2 SAMUEL 8:13 - Dios Rimashcata Quillcashcami

¹³ Davidca cachi tiyac pambapi chunga pusac huaranga edomitacunata huañuchishpa cutishpami, tucuipac alli nishcapish, tucuipac ricsishcapish tucurca.

2 SAMUEL 8:13 ပူးပေါင်းရင်းမြစ်များ

GÉNESIS 11:4

Chai quipaca: «Cunanca, shuc pueblotapish, jahua pachaman alto shuc torretapish chayachingapac jacuchic. Shina ruhuashpami, mana caita chaita rishpa, cai pachapica tucui gentecunapac alli nishca causashun» ninacurca.

2 SAMUEL 7:9

Ñucaca can maita ricpipish, canhuanmi carcani. Canta piñaccunatapish tucuitami cambac ñaupamanta chingachircani. Shina ruhuashpami, cai pacha mandaccunapuramanta tucuita yalli jatun cachun ruhuarcani.

1 REYES 11:15

Edom llactapi causaccunata David mishacpimi, Israel soldadocunata mandac Joabca huañushcacunata enterrangapac huichaiman rishca carca. Chaipimi Edom llactapi causaccunataca tucui caricunata huañuchishca carca.

2 REYES 14:7

Amasiasca chunga huaranga edomitacunatami Cachi cucha pambapi huañuchirca. Chai macanacuipimi Sela pueblota quichushpa Jocteelta shutichirca. Chai puebloca cunancamanmi chai shutillatac can.

1 CRÓNICAS 18:12

Shinallatac Sarviapac cari huahua Abisaipish chunga pusac huaranga edomitacunatami Cachi Pambapi huañuchirca.

2 CRÓNICAS 25:11

Amasiasca ashtahuanpish sinchi tucushpami, Cachi pambaman paipac soldadocunahuan rishpa, Seir llactapi causaccunataca chunga huaranga soldadocunata huañuchirca.

SALMOS 60:1

Sumac Dioslla, canmi ñucanchicta shitashcangui. Llaqui tucuchunpish saquishcangui. ¡Piñarishca cashpapish ñucanchicta llaquiyari!