2 TIMOTEO 2:19 - Dios Rimashcata Quillcashcami

¹⁹ Shina cacpipish Diosca huasita ruhuangapac callaripi churashca rumi shinatami, paipac rimashcataca churashca. Chai rimashcaca: «Pai acllashcacunataca Diosca ricsinmi. Diosta adoraccunaca tucui millaimantami anchurina can» nishcami.

Nuevo Testamento en Quichua Cañar 1996

¹⁹ Shina cacpipish Taita Diosca huasita ruhuangapac callaripi churashca rumi shinatami, paipac rimashcataca churashca. Chai rimashcaca: “Taita Dios pai acllashcacunataca ricsinmi. Shinallatac Diosta criccunaca tucui millaimanta anchurinami can” nishcami.

2 TIMOTEO 2:19 ပူးပေါင်းရင်းမြစ်များ

JOB 28:28

Chaimantami runataca: “Alli yachaica Mandac Diosta manchanami. Alli yuyaica millaimanta anchurinami” ninmi» nirca.

SALMOS 1:6

Cashcata ruhuaccunapac causaitaca Mandac Diosmi ricucun. Ashtahuanpish millaita ruhuaccunapac causaica chingarinallami.

SALMOS 112:6

Chaimantami paica manatac urmanga. Cashcata ruhuac runataca huiñaitami yuyaringacuna.

SALMOS 34:14

Millaimanta anchurishpa allita ruhuangui. Pihuanpish sumacta causana yuyailla cangui.

SALMOS 37:18

Mandac Diosca punzhantami allita ruhuaccunapac causaitaca ricucun. Paicuna japina cashcaca huiñaipacmi canga.

SALMOS 97:10

Mandac Diosta cuyaccunaca millaita ruhuanata piñaichicyari. Paipaclla causaccunapac almata cuidashpami paita mana manchaccunapac maquimanta quishpichin.

PROVERBIOS 10:25

Huaira tamya shamushpa chingaric shinami, Diosta mana manchacca chingaringa. Ashtahuanpish cashcata ruhuac runaca maita mana cuyuchipac huiñaita causacunllami.

PROVERBIOS 3:7

Ama canllatac yachaisapa cashcata yuyanguichu. Ashtahuanpish Mandac Diosta manchashpa, mana allimanta anchuringui.

ISAÍAS 14:32

Llacta huillaccuna tapucpica, ¿imatatac nishun? Chaica: Mandac Diosmi Sión urcutaca churarca. Chaipimi llaquilla causac pai acllashcacunaca miticunga ninami canga» nirca.

ISAÍAS 28:16

Chaimantami Mandac Diosca: «Riquichic, ñucaca Sión llactapimi huasita ruhuashpa callaripi churana acllashca sumac sinchi rumita shina churarcani. Chai rumita cricca mana manchashpa callpangachu.

ISAÍAS 63:19

Jaicapi mana can mandashca causac shinami, llaquichishca cashcanchic. Jaicapi cambac shutita mana cayashca shinami tucushca canchic.

ISAÍAS 65:15

Ñucata serviccunataca mushuc shutipimi cayasha. Ashtahuanpish cancunapac shutitaca shuctac runacunata maldiciangapacmi cayangacuna. Mandac Dios ñucami cancunataca huañuchisha.

EZEQUIEL 9:4

Mandac Diosca chai runataca: «Jerusalén chaupita rishpa, millaita ruhuashcamanta llaquirishpa, caparishpa huacacuccunapac frentepi shuc señalta churai» nirca.

NAHÚM 1:7

¡Mandac Diosca allimi! Llaqui punzhacunapica sinchi torre shinami jarcan. Paita shuyaccunataca cuidanmi.

HAGEO 2:23

Salatielpac churi ñucata servic Zorobabel-lla, chai punzhapimi ñucaca sellota churana sortejasta shina allichisha. Ñucami cantaca acllarcani. Chaitaca tucuita Mandac Dios ñucami nini ninmi ningui» nirca.

ZACARÍAS 3:9

Riquichic, Josuepac ñaupapimi canchis ñahuiyuc shuclla rumita churasha. Chai rumipica ñucami sellota churasha. Shuc punzhallami cai llactapi causaccunapac juchataca anchuchisha.

NÚMEROS 16:5

Chai quipami Coretapish, paita caticcunatapish rimashpaca: —Cayami Mandac Diosca maijanlla pai acllashca cashcata, paipaclla chicanyachishca cashcata ricushpa, paipacman cuchuyachun saquinga.

NÚMEROS 6:27

Ñuca shutipi israelcunata bendiciacpimi, ñucapish paicunataca bendiciasha» nirca.

