2 TIMOTEO 4:17 - Dios Rimashcata Quillcashcami

¹⁷ Chashna cacpipish Apunchic Jesusca mana ñucallata saquishpami sinchiyachirca. Chaimantami quishpirinamanta alli huillaita huillashpaca, tucui mana israelcunapish uyachun huillarcani. Chashnami Apunchic Jesusca ñucataca, piña leonpac shimimanta shina anchuchirca.

Nuevo Testamento en Quichua Cañar 1996

¹⁷ Chashna cacpipish Apunchic Jesusca mana ñucallata saquishpami sinchiyachirca. Chaimantami quishpirinamanta alli huillaita allita huillashpaca, tucui mana israelcunapish*f** uyachun huillarcani. Chashnami Apunchic Jesusca ñucataca, huañuchiccunamantaca p'iña leonpac shimimanta shina anchuchirca.

2 TIMOTEO 4:17 ပူးပေါင်းရင်းမြစ်များ

SALMOS 109:31

Diosca almata juchanchiccunamanta quishpichingapacmi, imatapish mana charic runapac alli ladopi shayaringa.

SALMOS 22:21

Leonpac shimimantapish, piña huagracunapac gachumantapish quishpichiyari.

PROVERBIOS 20:2

Jatun mandac yallita piñarishpaca león huacac shinami manchachin. Pipish paita piñachishpaca paillatacmi huañunga.

PROVERBIOS 28:15

Huaccha gentecunata Diosta mana manchac mandacca león huacacuc shina, yarcaihuan cac oso shinami can.

ISAÍAS 41:10

Ñucaca cancunahuanmi cani. Chaimanta ama manchaichicchu. Ñucaca cancunapac Diosmi cani. Chaimanta ama manchaichicchu. Ñucaca cashcata ruhuashpami cancunapac tucui causaipi ayudasha.

ISAÍAS 41:14

Israelcunapac jucha illac quishpichic Mandac Diosmi caitapish nini: Curucuna shina ashalla Jacobopac huahua huahuacunapish, curucuna shina ashalla israelcunapish ama manchaichicchu. Ñucaca cancunata ayudac Diosmi cani.

JEREMÍAS 2:30

Ñuca llaquichicpipish, cancunapac huahuacunaca manatac entendishcacunachu. Yangami llaquichishcani. Ñuca ima nishcata huillaccunataca espadahuanmi millai león shina tucuchishcanguichic.

DANIEL 6:22

Leoncuna ñucata ama llaquichichunmi ñuca Diosca leoncunapac shimita huichcachun, paipac angelta cacharca. Paipac ñaupapica ima juchayuc mana canichu. Jatun mandaclla, cambac ñaupapipish mana faltayucchu cani— nirca.

DANIEL 6:27

Paillatacmi quishpichicpish, cacharichicpish can. Jahua pachapipish, cai pachapipish pi mana ruhuaipaccunata ruhuashpami ricuchin. Paimi leoncuna causana jutcupica cuidarca» nishpami quillcarca.

SAN MATEO 10:19

Mandaccunapacman japichicpica ama: ‘¿Imatashi nishun?’ nishpa, llaquiringuichicchu. Cancuna rimai callaricpica, Diosmi yuyaita cunga.

SAN LUCAS 1:1

Tauca runacunami cai ñucanchic llactapi ima tucushcacunataca, callarimanta allita quillcasha nicurca.

SAN LUCAS 21:15

Ñucallatacmi cancunamanca rimana alli yuyaicunatapish cusha. Chashna allita rimacpica, cancunata piñaccunaca mana imata ni pudishpa, upalla saquiringallami.

HECHOS 23:11

Chai quipa tuta Apunchic Jesús ricurishpaca: «Pablo, ama manchaichu. Ima shinami cai Jerusalenpi ñucamanta huillacungui, chashnallatacmi Roma pueblopipish huillana cangui» nirca.

HECHOS 9:15

Chashna nicpipish, Apunchic Jesusca: —Rilla, paitaca mana israelcunamanpish, jatun mandaccunamanpish, israelcunamanpish ñucamanta huillachunmi acllarcani.

ROMANOS 15:31

Judea llactapi causac mana criccunamanta Dios huacaichichun, Jerusalén criccuna ñuca apashca ofrendata alli chasquichun Diosta mañaichic.

2 CORINTIOS 12:9

Shina mañacpipish Apunchic Jesusca: «Chashna llaquicunata apacushpapish, ñuca cuyashcamantaca cushicuilla. Ñuca imatapish ruhuaclla cashcaca, can imatapish mana ruhuaipac cacpimi alli ricurin» nircami. Chaimanta Cristo imatapish ruhuaclla cashca ñucapi ricurichunmi, ñucaca imatapish mana ruhuaipaclaya canata munani.

EFESIOS 3:8

Ñucami tucui Diospaclla caccunamantaca ashtahuan yangalla cani. Shina cacpipish Dios cuyashpami, cai alli huillaita mana israelcunaman huillashpa sumac ruhuanata ñucamanca mingarca. Cai huillanaca Cristo tucuimanta yalli allicunata cuc cashcata huillanami.

1 TIMOTEO 1:12

Ñucata sinchiyachishcamanta, ñuca paita cazuc cashcata yachashpa paita servichun churashcamantami, ñucanchic Apunchic Jesucristotaca pagui nicunilla.

2 TIMOTEO 2:1

Ñuca huahua shina Timoteo, canca Jesucristohuan shuclla cashcamanta, Dios cuyashpa allicunata cushcahuan sinchi tucuiyari.

2 TIMOTEO 2:9

Chaita huillacushcallamantami huañuchicta shina cadenahuan huatashca llaquita apacuni. Shina cacpipish Diosmanta huillanaca mana huatashcachu.

2 TIMOTEO 3:11

llaquita apashpa cushicuc cashcatapish yachanguimi. Antioquía pueblopi, Iconio pueblopi, shinallatac Listra pueblopi ñucata piñashpa llaquichishcata yachanguimi. Chashna llaquichicpipish, Apunchic Jesusllatacmi tucui chaicunamantaca huacaichirca.

2 TIMOTEO 4:5

Chashna cacpipish canca, tucuipi alli yuyaihuan cangui, quishpirinamanta alli huillaitaca huillacunguilla, llaquitapish apanguilla, cambac ruhuana cashcata pactachinguilla.

TITO 1:3

Caitaca ñucanchicta Quishpichic Diosmi, pai huillachun nishca punzhacuna pactacpi ñuca huillachun mingashpa, mandashpa huillachirca.

HEBREOS 11:33

Crishcamantami paicunaca jatun mandaccunahuan macanacushpa mishashpa, cashcata ruhuarcacuna. Dios cushami nishcacunatapish japircami. Leoncunapac shimicunatapish huichcarcami.

1 PEDRO 5:8

Cancunata mana ricunayachic diabloca león yarcaihuan micusha nishpa puricuc shinami, mashcashpa puricun. Shina cashcamanta riccharishca shina, alli yuyaihuan causaichic.

2 PEDRO 2:9

Mandac Diosca paipaclla causaccunataca imapish llaquicunamanta quishpichinmi. Millai gentecunataca pai taripashpa, llaquichina punzhacamanmi huacaichishpa charicun.

1 SAMUEL 17:37

Chashnallatacmi Davidca: —Mandac Diosca leonpac, osopac shimimantapish quishpichircami. Paillatacmi cai filisteo runapac maquimantapish quishpichinga— nirca. Shina nicpimi, Saulca Davidtaca: —¡Shina cashpaca rilla! Mandac Dios canhuan cachun— nirca.