2 TIMOTEO 2:14 - Dios Rimashcata Quillcashcami

¹⁴ Tandanacushca criccunapurapi “caica chashnami, chaica chashnami” ninacushpa ama piñanacui tiyachunca, Diospac ñaupapi cunashpa caicunata yachachingui. Chashna rimanacuicunaca imapacpish mana allichu, ashtahuanpish uyaccunata pandachinmi.

Nuevo Testamento en Quichua Cañar 1996

¹⁴ Tandanacushca criccunapurapi “caica chashnami, chaica chashnami” ninacushpa ama p'iñanacui tiyachunca, Diospac ñaupapi cunashpa caicunata yachachingui. Chashna rimanacuicunaca imapacpish mana allichu, ashtahuanpish uyaccunata pandachinmi.

2 TIMOTEO 2:14 ပူးပေါင်းရင်းမြစ်များ

JEREMÍAS 16:19

Mandac Dioslla, canca ñucapac sinchi torre shinami cangui. Ñucaman fuerzata cushpa, llaqui punzhacunapi ñucata cuidacmi cangui. Tucui cai pachamanta cambacman shamushpaca: «Ñucanchic taitacunaca imapacpish mana valic, llulla yanga dioscunatami charishca.

JEREMÍAS 2:11

¿Maijan llactatac paicunapac dioscuna yanga cacpipish, chai dioscunata saquishpa, shuctac dioscunata catishca? Ashtahuanpish ñuca acllashcacunaca paicunapac poderyuc Diosta saquishpami, ruhuashcalla dioscunata catirca.

JEREMÍAS 2:8

Curacunaca: “¿Mandac Diosca maipitacyari?” mana nircachu. Ñuca mandashcata ricuccunapish mana ricsircachu. Michiccunapish ñucataca piñarcami. Ñucamanta huillaccunapish Baal diospac shutipimi huillarca. Chashnami imatapish mana ayudac dioscunatarac catirca.

JEREMÍAS 23:32

Muscushcata llullashpa huillaccunahuanca piñarishcami cani. Paicunaca uyanalla shimicunata parlashpami, ñuca acllashcacunataca pandachin. Ñucaca paicunataca mana huillachun cacharcanichu. Cai gentecunamanca ima allitapish mana ruhuancunachu. Chaitaca Mandac Dios ñucami nini.

JEREMÍAS 23:36

Cancunaca jaicapi: “Mandac Diosmi huillachun nirca” nishpaca, ama ninguichicchu. Chaica maijanpish chai rimashcata huillacpica, chai huillashcaca llashac carga shinami tucunga. Causac Diospac, tucuita Mandac ñucanchic Diospac rimashcata mana allita ruhuashcamantami chashnaca tucunga.

JEREMÍAS 7:8

Cancunaca yanga llulla parlocunapimi shunguta churashpa causacunguichic.

HABACUC 2:18

Artesano ruhuashca diosca, ¿imapactac valin? Yacuyachishpa ruhuashca diosca, ¿imapactac valin? Chai diosca llullamanmi apan. Imamanpish riccha, mana rimaric dioscunata ruhuacca, ¿ima shinatac chai dioscunapi shunguta churanga?

SAN MATEO 16:26

Maijanpish cai pachapi tucui ima tiyashcata charishpapish, huiñai causaita chingachishpaca, ¿ima allitac cangayari? Pai quishpiringapacca, ¿imatatac cui pudinga?

HECHOS 13:10

—¡Canca Diablopac huahuami cangui! ¡Canca cashcata ruhuanata saquishpami, mana allillata ruhuashpa causangui! ¿Ima horacamantac Mandac Dios munashca shina, alli causasha nicuccunataca pandachingui?

HECHOS 15:24

Manapish ñucanchic mandacpi, ñucanchicpuramanta maijancuna cancunapacman rishpa: “Circuncisionta ruhuashpa, Moisés mandashcacunata pactachinami canguichic” nishpa, pandata yachachishcatami uyashcanchic.