SAN MATEO 24:24

Llullac cristocunapish, llullac huillaccunapish ricuringami. Paicunaca milagrocunatapish, mancharinacunatapish ruhuashpa ricuchingami. Chashnami Dios acllashcacunatapish pandachinga.

SAN MATEO 28:19

Chaimanta tucui cai pacha llactacunaman rishpa, ñuca yachacuccunata ruhuaichic. Paicunataca Taitapac, Churipac, Espiritupac shutipi bautizanguichic.

SAN MATEO 7:23

Chashna cacpica ñucaca: “Cancunataca mana ricsinichu. Anchurichic, millaita ruhuaccuna” nishami.

SAN MATEO 7:25

Chashna sinchi rumi allpapi ruhuashca huasi cashpami, mashnata tamyacpipish, mashnata huairacpipish mana urmarca.

MARCOS 12:16

Cullquita apamucpimi Jesusca: —Cai cullquipica, ¿pipac shutitac, pipac ñahuitac tiyacun?— nicpimi paicunaca: —Jatun mandac Cesarpacmi— nirca.

MARCOS 13:22

Chai llulla cristocuna, llullac huillaccunami ricuringa. Chaicunaca pandachingapacmi milagrocunatapish, pi mana ricushcacunatapish ruhuashpa ricuchinga. Chashnami Dios acllashcacunatapish pandachisha ninga.

SAN LUCAS 13:27

Chashna nicpipish huasiyucca: “¿Manachu uyanguichic? ¡Caimanta anchurichic, millaita ruhuaccuna! ¡Cancunataca mana ricsinichu!” ningami.

SAN LUCAS 6:48

ucuta allashpa, rumi allpapi huasichic runa shinami. Chai huasica sinchi rumi allpapimi ruhuashca. Chaimantami achca yacu shamushpa huactarishpapish, yacu jundashpapish mana imata ruhuanchu.

SAN JUAN 10:14

Ñucami alli michicca cani. Ima shinami ñuca Taita ñucata ricsin, shinallatacmi Taitataca ricsini. Chashnallatacmi ñuca ovejacunapish ñucata ricsin. Ñuca ovejacunamantaca huañuna cacpipish huañushallami.

SAN JUAN 13:18

Mana tucui cancunamantachu nicuni. Maijanlla ñuca acllashca cashcataca yachanimi. Dios quillcachishcapi: “Ñucahuan micucucllatacmi ñucataca piñanga” nishca pactachunmi, chashnaca tucunga.

SAN JUAN 3:33

Maijanllapish pai huillashcata chasquicca, Diosca cashcata nic cashcatami ricuchin.

HECHOS 11:26

Chaipica huata jundatami achca gentecunaman yachachishpa, criccunahuan tandanacushpa causarca. Chai pueblopimi Apunchic Jesusta caticcunataca: “Criccuna” nishpa, cayai callarirca.

HECHOS 15:17

Chashna ruhuacpimi, tucui llactamanta mana israelcuna cashpapish, ñuca cuyashcacunaca ñucata mañanata yuyaringa.

HECHOS 9:14

Cunanpish canta criccunata huatashpa apangapacmi, curacunata mandac curacunaman quillcata mañashpa shamushca— nirca.

ROMANOS 11:2

Ñaupamanta pachami Diosca israelcunataca acllarca. Ashtahuanpish mana shitashcachu. Dios quillcachishcapi Eliasmanta ima nishcataca, ¿manachu yachanguichic? Chaipica, israelcunata juchanchishpa, Diosta mañacushpaca:

ROMANOS 12:9

Mana nic tucushpalla caishuc chaishuc-huan cuyanacuichic. Imapish mana alli ruhuanacunata saquishpa, allita ruhuana yuyailla caichic.

ROMANOS 15:20

Cristomanta pi mana huillashca llactacunapi huillanatami ashtahuan munarcani. Shuccuna Cristomanta huillashpa, criccunata callarichishca jahuapi callarichinataca mana munarcanichu.

ROMANOS 15:9

Cristoca Dios quillcachishcapi nishca shina, mana israelcunatapish Diosta alli nichunmi shamurca. Dios quillcachishcapica: «Chaimantami tucui llactacunapi canta pagui nisha. Cambac shutitapish cantashami» ninmi.

ROMANOS 8:28

Diosca, paita cuyaccunataca tucui ima ruhuanapipish allitami pushan. Paicunaca Dios munashcata ruhuangapac acllashcacunami.

ROMANOS 9:11

Chai huahuacuna manarac huacharicpi allitapish, mana allitapish manarac ruhuacpimi, (Diosca mana imata ruhuashcamanta, ashtahuanpish pai munashcamanta acllarca).

