2 TIMOTEO 2:16 - Dios Rimashcata Quillcashcami

¹⁶ Imapish yanga, mana alli rimanacuicunamantaca anchuringui. Chai rimaicunaca ashtahuan ashtahuan piñanacuipi churashpami, Diosmanta caruyachinga.

Nuevo Testamento en Quichua Cañar 1996

¹⁶ Imapish yanga rimanacuicunamantaca anchuringui. Chai rimaicuna mirarishpaca, ashtahuan ashtahuan p'iñanacuipi churashpami, Diosmanta caruyachinga.

2 TIMOTEO 2:16 ပူးပေါင်းရင်းမြစ်များ

ESDRAS 10:10

Shina tiyacucpimi, Esdras cura shayarishpaca: —Cancunaca shuc llactamanta huarmicunahuan cazarashpami, israelcunapac ashtahuan juchata ruhuashcanguichic.

OSEAS 12:1

Efraín ailluca huairata micuc shinami causacun. Punzhantami rupac huairata caticun. Asiriocunahuanmi ari nishca. Egiptomanmi aceiteta apancuna. Llullanapish, macanacuipish yallitami mirarin.

1 CORINTIOS 15:33

Ama pandarichicchu. Maijancunaca: «Mana alli gentecunahuan tandarishpami, alli causaitaca saquincuna» ninmi.

1 CORINTIOS 5:6

Chashna mana allicuna tiyashca jahuaca, mana allichu jatun tucunaca. ¿Manachu ashalla levadura tucui chaputa punguillichic cashcataca yachanguichic?

1 TIMOTEO 1:9

Mandashcaca cashcata ruhuaccunata llaquichichunca mana canchu, ashtahuanpish millaita ruhuaccunata, mana cazuccunata, sinchi shungucunata, juchalliccunata, mana alli niccunata, burlaccunata, taita mamatapish shuccunatapish huañuchiccunata,

1 TIMOTEO 4:7

Imapish yanga, parlocunataca ama uyanguichu. Chaipac randica cuerpota pucllangapac allichiric shina, Diospac ñaupapi alli causana yuyailla cangui.

1 TIMOTEO 6:20

Timoteo, tucui canman mingashcacunataca allita huacaichingui. “Caicunaca alli yachanami” nishpa, piñanacuipi churac yanga yachanacunataca pacta uyanguiman.

2 TIMOTEO 2:14

Tandanacushca criccunapurapi “caica chashnami, chaica chashnami” ninacushpa ama piñanacui tiyachunca, Diospac ñaupapi cunashpa caicunata yachachingui. Chashna rimanacuicunaca imapacpish mana allichu, ashtahuanpish uyaccunata pandachinmi.

2 TIMOTEO 2:21

Chashnallatacmi maijanpish Diospaclla tucushpa Apunchic Jesuspacta allita ruhuangapacca, tucui mana allicunamanta anchurina can. Shina cashpami imapish allita ruhuangapacca alli canga.

2 TIMOTEO 3:13

Ashtahuanpish millaita ruhuaccunapish, shinallatac shuccunata pandachiccunapish punzhanta ashtahuan ashtahuan mana allipi catishpami ashtahuan pandachishpa, paicunapish pandaringacuna.

TITO 1:11

Paicunaca cullquita japingaraicullami, tucui huasi familiacunata manapish yachachina cashcata yachachishpa crichincuna. Paicunataca upallachina can.

TITO 1:14

Shinallatac israelcunapac yuyaimanta llullashca yanga parlocunatapish, chashnallatac cashcata nic huillashcata mana cazushun niccuna mandashcacunatapish ama uyachunmi, chashna sinchita rimana cangui.

TITO 3:9

Shina cacpipish imapish yanga parlocunamanta, ñaupa taitacunapac shuticunamanta, Moisés mandashcacunataca pactachinami canchic nishpa rimanacushpa piñanacunamanta, huacaichiringui. Chaicunaca yanga ima yuyai japinapish mana tiyanchu.

HEBREOS 12:15

Pipish Diospac cuyaimanta ama caruyachun cuidanguichic. Maijanpish jayac yura shina gentecunata muspachishpa llaquichichun ama saquinguinchicchu.

2 PEDRO 2:18

Paicunaca yanga mapa rimaicunallatac caparishpa rimashpami, quiquin munashca mapacunata ruhuashpa, mana alli causaccunapuramanta cunanlla anchurishcacunataca cutin pandachincuna.

2 PEDRO 2:2

Taucacunami paicuna mana alli causacuc shinallatac causangacuna. Chaimantami cashcata nic huillashcata catinatapish mana allichu nishpa rimangacuna.

APOCALIPSIS 13:14

Cai manchana animalca punta shamuc animalpac ñaupapi chashna ruhuashpa ricuchishpami cai pachapi causaccunata umarca. Chaipac quipaca, chai punta animalca espadahuan huañunallata chugrichishca cashpapish, causashpa catinmi, chaimanta chai animalman ricchata ruhuaichi nishpami mandarca.

APOCALIPSIS 13:3

Chai animalpac umacunapuramanta shuc umaca yallita chugrishca huañunallami carca. Chashna cacpipish chai chugri alli tucucpimi, tucui cai pachapi causaccunaca mana amirishpa chai animalta catircacuna.