2 SAMUEL 6:16 - Dios Rimashcata Quillcashcami

¹⁶ Mandac Diospac Arcahuan David paipac puebloman saltarishpa, danzashpa shamucucta Saulpac ushi Mical ventanamanta ricushpami, paipac shungupi Davidca mana allichu nirca.

2 SAMUEL 6:16 ပူးပေါင်းရင်းမြစ်များ

2 SAMUEL 3:14

Chai quipami Davidca Is-bosetpacman huillaccunata cachashpaca: «Ñuca huarmi Micalta cutichi. Ñucaca patsac filisteocunata huañuchishpa circuncisionta ruhuashpa, Saulman cushpami Micalhuanca cazararcani» nichun cacharca.

2 SAMUEL 5:7

Chashna nicucpipish, Davidca jatun torrehuan jarcashca Sión pueblotaca japircami. Chai puebloca Davidpac pueblomi.

2 SAMUEL 6:15

Chashnami Mandac Diospac Arcataca Davidpish, tucui israelcunapish cushilla caparinacushpa, cornetapi tocashpa aparca.

2 SAMUEL 6:20

Chai quipami, Davidca paipac familiacunata bendiciangapac cutirca. Ña David huasiman chayacpimi, Saulpac ushi Micalca Davidta tupangapac llucshishpaca: —¡Cunanca, israelcunata jatun mandacca paita serviccunapac ñaupapi maijanpish cullquimanta servic shina lluchulla danzashpaca allitamari ricuchishca!— nirca.

1 CRÓNICAS 15:29

Mandac Dios ari nishca quillcata huacaichina Arcahuan David paipac puebloman cushicushpa, saltashpa, danzashpa shamucucta Saulpac ushi Mical ventanamanta ricushpaca, paipac shungupimi piñanayachirca.

SALMOS 123:3

Ñucanchicta llaquiyari. Mandac Dioslla, ñucanchicta llaquiyari. Ñucanchicca yallita piñashca, millashcami canchic. Ña mana llaquita apai pudinchicchu.

SALMOS 69:7

Canta cuyashpami rimashpa llaquichishcapish carcani. Ñucaca yallita pandarishcamantami ñahuipish pucayashca carcani.

ISAÍAS 53:3

Gentecunapac mana ricunayachishca, millashcami carca. Paica yalli nanaihuanpish, llaquihuanpishmi carca. Paita mana ricusha nishpami shuc ladota ricuc carcanchic. Paitaca yangalla cashcata yuyashpami, mana ricunayachircanchic.

HECHOS 2:13

Ashtahuanpish maijancunaca: —Caicunaca machashcacunami— nishpami asircacuna.

1 CORINTIOS 2:14

Diospac Espirituta mana charicca Espíritu cushcacunataca mana chasquisha ninchu. Chaicunaca paimanca pucllashca shinami. Shinallatac imata nisha nicushcatapish mana entendinchu. Chaitaca Diospac Espíritu yuyachicllapimi, yachac chayancuna.

1 SAMUEL 18:17

Chaimantami Saulca Davidtaca: —Riqui, ñuca punta ushi Merabtami cambac huarmi cachun cugrini. Can Mandac Diosmanta sinchita macanacushpa atichunmi cambac huarmi cachun cugrini— nirca. Shina nicpipish, Saulca Davidtaca: «Mana ñuca maquihuan huañuchishachu. ¡Ashtahuanpish filisteocuna huañuchichun!» yuyashpami, chashna nirca.

1 SAMUEL 18:20

Shina cacpipish Saulpac quipa ushi Micalmi Davidta yallita cuyarca. Chaita Saúl yachashpaca maimi cushicurca.