1 CORINTIOS 1:2

Corinto pueblopi cac Diospaclla tandanacushca criccunaman, caitaca quillcani. Cancunaca Cristo Jesus-huan shuclla tucushcamanta, Diospaclla tucushpa, shuctac llactacunapi Apunchic Jesucristoman tucui mañaccunahuan pacta, pai Diospaclla cachun acllashpa cayashcacunami canguichic. Apunchic Jesucristoca shuctac llactapi causaccunapacpish, ñucanchicpacpish Mandacmi.

1 CORINTIOS 8:3

Ashtahuanpish Diosta maijanpish cuyacca, Diospac ricsishcami can.

2 CORINTIOS 7:1

Cuyashca criccuna, Dios ñucanchicman allicunata cushami nishcamantaca, Diosta manchashpa cuerpotapish, almatapish tucui imapish mapayachinamanta huacaichirishpa, chuyanlla causashunchic.

GÁLATAS 4:9

Cunanca Diosta ricsiccunami canguichic, ashtahuancarin Diosmi cancunata ricsin. ¿Shina cashca jahuachu cutinllatac imapish mana valic, yanga ruhuanacunallata cazushpa, huatashca shina causashun ninguichic?

EFESIOS 2:20

Jesucristomi huasita ruhuangapac callaripi churashca rumi shinaca can. Diosmanta huillaccunapish, Jesús acllashca huillaccunapish chai rumi jahuallapitacmi huasita ruhuangapac callaric shinaca. Cutin cancunaca chai huasi jahuapi huasichishca shinami canguichic.

EFESIOS 3:15

Paimantami jahua pachapi caccunapish, cai pachapi caccunapish tucui mashna causaita charincuna.

EFESIOS 4:30

Diosca juchapi huatashca shinamanta cacharichishpa pushana punzhacamanmi, Diospaclla cashcata ricuchishpa causachun, ñucanchictaca paipac Espirituhuan señalashpa chicanyachirca. Chaimanta millaita rimashpa ama Diospac Espirituta nanachichicchu.

1 TIMOTEO 3:15

Ñuca unaiyacpipish, canca Diospac huasipi ima shina cana cashcata yachachunmi munani. Tandanacushca criccunaca, cashcata nic, pilar shina causac Diospac tandanacushcacunami can.

1 TIMOTEO 6:19

Chashna ruhuashpami, quipa punzhapi huiñai causaita japingapac ña utcashpa mana chingaric allicunata ruhuacuncuna.

HEBREOS 11:10

Abrahamca maita mana chingaripac, Diosllatac alli yuyarishpa shayachishca puebloman yaicusha nishpami shuyacurca.

2 PEDRO 3:14

Chaimanta cuyashca criccuna, caicunata shuyacushcamantaca, Dios taripacpi alli ricuringapacca pi mana juchanchishca, ima millaimanta anchurishca, sumacta causacuichic.

1 JUAN 2:19

Chaicunaca ñucanchicpuramanta llucshishca cashpapish, mana ñucanchicpuratachu carcacuna. Ñucanchicpura cashca cashpaca, ñucanchicmantaca mana llucshinmanchu carcacuna. Chaicunaca mana ñucanchicpura cashcata ricuchunmi, chashnaca llucshirca.

APOCALIPSIS 17:8

Can ricushca manchana animalca ñaupamanmi tiyarca, cunanca ña mana tiyanchu. Shina cashpapish huiñaita jatun llaquipi chingaringapacmi, jatun jutcumantaca llucshinga. Dios cai pachata ruhuashca punzhamanta pacha, huiñaita causangapac rina libropi mana quillcashca cai pachapi causac gentecunaca chai utcaman tiyashca, cunanca mana tiyac, cutin shamuna cashca manchana animalta ricushpaca, yallitami mancharingacuna.

APOCALIPSIS 2:13

Satanás maipi mandacucpi can causacushcata, shinallatac can imata ruhuashcatapish yachanimi. Satanás maipi mandacucpi ñucamanta allita huillac Antipasta huañuchicpipish, ñucata crinataca mana saquishcanguichu.

APOCALIPSIS 21:14

Chai pueblota jarcac callari pircaca, chunga ishcai rumicuna jahuapimi carca. Chai rumicunapica, Pactalla Ovejapac chunga ishcai acllashca huillaccunapac shuticunami quillcashca carca.

APOCALIPSIS 22:4

Diostaca ñahui ñahuimi ricungacuna. Shinallatac paipac shutitapish frentepi churashcami canga.

APOCALIPSIS 3:8

Ñucaca can imata ruhuacushcataca tucuimi yachani. Chaimantami cambac ñaupapica pi mana huichcaipac punguta shina ñucamanta huillachunca pascashpa churashcani. Mana tucuita ruhuaipac cashpapish, ñuca nishcata pactachishcanguimi, shinallatac ñucata mana ricsinichu ninatapish mana nishcanguihu.