2 TESALONICENSES 3:16 - Dios Rimashcata Quillcashcami

¹⁶ Sumac causaita cuc Apunchic Jesusllatac cancunapac tucui causaipipish, imapipish sumac causaita cuchun shinallatac tucui cancunahuan cashca cachun nishpami ninchic.

Nuevo Testamento en Quichua Cañar 1996

¹⁶ Sumac causaita cuc Apunchic Jesusllatac cancunapac tucui causaipipish, imapipish sumac causaita cushca cachun. Shinallatac Apunchic Jesusllatac tucui cancunahuan cashca cachun nishpami mañanchic.

2 TESALONICENSES 3:16 ပူးပေါင်းရင်းမြစ်များ

SALMOS 29:11

Mandac Diosca, pai acllashcacunamanca fuerzata cungami. Paicunamanca sumac causaita cushpami bendicianga.

SALMOS 46:11

Tucuita Mandac Diosca ñucanchic-huanmi. Ñucanchic miticunaca taita Jacobopac Diosmi.

SALMOS 46:7

Tucuita Mandac Diosca ñucanchic-huanmi. Jocobopac Diosca ñucanchic jarcarinami.

SALMOS 72:3

Urcucunapish can acllashcacunamanca sumacta cushilla causaitami cunga. Lomacunaca cashcata ruhuanatami cunga.

SALMOS 72:7

Pai mandacuc punzhacunapi cashcata ruhuanaca sisa shinami canga. Quilla tucuringacamanmi cushilla causaica tiyanga.

ISAÍAS 26:12

Mandac Dioslla, cushi causaitaca canmi ñucanchicmanca cungui. Tucui imatapish can ayudacpimi ruhuanchic.

ISAÍAS 45:7

Ñucami punzhatapish, amsatapish ruhuani. Ñucami cushi causaitapish, llaqui causaitapish cuni. Mandac Dios ñucami tucui caicunata ruhuarcani.

ISAÍAS 54:10

Urcucuna cuyuricpipish, lomacuna chucchucpipish cantaca cuyacushallami. “Canman cushi causaita cushami” nishpa, ari nishcataca pactachishatacmi» ninmi. Chaitaca, canta llaquic Mandac Dios ñucami nini.

ISAÍAS 66:12

Chaimantami Mandac Diosca: «Riquichic, ñucaca paimanca cushi causaitami jatun yacuta shina churani. Llactapi causaccunamanca yacu tallirishpa shamuc shinami, ima charinacunata cusha. Paicunami cancunataca chuchuchinga. Rigrapi marcashpami apamunga. Changa jahuapi churashpami cuyachishca cangui.

ISAÍAS 8:10

Diosca ñucanchic-huanmi. Chaimanta imata yuyarishcaca yangallami canga. Imata ruhuasha nishcapish mana pactangachu» nirca.

HAGEO 2:9

Cai quipa ruhuashca ñuca huasimi punta ruhuashca huasitapish yalli sumaimana canga. Caipica cushi causaitami cusha. Chaitaca tucuita Mandac Dios ñucami nini» ninmi.

ZACARÍAS 6:13

Paimi, Mandac Dios ñuca huasitaca shayachinga. Paica tucuipac alli nishcami canga. Pai mandashpa tiyarinapi tiyarishpami, tucuita mandanga. Paipac ladopica shuc curami shayacunga. Paihuanca shuc yuyaillami canga” ninimi.

NÚMEROS 6:26

Mandac Dios cushi causaita cuchun nishpa israelcunata bendicianguichic” nishpa mandarca.

SAN MATEO 1:23

Chai huillaccunaca: «Manarac carihuan chayarinacushca shuc solterami, huicsayuc tucushpa, shuc cari huahuata charinga. Chai huahuaca Emanuel shutimi canga» nishcami. (Emanuel nishpaca: «Dios ñucanchic-huan» nisha ninmi).

SAN MATEO 28:20

Ñuca cancunaman mandashpa yachachishcacunata paicunapish cazuchun yachachinguichic. Ñucaca cai pacha tucuringacamanmi, cancunahuanca casha» nirca.

SAN LUCAS 2:14

«¡Jahua pacha Diosca, alli nishca cachun! ¡Dios cuyashcacunaman cushi tiyachun!» nirca.

SAN JUAN 14:27

Sumac cushicui causaitami cuni, sumac cushicui causaitami saquini. Ñucaca mana gentecuna cushca cushi causaitachu cuni. Chaimanta ama llaquirichicchu, ama manchaichicchu.

