2 SAMUEL 3:35 - Dios Rimashcata Quillcashcami

³⁵ Chashna huacacucpimi manarac chishiyacpi, tucui gentecuna jatun mandacpacman chayarishpaca ashallatapish micuiyari nirca. Shina nicpipish mandac Davidca: «¡Manarac inti yaicucpi, tandata mana cashpaca imallatapish ñuca micucpica, Dios ashtahuan ñucata llaquichichun!» nishpa ari nirca.

2 SAMUEL 3:35 ပူးပေါင်းရင်းမြစ်များ

2 SAMUEL 1:12

Saulmantapish, paipac churi Jonatanmantapish, Dios acllashca gentecunamantapish, Israel aillucunamantapish espadahuan huañuchishca cashcamantami tutayangacaman mana micushpa, yallita llaquirishpa huacarcacuna.

2 SAMUEL 12:17

Shina cacpimi, mandashpa tiyana huasipi causac yuyaccunaca jatarichingapac rirca. Ashtahuanpish paica mana pambamanta jatarisha nircachu. Shinallatac paicunahuanpish mana micusha nircachu.

2 SAMUEL 3:34

Canca maquipish mana huatashcachu carcangui. Chaquicunapish mana cadenahuan huatashcachu carcangui. Canca millai runacuna shinami huañushcangui» nishpami huacarca. Tucui gentecunami paimantaca cutinllatac huacarca.

2 SAMUEL 3:36

Jatun mandac chashna nicta uyashpaca, tucui gentecunami allimi nircacuna. Chaica jatun mandac tucui ruhuashcacunatami tucui gentecuna alli nic carca.

2 SAMUEL 3:9

Mandac Dios Davidman cushami nishca pactachun Davidta mana ayudacpica, ñucata ashtahuan llaquichichun.

1 CRÓNICAS 10:12

tucui sinchi runacuna jatarishpa Saulpac, paipac churicunapac cuerpotapish Jabes puebloman aparcacuna. Chaiman apashpami, chai tullucunataca chai pueblopi tiyac encina yura ucupi enterrarca. Chai quipaca canchis punzhatami ayunarcacuna.

JEREMÍAS 16:7

Llaquihuan cashpa, cushichina micunatapish pi mana carangachu. Shinallatac taita mama huañushcamanta llaquilla cacpipish, cushichina ubianata pi mana cungachu.

EZEQUIEL 24:17

Shungullapi llaquiringui. Ama duelo churanata churaringuichu. Ashtahuanpish umapica turbanteta, chaquipica ushutata churaringui. Ñahuitapish ama taparinguichu, veloriopi micunatapish ama micunguichu» nirca.

EZEQUIEL 24:22

Cutin cancunaca ñuca ima shinami ruhuarcani chashnallatac ruhuanguichic. Cancunapac ñahuitapish ama taparinguichicchu, veloriopi micunatapish ama micunguichicchu.

JUECES 20:23

Israelcunaca huichai rishpami Mandac Diospac ñaupapi tutayangacaman huacashpa Mandac Diostaca: —¿Ñucanchic huauqui Benjamín aillucunahuanca Cutinllatac macanacugrishunchu?— nishpa tapurca. Shina nicpimi, Mandac Diosca: —Cutinllatac macanacugrichiclla— nirca.

JUECES 20:26

Shina huañuchicpimi, israelcunapish, macanacuc runacunapish huichai rishpa, Mandac Diospac ñaupapi chishiyangacaman huacashpa, ayunashpa carca. Shinallatac Diosman cushpa tucui rupachishpa, Dios-huan alli tucungapac animaltapish curcacuna.

RUT 1:17

Maipimi can huañungui, chaipimi ñucapish huañusha, chaillapitacmi enterrashca casha. Ñuca nishcata mana pactachishpa canta saquishpa ricpica, Mandac Diosllatac yallita llaquichichun. Ñucanchic ishcaimantaca huañushpami raquirishun— nirca.

1 SAMUEL 3:17

Shina nicpimi Elica: —¿Diosca imatatac canman huillarca? Pai ima nishcataca mana pacashpa huillai. Canman tucui ima parlashcata pacashpa mana huillacpica, Diosllatac cantaca yallita llaquichichun— nirca.