2 SAMUEL 3:39 - Dios Rimashcata Quillcashcami

³⁹ Cunanca, jatun mandac cachun aceitehuan cahuishca cashpapish irquiyashcami cani. Sarviapac huahuacunami ñucata atishpa ashtahuan sinchicuna. Paicuna mana allita ruhuashcamantaca Mandac Diosllatac mana allita ruhuashca shinallatac llaquichichun— nirca.

2 SAMUEL 3:39 ပူးပေါင်းရင်းမြစ်များ

2 SAMUEL 16:10

Shina nicpimi, jatun mandacca: —Sarviapac huahuacunalla, ¿Caicunataca ñucaca ima ricunatatac charini? Mandac Diosllatac: “Davidta maldiciai” nishca cacpica, ¿pitac paicunataca “mana allitami ruhuacungui” ninga?— nirca.

2 SAMUEL 19:13

Shinallatac Amasaca: “¿Canca manachu ñuca tullullatac, ñuca aichallatac cangui? Cunanmanta ñaupaman Joabpac randi tucui soldadocunata mandac cachun churacpica, Mandac Diosllatac ñucata llaquichichun ninmi” nigrichic» nirca.

2 SAMUEL 19:22

Shina nicpimi Davidca: —Sarviapac huahualla, ¿ima nishpatac ñucataca piñanacuipi churashun ninguichicyari? ¿Cancunataca imatatac ruhuashcaniyari? Israelcunata jatun mandacmi cani. Israelpuramantaca shucllapish mana huañungachu— nirca.

2 SAMUEL 3:38

Jatun mandac paita serviccunata cayashpaca: —Cunan punzha Israel llactapi tucuipac ricsishca mai alli shuc runa huañushcataca ¿Manachu yachanguichic?

1 REYES 2:32

Mandac Diosca cai yahuartaca paillamantacmi cutichinga. Paica, paitapish yalli imatapish cashcata ruhuac ishcai alli runacunatami huañuchirca. Paicunataca ñuca taita Davidpish mana yachacpimi, espadahuan huañuchirca. Nerpac churi Abnerca Israel soldadocunata mandac, Jeterpac churi Amasaca Judá llacta soldadocunata mandacmi carca.

1 REYES 2:9

Ashtahuanpish cunanca ama saquinguichu. Canca alli yachac runami cangui. Ima shina paita llaquichinatapish, canllatac yachanguimi. Pai ña yuyacyashpa yurac accha tucucpica, huañuchishpa, yahuarta jichashpa Seolman cachangui» nirca.

1 CRÓNICAS 22:5

Chaimantami Davidca: «Ñuca churi Salomonca chairac huambraracmi. Tucui llactacunapac ricsishca alli nishca cachunmi Mandac Diospac huasitaca jatunta shinallatac sumacta shayachina can. Shina cashcamantami ñucallatac tucui allichigrini» nirca. Davidca manarac huañushpami, tucui allichishpa saquirca.

1 CRÓNICAS 29:1

Chai quipami Davidca tucui tandanacushcacunataca: «Ñuca churi Salomonllatami Diosca acllashca. Paica chairac huambrarac, yuyaitapish manarac alli charinchu, ashtahuanpish chai huasita shayachinaca sinchimi. Chai huasica mana runamanchu, ashtahuanpish Diosmanmi.

2 CRÓNICAS 13:7

Paihuanca quilla, mana alli gentecunami tandanacurca. Chai gentecunahuanmi, Salomonpac churi Roboam huambrarac cashpa mana mandai pudicpi mana cazurca.

SALMOS 101:8

Diosta mana manchac cai pachapi causaccunataca tutamantami tucuchisha. Mana allita ruhuaccunataca tucuitami Mandac Diospac pueblomantaca chingachisha.

SALMOS 28:4

Paicuna ruhuashca shinallatac llaquichiyari. Paicuna millaita ruhuashcamantaca chashnallatac llaquichiyari. Paicunapac maquihuan imata ruhuashca shinallatac llaquichiyari.

SALMOS 62:12

llaquicpish, canta Mandac Diospish cani. Ñucami tucuiman imata ruhuashca shinallatac japina cashcata cusha» nirca.

SALMOS 7:16

Paicuna millaita ruhuashcaca paicunallatatacmi llaquichinga. Paicuna llaquichingapac yuyarishcapish paicunapac jahuallapitacmi urmanga.

SALMOS 75:10

Paimi millaita ruhuaccuna mandacucta chingachinga. Ashtahuanpish cashcata ruhuac mandactaca ashtahuanmi cushichin.

ÉXODO 21:12

Maijanpish chugrichishpa huañuchicca, huañuchishcami cana can.

PROVERBIOS 20:8

Jatun mandac taripangapac tiyarishpaca, millaita ruhuashcataca paipac ñahuihuan ricushpallami llucchishpa cachan.

PROVERBIOS 25:5

Diosta mana manchac runata jatun mandacpac ñaupamanta anchuchingui. Shina anchuchicpimi, jatun mandacca cashcata ruhuashpa sinchiyanga.

ISAÍAS 3:11

¡Aij, Diosta mana manchac runalla! Yalli llaquimi tucunga. Paicunapac maquihuan mana allita ruhuashca shinallatacmi mana allita japinga.

ISAÍAS 7:4

Acaztaca: “Siria llactamanta Rezinhuan, Remalias-huanmi piña shamucun. Shina cacpipish, canca alli yuyaihuan, mana manchashpa shuyailla. Paicunaca nina chiriyashca, ishcai cushnicuc caspi shinami.

JEREMÍAS 38:5

Shina nicpimi, jatun mandac Sedequiasca: —Jatun mandac cashpapish, mana jarcai pudinichu. Cancuna munashcata ruhuaichiclla— nirca.

DANIEL 6:16

Shina nicpimi, jatun mandacca Danielta apamushpa leoncuna causana jutcupi shitachun mandarca. Chashna shitacpimi, jatun mandacca Danieltaca: —¡Can punzhanta servina cambac Dios quishpichichun!— nirca.

NÚMEROS 32:23

Cancuna mana chashna ruhuashpaca, Mandac Diospac ñaupapimi juchayuc tucunguichic. Chai juchata cancuna ruhuashcamanta ima horaspish jatun llaquitami apanguichic.

ROMANOS 13:4

Mandaccunaca Diosta servic cashpami, cambac allipac can. Mana yanga churashcachu, ashtahuanpish mana allita ruhuac runata llaquichingapacmi. Paicunaca Diospacta ruhuac cashpami, maijanpish llaquichina cacpica, cashcata ruhuashpa llaquichin. Chaimanta mana allita ruhuashpaca manchanami cangui.

2 TIMOTEO 4:14

Fierrocunata allichishpa causac Alejandroca ñucata mana allita ruhuashpami llaquichirca. Pai chashna ruhuashcamantaca, Diosmi paitapish llaquichinga.

JUECES 9:57

Siquem pueblopi causaccunapish chashnallatac jatun millaita ruhuashcamantami paicunatapish Mandac Dios llaquichirca. Chashnami Jerobaalpac churi Jotam nishcaca pactarca.