2 TIMOTEO 3:3 - Dios Rimashcata Quillcashcami

³ cuyaita mana chariccuna, mana llaquiccuna, mapa yuyaicuna shamucpi mana jarcariccuna, imatapish parlariccuna, shuccunata mana allichu niccuna, imapish allicunata piñaccuna,

Nuevo Testamento en Quichua Cañar 1996

³ Shinallatac c'uyaitapish mana charishpami, mana llaquingacuna. Quiquinllatac mana jarcaric cashpami, imatapish parlaric cangacuna. Llaquichinallata munashpami, imapish allicunataca p'iñangacuna.

2 TIMOTEO 3:3 ပူးပေါင်းရင်းမြစ်များ

GÉNESIS 49:7

Cancuna piñarishcamantaca mana alli nishcami canguichic. Cancunaca Jacobopac familiamanta chicanyachishcami canguichic. Israelpuramantapish caita chaita rishpami causanguichic.

SALMOS 15:4

Shinallatac mana allita ruhuaccunata piñaccuna, Mandac Diosta cazuccunata alli niccuna, quipata llaquihuan cangapacpish, ari nishcata pactachiccuna,

SALMOS 22:6

Ashtahuanpish ñucaca curu shinallami cani. Mana runa shinachu cani. Runacuna burlashca, gentecunapac millashcami cani.

ISAÍAS 53:3

Gentecunapac mana ricunayachishca, millashcami carca. Paica yalli nanaihuanpish, llaquihuanpishmi carca. Paita mana ricusha nishpami shuc ladota ricuc carcanchic. Paitaca yangalla cashcata yuyashpami, mana ricunayachircanchic.

ISAÍAS 60:14

Llaquichiccunapac churicunaca cambac ñaupaman shamushpami cumuringa. Tucui canta millanayachiccunami cambac chaqui ñaupapi cunguringa. Paicunami “Israelcunapac jucha illac Mandac Dios causana Sión llacta” ninga.

DANIEL 8:23

Chai chuscu mandaccuna tucuricpica, Diosta mana cazuccunami yalli mana allita ruhuanga. Chai punzhacunami fierro shina mandac, shinallatac mana yachashcata entendic jatun mandac llucshinga.

SAN MATEO 10:21

Huauquica quiquin huauquillatatac, taitaca quiquin churillatatacmi huañuchiccunaman japichinga. Huahuacunaca taita mamata piñashpami, huañuchiccunaman japichinga.

SAN MATEO 4:1

Chai quipaca, Diospac Espiritumi Jesustaca diablo shitashca pambaman pusharca. Chaipimi diabloca pandachisha nirca.

SAN LUCAS 10:16

Jesusca paipac yachacuccunataca: «Cancuna ima nishcata uyacca, ñucatami uyan. Cancunata piñacca, ñucatami piñan. Ñucata piñacca, ñucata cachac Taitatami piñan» nirca.

SAN LUCAS 16:14

Cullquita charina yuyailla cac fariseocunaca tucui chaicunata uyashpaca, Jesusta burlarcami.

SAN JUAN 6:70

Shina nicpimi Jesusca: —¿Manachu cancunataca chunga ishcaita acllarcani? Shina cacpipish, cancunapuramanta shucca diablohuanmi— nirca.

ROMANOS 1:29

Chaimantami millaita ruhuana yuyailla cancuna. Mapacunallata ruhuancuna, envidiancuna, huañuchincuna, piñanacuncuna, llullancuna, huashalla rimanacuncuna, tucui imapish millaita ruhuancuna.

ROMANOS 1:31

yuyai illac tucuncuna, ari nishpapish mana pactachincuna, pitapish mana cuyancuna, pitapish mana llaquincuna, mana perdonancuna.