SAN JUAN 16:33

Tucui caicunataca ñucahuan yallita cushicuita charichunmi nini. Cai pachapica llaquita apanguichicmi. Shina cacpipish, cai pacha mana allicunata ñuca atishcamanta ñucata crichic— nirca.

ROMANOS 1:7

Roma llacta criccuna, cancunataca Diosmi cuyashpa, paipaclla cachun acllarca. Ñucanchic Diospish, Apunchic Jesucristopish yallita cuyachun, cushi causaita cachun ninimi.

ROMANOS 15:33

Cushi causaita cuc Dios tucui cancunahuan cachun. Chashna cachun.

ROMANOS 16:20

Chashnami cushi causaita cuc Diosca Satanasta mishashpa, cancunapac chaqui sarunapi ñalla churanga. Ñucanchic Apunchic Jesuspac cuyai tucui cancunahuan cachun.

1 CORINTIOS 14:33

Chaica, Diosca mana maipish cachun causachun munanchu. Ashtahuanpish sumac causaita cuc Diosmi. Diospaclla cac tandanacushca criccuna imata ruhuac cashca shinami,

2 CORINTIOS 13:11

Ña tucuchingapacca caitami nisha nini: Cushilla causashpa, punzhanta allichirishpa catichic. Caishuc chaishuc yuyachinacushpa, sumacta causaichic. Chashna causacpimi, sumac causaita cuc, cuyac Diosca cancunahuan canga.

EFESIOS 6:23

Diospish, Apunchic Jesucristopish tucui criccunaman sumac causaita, cuyac canata, alli cric canata cushca cachun.

1 TESALONICENSES 3:11

Ñucanchic Diospish, Apunchic Jesucristopish cancunata ricungapac pushachunmi munanchic.

1 TESALONICENSES 5:23

Cushi causaita cuc Diosllatac cancunapac espiritutapish, almatapish, cuerpotapish Apunchic Jesús cutimuna punzhapacca jucha illac, pi mana juchanchipacta ruhuashpa huacaichichun.

2 TESALONICENSES 3:18

Ñucanchic Apunchic Jesucristoca tucui cancunaman paipac sumaimana cuyaita cushca cachun. Chashna cachun.

2 TIMOTEO 4:22

Apunchic Jesucristo canhuan cachun. Shinallatac Diosca paipac sumaimana cuyaita tucui cancunaman cushca cachun ninimi.

FILEMÓN 1:25

Ñucanchic Apunchic Jesucristoca paipac sumaimana cuyaita tucui cancunaman cushca cachun. Chashna cachun.

HEBREOS 13:20

Cushi causaita cuc Diosmi, ñucanchic Apunchic Jesustaca huañushcacunapuramanta causachirca. Paimi yahuarta jichashpa, Dios-huan huiñaipac ari nishcata pactachishpa, ñucanchic Jatun Michic tucurca.

HEBREOS 7:2

Chaimantami Abrahamca macanacushpa quichushcacunata, chungamanta shucta Melquisedec curaman curca. Melquisedec shutica: “Cashcata ruhuac jatun mandac” nisha ninmi. Shinallatac: «Salem llactata mandac» nishcapish, “cushi causac mandac” nisha ninmi.

JUECES 6:24

Chaimantami Gedeonca Mandac Diosman shuc altarta ruhuashpa: “Mandac Diosca cushicuimi” nishpa shutichirca. Chai altarca cunancamanmi abiezeritacunapac Ofra pambapi tiyan.

RUT 2:4

Booz Belenmanta chayamushpami cebadata piticcunataca: —¡Mandac Dios cancunahuan cachun!— nirca. Shina nicpimi paicunaca: —¡Mandac Diosca cantapish bendiciachun!— nircacuna.

1 SAMUEL 17:37

Chashnallatacmi Davidca: —Mandac Diosca leonpac, osopac shimimantapish quishpichircami. Paillatacmi cai filisteo runapac maquimantapish quishpichinga— nirca. Shina nicpimi, Saulca Davidtaca: —¡Shina cashpaca rilla! Mandac Dios canhuan cachun— nirca.

1 SAMUEL 20:13

Ashtahuanpish ñuca taita canta llaquichisha nicushcata yachashca jahua mana huillacpica, Mandac Diosllatac sinchita, ñucata llaquichichun. Mandac Diosca ñuca taitata pushashca shinallatac cantapish alli pushachun.