2 SAMUEL 8:15 - Dios Rimashcata Quillcashcami

¹⁵ Davidca tucui israelcunatami mandacurca. Paica allita ruhuashpami, imatapish cashcata ruhuashpa mandacurca.

2 SAMUEL 8:15 ပူးပေါင်းရင်းမြစ်များ

2 SAMUEL 15:3

Shina nicpimi Absalonca: «Canca allitami mañac shamungui. Shina cacpipish, jatun mandacpuramantaca mañashcata uyacca pipish mana tiyanchu» nic carca.

2 SAMUEL 20:23

Joabmi tucui Israel soldadocunata mandacurca. Cutin Joiadapac churi Benaiasca cereteocunata, peleteocunatami mandacurca.

2 SAMUEL 3:12

Chaimantami Abnerca huillaccunata Davidpacman cachashpaca: «¿Cai llacta mana cambac cashpaca pipactac? Ñuca maquihuan tucui israelcunata cambacman cutichimungapac ñucahuan alli tucushpa ari ni» nichunmi cacharca.

2 SAMUEL 5:5

Canchis huata sucta quillatami Hebrón pueblopi mandarca. Chai quipaca quimsa chunga quimsa huatatami Israel llactatapish, Judá llactatapish Jerusalén pueblopi causashpa mandarca.

2 SAMUEL 8:14

Chashna atishpami, Edom llacta tucui pueblocunapi cuidac soldadocunata churacpi, edomitacunaca Davidta serviccuna tucurca. David maiman ricpipish, Mandac Diosca paita mishachircami.

2 SAMUEL 8:16

Sarviapac huahua Joabca soldadocunatami mandacurca. Ahiludpac churi Josafatca jatun mandacpac quillcacmi carca.

1 REYES 10:9

Canta Mandac Diosca alli nishca cachun. Paica canta alli nishpami, israelcunata mandashpa tiyarinapi churashca. Mandac Diosca israelcunata cuyashpami, cantaca jatun mandac cachun churarca. Tucuipac allita, imatapish cashcata ruhuashpa mandachunmi churarca» nirca.

1 REYES 4:1

Salomonca tucui israelcunapac jatun mandacmi carca.

1 CRÓNICAS 18:14

Davidca tucui israelcunatami allita, shinallatac cashcata ruhuashpa mandacurca.

SALMOS 119:121

Ñucaca cashcata ruhuashpami allita ruhuarcani. Ama ñucata piñaccunapac maquipi saquichu.

SALMOS 72:2

Paimi can acllashcacunata cashcata ricushpa mandanga. Huacchacunamanpish allitami ruhuanga.

SALMOS 75:2

Diosca: «Ñuca acllashca punzhapimi gentecuna imata ruhuashcata ricushpa taripasha.

SALMOS 89:14

Can mandashpa tiyarina callari rumi shinaca cashcata ruhuana, imatapish allita ruhuanami. Cambac ñaupataca llaquina, cashcata nina yuyaimi ricun.

ISAÍAS 9:7

Jatun mandac Davidpac tiyarinapi tiyarishpami, huiñaita cushi causaita cushpa, cashcata ruhuashpa, cunanmanta huiñaicaman mandanga. Pai mandanaca mana tucuringachu. Tucuita Mandac Diosca pai yallita cuyashcamantami chaitaca pactachinga.

AMÓS 5:15

Mana alli ruhuanata millanayachishpa, allita ruhuanata munaichic. Taripashpaca, cashcata ruhuaichic. Chashna ruhuacpi, tucuita Mandac Diosca maijan saquirishca Josepac huahua huahuacunata llaquingapishchari.

AMÓS 5:24

Ashtahuanpish allita mandanaca yacu shina callpacuchun. Cashcata ruhuanaca mana tucuric callpacuc yacu shina cachun.

HEBREOS 11:33

Crishcamantami paicunaca jatun mandaccunahuan macanacushpa mishashpa, cashcata ruhuarcacuna. Dios cushami nishcacunatapish japircami. Leoncunapac shimicunatapish huichcarcami.

1 SAMUEL 14:47

Saulca Israel llactapi jatun mandac tucushpami, muyundi llactapi causac paita piñac Moab, Amón, Edom llactapi causaccunahuan, Soba llactata jatun mandac-huan, filisteocunahuan macanacurca. Maiman rishpapish paica aticmi carca.