2 TESALONICENSES 3:14 - Dios Rimashcata Quillcashcami

¹⁴ Maijanpish cai quillcapi nishcata mana cazucta ricushpaca, pai pingaita charichunca ama tandaringuichicchu.

Nuevo Testamento en Quichua Cañar 1996

¹⁴ Maijanpish cai quillcapi nishcata mana cazucta ricushpaca, pai pingachunmi “caica mana allichu” nishpa, paihuanca mana tandanacuna canguichic.

2 TESALONICENSES 3:14 ပူးပေါင်းရင်းမြစ်များ

ESDRAS 9:6

mañashpaca: «Ñuca Dioslla, yallita manchaihuan, pingaihuan cashpami, ñuca ñahuihuan canta huichai ricunatapish mana pudini. Ñuca Dioslla, ñucanchic mana allita ruhuashcaca yallita mirashpami, umacaman tapashpa, jahua pachacaman chayashca.

SALMOS 83:16

Mandac Dioslla, paicuna canta mashcachun pingaichishpa ñahuita pucayachiyari.

PROVERBIOS 5:13

Ñuca yachachiccuna yachachishpa rimacpipish, mana uyasha nircanichu. Ñucata yachachishcataca mana entendircanichu.

JEREMÍAS 3:3

Chaimantami punta tamyapish, chagrata pucuchic quipa tamyapish mana tiyarca. Cullquimanta huainayac huarmi shinami, manatac pingarcangui.

JEREMÍAS 6:15

¿Millana juchata ruhuashcamantaca pinganchu? ¡Paicunaca mana pinganchu! ¡Ima shina pinganatapish mana yachanchu! Chaimantami paicunaca ñuca llaquichi punzhapica, urmaccunahuan pacta llaquipi urmanga. Chaitaca Mandac Dios ñucami nini» nirca.

SOFONÍAS 3:2

Mandac Dios rimashcatapish mana uyanchu, alli tucuchun nishpa llaquichicpipish, mana cazunchu. Diospacman mana cuchuyanchu, Mandac Diospica mana shunguta churanchu.

NÚMEROS 12:14

Shina mañacpimi, Mandac Diosca Moisestaca: «Paipac taita ñahuipi tocacpica, ¿manachu canchis punzhacaman pingaihuan canga? Chaimanta canchis punzhacaman carpa huasicunamanta llucshishpa cachai. Chai quipami israelcunahuan cutin tandanacunga» nirca.

SAN MATEO 18:17

Paicunata mana uyacpica, tandanacushca criccunaman huillangui. Paicunatapish mana uyacpica, Diosta mana cricta shina, impuestota japicta shina charinguichic.

ROMANOS 16:17

Cuyashca criccuna, cancuna yachacushcamanta shuctaclayata yachachishpa chicanyachiccunamanta cuidaringuichic ninimi. Chashna yachachishpa pandachiccunamanta cuidaringuichic.

1 CORINTIOS 4:14

Mana cancunata pingaichingapacchu caicunataca quillcanchic, ashtahuanpish ñuca cuyashca huahuacunata cunac shinami cashna rimani.

1 CORINTIOS 5:11

Ashtahuanpish chashna nishpaca, cric cashca jahua huaclliriccunahuan, imatapish charinallata munaccunahuan, imapish tucushca canman niccunahuan, ruhuashcalla dioscunata adoraccunahuan, llullaccunahuan, machaccunahuan, shuhuaccunahuan amatac tandaringuichicchu nisha nircanimi. Chashna gentecunahuanca micungapacllapish ama tiyaringuichicchu ninimi.

1 CORINTIOS 5:9

Utcamanmi maijanpish huaclliriccunahuanca ama tandanacunguichicchu nishpa quillcarcani.

2 CORINTIOS 10:6

Cancuna tucuita cazushca quipaca, mana cazuccunatami llaquichina yuyailla canchic.

2 CORINTIOS 2:9

Chai shinaca ñuca ima nishcata cancuna pactachic cashcata, mana pactachic cashcata ricungapacmi quillcarcani.

2 CORINTIOS 7:15

Cancuna paita alli nishpa, cuyaihuan chasquishcata yuyarishpa, shinallatac tucui cancuna pai nishcata ruhuacushcamantami, ashtahuan cuyan.

DEUTERONOMIO 16:12

Egiptopi servic cashcataca yuyaringuichic. Chaimanta cai mandashcacunata yuyarashpa cazunguichic.

FILIPENSES 2:12

Chaimanta ñuca cuyashca criccuna, ima shinami ñuca cancunahuan cacpi cazuc carcanguichic, cunan ñuca mana cancunahuan cacpicarin, ashtahuan cazuccuna caichic. Cancuna ña quishpirishca cashcamantaca manchaihuan, chucchuihuan Diospac ñaupapi allita ruhuana yuyailla caichic.

COLOSENSES 4:16

Cancuna cai quillcata rezashca quipaca, Laodicea pueblopi causac tandanacushca criccunamanpish rezachun cachanguichic. Shinallatac Laodicea puebloman ñuca cachashca quillcata paicuna cancunaman cachacpipish rezanguichic.

1 TESALONICENSES 4:8

Chaimanta pipish cai yachachishcacunata mana chasquicca, mana runallatachu mana chasquin, ashtahuanpish paipac Espirituta cuc Diostami mana chasquin.

2 TESALONICENSES 3:6

Cuyashca criccuna, Apunchic Jesuspac shutipimi ñucanchic yachachishcata mana cazushpa, mana trabajasha nishpa puric criccunahuanca ama tandarichichu ninchic.

TITO 2:8

ama pi juchanchichunca rimana cashcallata rimangui. Shina ruhuacpimi maijanpish ñucanchicta piñaccunaca pingashpa, imata mana ni pudingacuna.

TITO 3:10

Maijanpish tandanacushca criccunapi mana alli ruhuashpa chicanyanacuipi churacpica, ishcai cutincaman cunashpa rimangui. Chaita mana uyacpica, tandanacushca criccunapuramanta llucchishpa cachangui.

FILEMÓN 1:21

Cai ñuca nishcata cazushpa, ashtahuan caicunamanta yallita ruhuana cashcata yachashpami, cai quillcata cachani.

HEBREOS 13:17

Cancunata pushaccunata cazuichic. Diosca paicunatami cancunamanta tapunga. Chaimantami paicunaca mana samarishpa cancunataca ricuracun. Paicuna mana llaquirishpa, cushilla servichunca, paicunahuan alli caichic. Chaimi paicunamanca alli canga.

2 JUAN 1:10

Maijanpish cancunapacman shamucpi Cristo yachachishca shina mana yachachictaca, ama chasquinguichicchu. Shinallatac «alli shamushcami cangui» ninallatapish, ama ninguichicchu.