2 TIMOTEO 3:5 - Dios Rimashcata Quillcashcami

⁵ Diosta cuyaccunami canchic nishpapish, paicuna ruhuashcahuan mana allitac ricuchiccunami cangacuna. Chashna gentecunahuanca ama tandaringuichu.

Nuevo Testamento en Quichua Cañar 1996

⁵ “Taita Diosman mañaccunami canchic” nishpapish, paicuna ruhuashcacunahuanca Taita Diosmantatac yachachishcataca yangatami ruhuangacuna. Chashna gentecunahuanca ama tandaringuichu.

2 TIMOTEO 3:5 ပူးပေါင်းရင်းမြစ်များ

ISAÍAS 29:13

Chaimantami Mandac Diosca: «Cai gentecunaca shimillahuanmi ñucataca mañan. Jahua shimillahuanmi alli nincuna. Ashtahuanpish paicunapac shunguca ñucamanta carupimi. Shinallatac runacuna yachachishcata catishcallamantami ñucataca manchan.

SAN MATEO 7:15

Cancunapacman shamuc llulla huillaccunamanta cuidaringuichic. Paicunaca oveja carata churarishca, cutin ucu shungupica, atuc shina millaicunami.

EFESIOS 4:14

Shina cashpami ñucanchicca huahuacuna imatapish jahualla cric shina, chai pandachishpa puric, yachac tucushca gentecuna yachachishcata catishpa, huaira apashca shinaca ña mana cashun.

2 TESALONICENSES 3:14

Maijanpish cai quillcapi nishcata mana cazucta ricushpaca, pai pingaita charichunca ama tandaringuichicchu.

2 TESALONICENSES 3:6

Cuyashca criccuna, Apunchic Jesuspac shutipimi ñucanchic yachachishcata mana cazushpa, mana trabajasha nishpa puric criccunahuanca ama tandarichichu ninchic.

1 TIMOTEO 4:7

Imapish yanga, parlocunataca ama uyanguichu. Chaipac randica cuerpota pucllangapac allichiric shina, Diospac ñaupapi alli causana yuyailla cangui.

1 TIMOTEO 4:8

Cuerpo sinchiyachun pucllanaca, ashacamanca allimi. Ashtahuanpish Dios-huan alli canami tucuimanta yalli allica. Cai causaipacpish, quipa causaipacpish allicunatami apamun.

1 TIMOTEO 5:8

Maijanpish quiquin familiata, ashtahuancarin quiquin huasi ucupi caccunata mana llaquicca, crishcata saquishcami, shinallatac Jesusta mana ricsictapish yallimi can.

1 TIMOTEO 6:5

Cashcata nishcata saquishpa millai yuyaiyuccunahuan mana alli tucushpa piñanacuna yuyaillami can. Paicunaca chayucyana yuyaillahuanmi Diosta cric tucuncuna.

2 TIMOTEO 2:16

Imapish yanga, mana alli rimanacuicunamantaca anchuringui. Chai rimaicunaca ashtahuan ashtahuan piñanacuipi churashpami, Diosmanta caruyachinga.

2 TIMOTEO 2:23

Imapish mana alli parlocunataca ama uyanguichu. Chaicuna piñanacuipi churac cashcataca canllatac yachanguimi.

TITO 1:16

Paicunaca “Diosta ricsinchicmi” nishpapish, imatapish ruhuashpaca Diosta mana ricsic cashcatami ricuchincuna. Paicunaca millana, mana cazuccuna cashpami, ima allitapish mana ruhuai pudincuna.

TITO 3:10

Maijanpish tandanacushca criccunapi mana alli ruhuashpa chicanyanacuipi churacpica, ishcai cutincaman cunashpa rimangui. Chaita mana uyacpica, tandanacushca criccunapuramanta llucchishpa cachangui.