2 SAMUEL 5:17 - Dios Rimashcata Quillcashcami

¹⁷ Filisteocunaca Davidta israelcuna jatun mandac cachun aceitehuan cahuishcata yachashpami, Davidhuan macanacungapac huichai rirca. Chaita yachashpami, Davidca jatun pircahuan jarcashca puebloman rirca.

2 SAMUEL 5:17 ပူးပေါင်းရင်းမြစ်များ

2 SAMUEL 21:15

Cutinllatacmi filisteocunaca israelcunahuan macanacui callarirca. Chaimantami Davidca paita serviccunahuan urai rishpa, filisteocunahuan macanacurca. Davidca shaicushcami carca.

2 SAMUEL 23:14

Davidca miticuna pirca huashapimi alli miticushpa tiyacurca. Cutin filisteocunapac macanacuc shuc parte runacunaca Belén pueblopimi carca.

2 SAMUEL 5:16

Elisama, Eliada, Elifeletmi carca.

2 SAMUEL 8:1

Chai quipaca, Davidca filisteocunahuan macanacushpa atishpami, servichishpa charirca. Shinallatac Meteg-ama pueblotapish filisteocunamantaca quichurcami.

2 SAMUEL 8:12

Chaicunaca David siriocunamanta, edomitacunamanta, moabitacunamanta, amonitacunamanta, filisteocunamanta, amalecitacunamanta, Soba llactata jatun mandac Hadad-ezermanta quichushcacunami carca. Hadad-ezerca Rehobpac churimi carca.

1 CRÓNICAS 11:16

Davidca miticunapimi alli miticushpa tiyarirca. Cutin filisteo soldadocunaca Belén pueblopimi carca.

HEBREOS 11:33

Crishcamantami paicunaca jatun mandaccunahuan macanacushpa mishashpa, cashcata ruhuarcacuna. Dios cushami nishcacunatapish japircami. Leoncunapac shimicunatapish huichcarcami.

1 SAMUEL 29:1

Filisteocunaca tucui paicunapac soldadocunatami Afec pueblopi tandachirca. Shinallatac israelcunaca Jezreel pueblo ladopi cac tucyac yacu ladopimi carpa huasicunata shayachishpa tiyarirca.