2 SAMUEL 3:29 - Dios Rimashcata Quillcashcami

²⁹ ¡Ashtahuanpish chai yahuarmantaca Joabpac, paipac huasi ucupuracunapac jahuapi llaqui urmachun! Joabpac huasi ucupurapica yahuar llucshic ungüipish, lepra ungüipish, suchucunapish, espadahuan huañuchishcacunapish, yarcaipish, jaicapi ama illachun— nirca.

2 SAMUEL 3:29 ပူးပေါင်းရင်းမြစ်များ

2 SAMUEL 1:16

Chashna huañuchishca quipami Davidca: —Cambac shimillahuantac: “Aceitehuan cahuishpa Mandac Dios acllashca runataca ñucami huañuchircani” nishpaca cambac shimillahuantacmi llaqui tucushcangui. Chaimanta canta huañuchishpa jichashca yahuarca cambac jahuallatami— nirca.

2 SAMUEL 16:8

Can Saulpac randi mandangapac paipac huasi ucupuracunata tucui huañuchishcamantami Mandac Diosca canta llaquichicun. Can mandanataca cambac churi Absalonmanmi cushca. Canca huañuchic cashpami llaquita apacungui» nirca.

2 SAMUEL 3:28

Chaita yachac chayashpami Davidca: —¡Nerpac churi Abnerta huañuchishca yahuarmantaca ñucapish, ñuca mandanapish huiñaitami Mandac Diospac ñaupapi mana juchayuc canchic!

2 REYES 5:1

Siria llactata jatun mandacpac soldadocunata mandac Naamanca paipac amopac ñaupapica mai alli nishcami carca. Mandac Diosca Siria llactataca Naamanmantami macanacuita mishachishca carca. Chaimantami paica mai alli nishca carca. Paica alli sinchi runa cashpapish lepra ungüitami charirca.

2 REYES 5:27

Can chashna ruhuashcamantaca Naamanpac lepra ungüica canpi llutaric shinami cantapish, cambac huahuacunatapish huiñaita llaquichinga— nirca. Shina nicpi, lepra ungüi japicpi, chai runapac aichaca rasu shina yuranlla tucushpa, Eliseopac ñaupamanta llucshirca.

SALMOS 7:17

Cashcata ruhuac Diostaca alabashami. Jahua pachapi causac Mandac Diospac shutitaca cantacushallami.

ÉXODO 21:19

camamanta jatarishpa, taunallahuan puricucpica, chai chugrichic runaca mana juchanchishcachu canga. Ashtahuanpish jambirishcamanta, camapi cashpa mana trabajai pudishcallamantami pagana can.

LEVÍTICO 15:2

«Israelcunataca: “Maijan cari yurac yacu cacharirishpaca mapami tucunga.

NÚMEROS 35:33

Cancuna causacushca llactataca ama mapayachinguichicchu. Maijanta huañuchishpa, yahuarta jichashcamantami chai llactaca mapayashca canga. Chashna mapayashcaca chai huañuchic runata huañuchicpimi, mapa illac saquiringa.

HECHOS 28:4

Chaipi paihuan cac gentecuna maquipi huarcuracucta ricushpaca: “Cai runaca huañuchic runami yuyachin. Chaimantami ñucanchic cashcata ruhuac diosca yacumanta quishpirimucpipish, mana causachun saquin” ninacurca.

DEUTERONOMIO 21:6

Chai huañushcamanta cuchulla llactapi causac tucui yuyaccunami yacu huaicupi, huañushca vaquillapac jahuapi maquita jahuanga.

APOCALIPSIS 16:6

Paicunami cambaclla caccunatapish, canmanta huillaccunatapish yahuarta jichashpa huañuchircacuna. Paicunaca chashna chasquina cashcamantami, canpish chashnallatac paicunamanca yahuarta ubiachishcangui» nishcatami uyarcani.

JUECES 9:24

Jerobaalpac canchis chunga huahuacunata huañuchishpa yahuarta jichashcamantami Abimelecpac jahuapi llaqui urmachun, shinallatac Siquem pueblopi causaccunapish huañuchinata ayudashcamanta paicunapac jahuapi llaqui urmachun chashnaca ruhuarca.