2 SAMUEL 3:25 - Dios Rimashcata Quillcashcami

²⁵ Nerpac churi Abnertaca canllatac ricsinguimi. Paica canta umangapac, can maiman rictapish, maimanta shamuctapish, tucui can imata ruhuac cashcata yachangapacmi shamushca canga— nirca.

2 SAMUEL 3:25 ပူးပေါင်းရင်းမြစ်များ

GÉNESIS 42:12

Shina nicpipish Joseca: —¡Mana chashnachu! Cancunaca cai llactaman ima shina yaicunata ricushpami puricunguichic— nirca.

GÉNESIS 42:16

Cancunapuramanta maijanta quipa huauquita pushamuchun cachaichic. Cancunaca caipi prezu saquirichic. Chashna ruhuacpimi, cancuna mana llulla cashcataca yachasha. Faraonpac shutipimi nini— nirca.

GÉNESIS 42:9

Chaimantami Joseca paicunamanta muscushcata yuyarishpaca: —Cancunaca pacalla ricushpa puriccunami canguichic. Cai llactaman ima shina yaicunata ricushpami puricunguichic— nirca.

2 SAMUEL 10:3

Ashtahuanpish Davidta serviccuna Amón llactaman chayacpi, chai llacta mandaccunaca Hanuntaca: «David chashna cachashpaca, ¿cushichichunchu cachashca canga? David paita serviccunata cachashpaca, ¿manachu quipata tucui tucuchingapac cai llacta imalaya cashcata ricuchun, pueblocunata ricushpa purichun cachashca canga?» nirca.

2 SAMUEL 3:24

Chashna huillacpimi, Joabca jatun mandac Davidpacman rishpaca: —¿Imatatac ruhuarcangui? Abnerca canta ricuc shamurcami, ¿ima nishpatac richun saquircangui?

2 SAMUEL 3:26

Joab Davidpacmanta llucshishpaca huillaccunatami Abnerta mashcashpa cutichimuchun cacharca. Paicuna rishpaca, yacuta llucchina jatun jundu Siramantami David mana yachacpi, Abnertaca cutichimurca.

2 SAMUEL 3:27

Abner Hebrón puebloman cuticpimi, Joabca paillahuan parlasha nic shinalla chai pueblo yaicuna punguman caruyachishpa pusharca. Chaipimi paipac huauqui Asaelta huañuchishcamanta yallita piñarishpa huicsapi chugrishpa huañuchirca.

2 REYES 18:32

Ñucaca cancunapac llacta shinallatac alli granota pucuc, vinopish, tucuilaya micunapish, uvas chagracunapish, olivospish, aceitepish, bunga mishquipish tiyac llactaman pushac shamungacamanmi chashna causanguichic. Chashnami mana yarcaihuan huañunguichic. Ezequiastaca mana uyanachu canguichic. Paica llullashpami: ‘Mandac Diosca ayudangami’ nicun.

SALMOS 121:8

Can yaicucpipish, llucshicpipish Mandac Diosmi cuidanga. Cunanmanta huiñaicamanmi cuidanga.

ISAÍAS 37:28

Can ima shina cactaca tucuitami yachani. Can maiman llucshictapish, cutictapish, can ñucata yallita piñarishcatapish yachanimi.

NÚMEROS 27:17

Chai runami israelcunapac ñaupata yaicuna cacpica pushashpa yaicunga. Cutin llucshina cacpica pushashpa llucshinga. Chashna cacpimi, cambac acllashcacunaca michic illac oveja shina mana canga— nirca.

SAN JUAN 7:12

Gentecunapurapi maijan huashalla parlanacushpaca: “Chai runaca alli runami”, cutin maijancunaca: “Paica mana alli runachu. Gentecunata umashpami purin” ninacurca.

SAN JUAN 7:47

Shina nicpimi fariseocunaca: —¿Cancunatapish crichircachu?

ROMANOS 2:1

Chaimanta can pi cashpapish shuccunata juchanchishpaca, mana perdonashcachu cangui. Chashna shuccunata juchanchishpaca, quiquinllatacmi llaqui tucucungui. Canpish paicuna shinallatacmi ruhuacungui.

DEUTERONOMIO 28:6

Cancunaca maiman yaicushpapish, llucshishpapish bendiciashcami canguichic.