ROMANOS 14:1

Manarac sinchi criccunata chasquishpaca, ama caita chaita ninguichicchu.

GÁLATAS 1:7

Quishpirina alli huillaimanta ashtahuan shuctac alli huillaica mana tiyanchu. Ashtahuanpish cancunataca pandachingaraicumi, maijancunaca Cristomanta alli huillaitaca shuctaclayaman yachachishun nincuna.

EFESIOS 4:17

Apunchic Jesusmantami cancunamanca caicunata mingani. Chai yanga, quiquin munaillata ruhuashpa Diosta mana ricsiccuna shinaca, ña ama causaichicchu.

1 TESALONICENSES 4:1

Cuyashca criccuna, ñucanchic yachachishca shina Dios munashcata ruhuashpa causaichic. Shinallatac punzhanta Dios munashca shina causachunmi Apunchic Jesuspac shutipi mañanchic.

2 TESALONICENSES 3:6

Cuyashca criccuna, Apunchic Jesuspac shutipimi ñucanchic yachachishcata mana cazushpa, mana trabajasha nishpa puric criccunahuanca ama tandarichichu ninchic.

1 TIMOTEO 1:4

shinallatac yanga parlocunata, mana yupaipac ñaupa taitacunapac shuticunata ama uyashpa catichunmi cantaca jarcachun mañarcani. Tucui chaicunaca piñanacuipi churashpami, Dios quishpichisha nicushca crinataca jarcan.

1 TIMOTEO 1:6

Maijancunaca caicunata saquishpami, yanga parlocunata parlashpa pandaricuncuna.

1 TIMOTEO 4:8

Cuerpo sinchiyachun pucllanaca, ashacamanca allimi. Ashtahuanpish Dios-huan alli canami tucuimanta yalli allica. Cai causaipacpish, quipa causaipacpish allicunatami apamun.

1 TIMOTEO 5:21

Diospac, Quishpichic Jesucristopac, shinallatac Diospac acllashca angelcunapac ñaupapimi, pimanpish mana tucushpa, imapish cashcallata ruhuachun nishpa caicunataca mingani.

1 TIMOTEO 6:13

Cantaca tucui cai pachapi causaita cuc Diospac ñaupapi, shinallatac mandac Pilatoman cashcata nishpa allitac huillac Jesucristopac ñaupapimi, caicunataca mandani.

2 TIMOTEO 1:6

Shina cashcamanta cambac uma jahuapi ñuca maquita churacpi, Dios ima ruhuana cashcata cushcataca, nina huañugricucta causachic shina cutin causachichunmi nini.

2 TIMOTEO 2:16

Imapish yanga, mana alli rimanacuicunamantaca anchuringui. Chai rimaicunaca ashtahuan ashtahuan piñanacuipi churashpami, Diosmanta caruyachinga.

2 TIMOTEO 2:23

Imapish mana alli parlocunataca ama uyanguichu. Chaicuna piñanacuipi churac cashcataca canllatac yachanguimi.

2 TIMOTEO 4:1

Canmanca Diospac ñaupapi, shinallatac huañushcacunatapish, causaccunatapish Jatun Mandac, taripangapac shamuc Apunchic Jesucristopac ñaupapimi caitaca mingani.

TITO 3:1

Criccunataca llactata mandaccunatapish, pueblota mandaccunatapish cazuchun, imata ruhuachun mandacpipish cushilla ruhuachuncuna,

HEBREOS 13:9

Cancuna mana ricsishca shuctac doctrinacunata ama chasquinguichicchu. Imacunallata micuna, imacunallata mana micuna nishpa mandashcaca ima allita mana ruhuashcachu. Chaipac randica, Diospac cuyaita shungupi charishpa, sinchiyaichic.

2 PEDRO 1:13

Ñuca causashcacamanca caicunata nina alli cacpimi, cancunata yuyachishpa rimacushalla.

1 SAMUEL 12:21

Yanga dioscunata ama catichicchu. Paicunaca yanga cashcamanta imapac mana servinchu. Mana quishpichinchu.