1 CORINTIOS 7:5

Chaimanta caishucpish, chaishucpish ama misarinacuichicchu. Shina cashpapish Diosta tucui shunguhuan mañangapacca, ishcaindita yuyarinacushpami, asha punzhacunacaman chayarinataca saquina canguichic. Chai quipaca Satanás huainayana yuyaita ama cuchun tandaringuichiclla.

1 CORINTIOS 7:9

Shina cacpipish, mana jarcari pudishpaca cazarachunlla. Chai munailla purinapac randica, cazaranami ashtahuan alli.

1 TESALONICENSES 4:8

Chaimanta pipish cai yachachishcacunata mana chasquicca, mana runallatachu mana chasquin, ashtahuanpish paipac Espirituta cuc Diostami mana chasquin.

1 TIMOTEO 3:11

Shinallatac huarmicunapish tucuipac alli nishca, mana huashalla parlac, alli yuyaita charic, imapipish allita ruhuaccunami cana can.

TITO 1:8

Chai mana allicunata ruhuanapac randica, huasiman maijan chayacpipish alli chasquic, imatapish allita ruhuac, cashcata ruhuac, Diospaclla chicanyarishca, alli yuyaiyuc, shinallatac tucui ima millaimanta quiquinllatac jarcaric,

TITO 2:3

shinallatac ñaupa huiñai huarmicunatapish alli nishca cachun, mana huashalla parlaric, mana machac, ashtahuanpish allita yachachic cachun yachachingui.

SANTIAGO 2:6

Shina cacpipish cancunaca huacchami nishpami, paicunataca yangapi churanguichic. Cancunata llaquichishpa, juezpacman apaccunaca, ¿manachu chayuccuna can?

2 PEDRO 2:14

Maijan huarmita ricushpaca, huainayana yuyaillami cancuna. Juchallinataca manatac shaicuncunachu. Manarac sinchi criccunataca pandachincunami. Paicunaca tucuita atishpa imatapish charinallata munaccuna, shinallatac Dios mana ricunayachishca gentecunami can.

2 PEDRO 2:19

Paicunallatac mana alli causaipi huatashca shina cashpapish, shuccunata huatashca shina causaimanta cacharichishun nincunami. Maijanpish paita aticpica, chai aticpami huatashca shina tucun.

2 PEDRO 3:3

Tucuimanta yallica tucuri punzhacunapica quiquin munashca mapacunata ruhuaccuna tiyana cashcata yuyarichic. Paicunaca cancunata burlashpami:

SAN JUDAS 1:16

Chaicunaca huashalla rimaccuna, ima charishcacunahuanpish mana cushilla caccuna, shinallatac quiquinman imapish alli cachunllami munancuna. Paicunaca jatun tucushpami, imatapish japingaraiculla pitapish “canca allimi cangui” nic tucuncuna.

SAN JUDAS 1:18

Paicunaca: «Tucuri punzhacunapica, paicuna munashca shina mana alli munaillahuan causashpa, burlaric gentecunami tiyanga» nircacunami.

APOCALIPSIS 13:15

Diosca quipa animaltaca punta animalman ricchata ruhuashca animalman causaita cuchun, rimachichun, shinallatac paita mana “allimari cangui” niccunata huañuchichunmi saquirca.

APOCALIPSIS 13:17

Maijanpish chai sellota mana charicca catunatapish, randinatapish mana pudircachu. Chaica, chai animalpac señal, mana cashpaca shuti, mana cashpaca chai animalpac shutipac yupaimi carca.

APOCALIPSIS 16:6

Paicunami cambaclla caccunatapish, canmanta huillaccunatapish yahuarta jichashpa huañuchircacuna. Paicunaca chashna chasquina cashcamantami, canpish chashnallatac paicunamanca yahuarta ubiachishcangui» nishcatami uyarcani.

APOCALIPSIS 17:6

Chai huarmitaca Diospaclla caccunapac, shinallatac Jesusmanta huillaccunapac huañuchishca yahuarhuan machashca cashcatami ricurcani. Chaita ricushpaca, yallitami mancharishpa saquirircani.