2 SAMUEL 6:20 - Dios Rimashcata Quillcashcami

²⁰ Chai quipami, Davidca paipac familiacunata bendiciangapac cutirca. Ña David huasiman chayacpimi, Saulpac ushi Micalca Davidta tupangapac llucshishpaca: —¡Cunanca, israelcunata jatun mandacca paita serviccunapac ñaupapi maijanpish cullquimanta servic shina lluchulla danzashpaca allitamari ricuchishca!— nirca.

2 SAMUEL 6:20 ပူးပေါင်းရင်းမြစ်များ

GÉNESIS 18:19

Abraham tucui paipac causaipi huahuacunamanpish, huahuapac huahuacunamanpish ñuca yachachishcata yachachigricucta, imapish alli cashcallata ruhuanata yachachigricuctami yachani. Shina cacpica, ñuca imallata Abrahamman cusha nishcataca pactachishcami canga» nishpa yuyarca.

2 SAMUEL 6:14

Shinallatac linomanta ruhuashca efot churanata churarishpami, Davidca Mandac Diospac ñaupapi danzarca.

2 SAMUEL 6:16

Mandac Diospac Arcahuan David paipac puebloman saltarishpa, danzashpa shamucucta Saulpac ushi Mical ventanamanta ricushpami, paipac shungupi Davidca mana allichu nirca.

2 SAMUEL 6:18

Davidca Diosman cushpa tucuita rupachishca quipa, Dios-huan alli tucungapac animalta cushca quipaca, Mandac Diospac shutipimi tucui israelcunata bendiciarca.

2 SAMUEL 6:19

Shina ruhuashpami, tucui chaipi cac Israel huarmicunamanpish, caricunamanpish cada shucman shuc tandata, asha aichata, shuc pasas tortatapish cararca. Chai quipami, tucui israelcunaca paicunapac huasicunaman cutirca.

1 CRÓNICAS 16:43

Chai quipaca tucui gentecunami paicunapac quiquin huasiman rircacuna. Davidpish paipac huasi familiata bendiciangapacmi paipac huasiman cutimurca.

JOB 30:8

Paicunaca yuyai illac gentecunapac churicuna, paicunapac llactapi piñashca, shuti illaccunami carca.

SALMOS 101:2

Allita causanatami yachacusha. ¿Ima horastac ñucapacmanca shamugringui? Ñuca mandana huasipica allita ruhuanata shungupi yuyarishpami purisha.

SALMOS 30:1

Mandac Dioslla, ñucata cacharichishcamantami alli nishpa cantani. Ñucata piñaccuna cushicuchunpish mana saquircanguichu.

ECLESIASTÉS 7:17

Ama yalli millaipish, ama yalli yuyai illacpish canguichu. ¿Ima nishpatac huañui manarac chayacpi huañungui?

MARCOS 14:66

Pedroca pungu pambapi tiyacucpimi, curacunata jatun mandac curata servic huarmi shamurca.

MARCOS 3:21

Jesús chaipi cacpimi, paipac familiacunaca: «Yuyai illacmi tucushca» nishpa, pushangapac shamurca.

SAN JUAN 13:6

Simón Pedropac chaquita jahuagricpimi paica: —Apunchic Jesús, ¿canchu ñuca chaquita jahuagringui?— nirca.

JOSUÉ 24:15

Mandac Diosta servina mana alli cacpica, maijan diosta servingapac acllaichiclla. Cancunapac ñaupa taitacuna jatun yacu chimba ladopi causashpa servishca dioscunata, mana cashpaca cunan cancuna causacuc llactapi causac amorreocuna servishca dioscunata servichiclla. Shina cacpipish, ñuca familiahuanca Mandac Diostami servishpa causasha» nirca.

JUECES 9:4

Paicunaca Baal-berit diosta yuyarina huasi ucumantami canchis chunga cullquita japishpa curca. Chai cullquihuanmi Abimelecca imatapish mana ruhuashpa causac quilla gentecunata pusharca.

1 SAMUEL 14:49

Saulpac churicunaca Jonatán, Isúi, Malquisuami carca. Shinallatac paica ishcai ushicunatami charirca. Punta ushica Merab quipa ushica Micalmi carca.

1 SAMUEL 18:20

Shina cacpipish Saulpac quipa ushi Micalmi Davidta yallita cuyarca. Chaita Saúl yachashpaca maimi cushicurca.