2 TIMOTEO 2:2 - Dios Rimashcata Quillcashcami

² Tauca gentecunapac ñaupapi ñuca ima yachachishcata uyashcataca, yachachinata pudic criccunaman, paicunapish shuccunaman yachachichun mingai.

Nuevo Testamento en Quichua Cañar 1996

² Tauca gentecunapac ñaupapimi ñuca ima yachachishcataca uyarcangui. Chaitaca yachachinata pudic alli criccunaman, paicunapish shuccunaman yachachichun mingai.

2 TIMOTEO 2:2 ပူးပေါင်းရင်းမြစ်များ

ESDRAS 7:10

Esdrasca Mandac Dios mandashcata allita yachacushpa, cazushpa imata ruhuachun mandashcata pactachichun cushca shimicunata, Israel llactapi yachachinatami tucui shunguhuan munarca.

ESDRAS 7:25

Shinallatac can Esdrasca cambac Diosmanta yachac cashca shinallatac, jatun yacu chimba ladopi causaccunata, Dios mandashcata tucui yachaccunata mandachun juezcunata, mandaccunata churangui. Chai mandashcacunata maijan mana yachacpica yachachingui.

NEHEMÍAS 7:2

Chai quipaca ñuca huauqui Hananita, shinallatac uchilla pueblota mandac Ananiastaca Jerusalenpi tiyac torrepi cuidaccunata mandachunmi churarcani. Paicunaca cashcata ruhuac, Diosta manchaccunami carca.

SALMOS 101:6

Ñuca ladopi causachunca cai pachapi alli causaccunatami ricusha. Ima millaita mana ruhuashpa causacmi ñucata servinga.

PROVERBIOS 13:17

Mana alli huillac runaca llaquitami apamun. Ashtahuanpish cashcata huillac runaca jambic shina cushicuitami apamun.

JEREMÍAS 23:28

Huillac runaca pai muscushcata parlachun. Ñuca rimashcata chasquicca mana llullashpa huillachun. Cupahuan trigohuanca mana chashnallatacchu.

LEVÍTICO 14:42

Rumicunata llucchishpaca, shuctac rumicunatami churanga. Pirca quingraita aspishcataca turuhuan llutanga.

MALAQUÍAS 2:7

Paicunaca tucuita Mandac Diospac huillaccunami. Chaimantami paicunaca allillata huillancuna. Chashna huillacpimi, gentecunaca mandashcamanta yachanata munanga.

NÚMEROS 12:7

Shina cacpipish, ñucata servic Moises-huanca mana chashnachu parlani. Paica ñuca huasipi allita servicmi.

SAN MATEO 13:52

Chashna nicpimi Jesusca: —Shinashpaca, jahua pacha Dios mandacucmanta yachachicpica, shuc taita paipac huasimanta huacaichishpa charishcacunata mushuctapish, maucatapish canzhaman llucchic shinami— nirca.

SAN MATEO 24:25

Chaicunataca utcamanmi cancunaman huillarcani.

SAN LUCAS 12:42

Chashna nicpimi Jesusca: —¿Maijantac alli cazuc, alli yuyaiyuc mayordomoca? Paipac amo: “Ñuca huasita ricungui, serviccunamanpish micuna horas carangui” nishpami saquinman.

1 CORINTIOS 4:2

Maijanta yachachichun churacpica pactachic cashcatami ricuchina can.

2 CORINTIOS 2:14

Diostaca pagui ninimi. Paimi ñucanchictaca Cristo Jesus-huan mishaccuna cashcata ricuchishpa punzhanta pushacun. Shinallatac mai llactapipish mishquilla ashnacuc shina Cristopac alli huillaica ñucanchicmantami huillaricun.

2 CORINTIOS 3:5

Tucui caicunataca mana ñucanchic yachac cashcallamantachu ruhuanchic, ashtahuanpish Diosmi ruhuachicun.

COLOSENSES 1:7

Cai alli huillaitaca, ñucanchic-huan Diospacta ruhuac cuyashca Epafrasmi yachachirca. Paica Jesucristota alli catic cashpami, cancunaman imapish alli cachun allita ruhuacun.

1 TIMOTEO 1:12

Ñucata sinchiyachishcamanta, ñuca paita cazuc cashcata yachashpa paita servichun churashcamantami, ñucanchic Apunchic Jesucristotaca pagui nicunilla.

1 TIMOTEO 1:18

Cuyashca ñuca huahua shina Timoteo, utcaman Diosmanta huillaccuna canmanta huillashca shinallatacmi, alli soldado shina Diospacta ruhuachun nishpa canmanca cai mandashcata mingani:

1 TIMOTEO 4:14

Criccunata pushaccuna Dios yuyaita cucpi cambac uma jahuapi maquita churashpa mañacpi, Dios imata ruhuachun cushcata pacta cungaringuiman.

1 TIMOTEO 4:6

Cai rimashcacunata criccunaman yachachishpa, crinata yachachic shimicunatapish, can caticushca alli yachanacunatapish micunata micuc shina yachacushpaca, Jesucristopacta allita ruhuacmi cangui.

1 TIMOTEO 5:22

Diospacta ruhuac cachun manarac alli yuyarishpaca maijanpac umapipish ama utca maquita churaichu. Pacta shuccunapac juchapi chapuringuiman. Tucui mana allimanta huacaichiringui.

1 TIMOTEO 6:12

Huiñai causaita japingapacca, macanacuipi mishac shina crishca yuyaihuan alli catingui. Cantaca achcacunapac ñaupapi “tucui shunguhuan crinimi” nicpimi, chai causaita japichun Diosca acllashca.

2 TIMOTEO 3:10

Chashna cacpipish canca ñuca yachachishcatapish, ñuca ima shina causacushcatapish, ima yuyaita charishcatapish, mana utca piñaric cashcatapish, cric cashcatapish, cuyac cashcatapish,

2 TIMOTEO 3:14

Chashna canapac randica, can imata yachacushcata crishpa alli catingui. Canca pi yachachishcataca yachanguimi.

HEBREOS 2:17

Paica, ayudangapacca paipac huauquicuna shinami tucurca. Chashna ayudashpami jatun mandac cura tucushpa, llaquishpa tucui gentecunapac juchacunata anchuchirca. Chashnami Diosta tucuita cazushpa servirca.

1 SAMUEL 2:35

Chai quipami ñucata alli cazuc curata churasha. Paica ñuca shungu ñuca alma munashcatami ruhuanga. Paipac huasi ucupuratapish sinchi cachunmi churasha. Shina ruhuacpimi, aceitehuan cahuishca ñucapaclla runapac ñaupapi punzhanta causanga.