2 SAMUEL 3:32 - Dios Rimashcata Quillcashcami

³² Abnerpac cuerpotaca Hebrón pueblopimi enterrarca. Chaipimi jatun mandac Davidca enterrana jutcu ladopi munai huacarca. Shinallatac tucui gentecunapish huacarcacunami.

2 SAMUEL 3:32 ပူးပေါင်းရင်းမြစ်များ

2 SAMUEL 1:12

Saulmantapish, paipac churi Jonatanmantapish, Dios acllashca gentecunamantapish, Israel aillucunamantapish espadahuan huañuchishca cashcamantami tutayangacaman mana micushpa, yallita llaquirishpa huacarcacuna.

2 SAMUEL 18:33

Shina nicta jatun mandac uyashpaca yallita mancharishpami, chai puebloman yaicuna pungu jahua ucuman munai huacashpa rirca. Pai huacashpaca: «¡Ñuca huahua Absalonlla! ¡Ñuca huahua Absalonlla! ¡Can huañunapac randica ñuca huañushpachari alli caiman carcani! ¡Ñuca huahua Absalonlla, ñuca huahualla!» nishpami huacarca.

2 SAMUEL 4:12

Chashna nishpami, Davidca paita serviccunataca huañuchichun mandarca. Chashna huañuchishpami maquicunatapish, chaquicunatapish pitishpa Hebrón pueblo cuchupi tiyac yacuta huacaichina cuchupi huarcurca. Chai quipaca Is-bosetpac umataca Abnerta enterrashca Hebrón pueblollapitami enterrarca.

JOB 31:28

llaquichishcami caiman carcani. Chaicunata ruhuashca cashpaca, Mandac Diostami cungariman carcani.

JOB 31:29

Ñucata piñac llaqui tucucpi, paita llaqui japicpica mana cushicushpa asircanichu.

PROVERBIOS 24:17

Canta piñac runa llaquipi urmacpica, ama cushicuichu. Mitcaric shina pandaricpipish, shungullapi ama cushicuichu.

1 SAMUEL 30:4

Chaita ricushpami Davidpish, paihuan puric runacunapish huacanata mana pudingacaman caparishpa huacarca.