli cric, shinallatac ima mapa yuyaicuna illacmi cana cangui. Pacta cantaca “huambraracmi” nishpa rimanmancuna.

1 TIMOTEO 4:15

Diospacta ruhuashpa alli caticushcata tucui mashna ricuchunca, cai rimashcacunapi yuyaita churashpa allita ruhuangui.

2 TIMOTEO 1:8

Chashna cashcamanta ñucanchic Apunchic Jesucristomanta huillanatapish, huillacushcamanta ñuca prezu tiyacushcamantapish ama pinganguichu, ashtahuanpish alli huillaita huillacushcamanta llaquita apana cacpica, Diospac poderhuan ñuca shina llaquita apanguilla.

2 TIMOTEO 2:10

Chaimantami Dios tucui acllashcacuna Jesucristohuan shuclla tucushpa, sumaimana huiñai causaita paicunapish japichun nishpa cai llaquicunataca apacuni.

2 TIMOTEO 2:3

Canca Jesucristopac alli soldado shina, llaquicunataca apanguilla.

2 TIMOTEO 4:17

Chashna cacpipish Apunchic Jesusca mana ñucallata saquishpami sinchiyachirca. Chaimantami quishpirinamanta alli huillaita huillashpaca, tucui mana israelcunapish uyachun huillarcani. Chashnami Apunchic Jesusca ñucataca, piña leonpac shimimanta shina anchuchirca.

HEBREOS 13:17

Cancunata pushaccunata cazuichic. Diosca paicunatami cancunamanta tapunga. Chaimantami paicunaca mana samarishpa cancunataca ricuracun. Paicuna mana llaquirishpa, cushilla servichunca, paicunahuan alli caichic. Chaimi paicunamanca alli canga.

1 PEDRO 1:13

Chaimanta caicunata yachashpaca, allichirishpa alli yuyaihuan causaichic. Jesucristo cutimui punzha Dios paipac sumaimana cuyaimanta ñucanchic japina cashcata cucpi japingapac cushicushpa shuyacuichic.

APOCALIPSIS 3:2

Can ima ruhuashcacunapish ñuca Diospac ñaupapica mana alli cashcatami ricuni. Chaimanta cambac allita ruhuana munai manarac tucuricpi, riccharic shina cutin jatarishpa, maipi mana alli ruhuacushcata allichi.