2 SAMUEL 7:24 - Dios Rimashcata Quillcashcami

²⁴ Can acllashca israelcunataca huiñaita cambaclla causachunmi churashcangui. Mandac Dios chashna ruhuashpami, paicunapac Dios tucurcangui.

2 SAMUEL 7:24 ပူးပေါင်းရင်းမြစ်များ

GÉNESIS 17:7

Canhuanpish, cambac huahua huahuacunahuanpishmi ari nishcata callarichisha. Cambacpish, cambac huahua huahuacunapacpish Dios cangapacmi, huiñaipac ari nisha.

GÉNESIS 17:8

Can causacushca tucui Canaán llactatami canmanpish, cambac huahua huahuacunamanpish, cambac quipa miraicunamanpish huiñaipac cusha. Ñucaca paicunapac Diosmi casha— nirca.

2 SAMUEL 7:23

Shinallatac can acllashca Israel llacta shinaca, ¿maijan llactatac cai pachapica tiyanyari? Cai llactataca paicunaman allita ruhuashpa, tucuiman ricsichingapacmi huatashca shina causacucmanta cacharichircangui. Canca llactapi causaccunatapish, chaipi tiyac dioscunatapish llucchishpa cachashpaca, jatun mancharinacunata ruhuashpami Egiptomanta cambaclla cachun llucchimurcangui.

2 SAMUEL 7:25

Cunanca Mandac Dioslla, canta servic ñucamanpish, ñuca huasi ucupuramanpish imata ruhuasha nishcataca can munashca shina huiñaipac ruhuailla.

1 CRÓNICAS 17:22

Can acllashca israelcunataca cambaclla huiñaita causachunmi churarcangui. Mandac Dioslla, chashna ruhuashpami paicunapac Dios tucurcangui.

SALMOS 48:14

Sumac Diosca huiñai huiñaipac ñucanchic Diosmari. Paimi huiñaita ñucanchictaca pushanga.

ÉXODO 15:2

Mandac Diosca ñucata sinchiyachicmi. Ñuca cantana Diosmi. Paimi ñucata quishpichirca. ¡Paimi ñuca Dios, paitami cantasha! ¡Paimi ñuca taitapac Dios! ¡Paitami jatunyachisha!

ÉXODO 6:7

Ñucapaclla acllashca llactata ruhuashpami, cancunapac Dios casha. Chaimantami Egiptopi sinchi trabajacushcamanta llucchic, shinallatac cancunata Mandac Dios cashcata yachac chayanguichic.

ISAÍAS 12:2

¡Mandac Diosca ñucata quishpichicmi! ¡Ñucata sinchiyachic, ñuca cantana, ñucata quishpichic Diosmi! Chaimanta paipi shunguta churashpaca imatapish mana manchashachu» ningui.

JEREMÍAS 31:1

Mandac Diosca: «Chai huatacunapica ñucaca tucui Israel aillucunapac Diosmi casha. Paicunaca ñuca acllashcacunami canga» ninmi.

JEREMÍAS 31:33

Shamuc punzhacunapica israelcunahuan ari nishcaca cashnami canga: Ñuca mandashcataca paicunapac shungupi churashpami, paicunapac yuyaipi quillcasha. Ñucaca paicunapac Diosmi casha, paicunaca ñuca acllashcacunami canga.

JEREMÍAS 32:38

Paicunaca ñuca acllashcacunami canga. Ñucaca paicunapac Diosmi casha.

OSEAS 1:10

Ashtahuanpish israelcunaca mama cuchapi tiyac tiyu shinami, pipish maita mana yupaipac cangacuna. Maipimi cancunata: «Cancunaca mana ñuca acllashcacunachu canguichic» nishca pamballapitacmi: «Huiñaita causac Mandac Diospac huahuacunami canguichic» ningacuna.

ZACARÍAS 13:9

Chai quimsa partepi chicanyachishcataca ninapi churashpami ricusha. Cullquita yacuyachic shinami yacuyachisha. Ninapi churashpa alli curita ricuc shinami ricusha. Shina ruhuacpimi, paicunaca ñuca shutita mañanga. Paicuna mañashcata ñuca uyashpaca: “Ñuca acllashcacunami canguichic” nishami. Cutin paicunaca: “Ñucanchicta Mandac Diosmi cangui” ningami» ninmi.

SAN JUAN 1:12

Paita chasquishpa, paita criccunataca, Diospac huahuacuna tucuchunmi chasquin.

DEUTERONOMIO 26:18

Mandac Dios pai munashca shina, cancunata rimashpaca: “Ñucapaclla acllashcami canguichic” nishcami. Tucui pai mandashcacunata cazuchunmi chashna acllashca.

DEUTERONOMIO 27:9

Chaimantaca Moises-huan levita curacunahuan israelcunata rimashpaca: «Israelcunalla, upalla caita uyaichicyari. Cunanmi cancunaca Mandac Dios acllashca tucushcanguichic.

DEUTERONOMIO 32:6

Imatapish mana yachac, yuyai illac gentecunalla, ¿chashnachu Mandac Diostaca ruhuana carcanguichic? ¿Paica manachu cancunaman causaita cuc Taita? Paimari causaita cushpa callarichirca.

1 PEDRO 2:10

Cancunaca ñaupaca Diospac acllashcacunaca mana carcanguichicchu. Ashtahuanpish cunanca Diospac huahuacunami tucushcanguichic. Ñaupaca Dios mana llaquishcami carcanguichic. Cunanca Dios llaquishcami canguichic.