2 SAMUEL 3:20 - Dios Rimashcata Quillcashcami

²⁰ Shinami Abnerca ishcai chunga runacunahuan Davidman huillangapac Hebrón puebloman rirca. Shina chayacpimi, Davidca Abnermanpish, paihuan cac runacunamanpish carangapac jatun micuita ruhuarca.

2 SAMUEL 3:20 ပူးပေါင်းရင်းမြစ်များ

GÉNESIS 26:30

Chai quipami paicunaca jatun micuita ruhuashpa micurcacuna, shinallatac ubiarcacuna.

GÉNESIS 31:54

Chai quipami Jacoboca animalta urcupi huañuchishpa, paipac huasi ucupuracunaman carangapac cayarca. Tucui paicunami chaipi micushpa, chai tutaca pacarirca.

2 SAMUEL 3:19

Abnerca Benjaminpac ailluhuanpish, parlangapac rircami. Chai quipaca Abnerca pai quiquinllatacmi israelcunapish, Benjamín aillucunapish allimi nishcata Hebrón pueblopi Davidman huillangapac rirca.

2 SAMUEL 3:21

Chaipimi Abnerca Davidtaca: —Cunan caimanta rishpaca, can ñucata mandac-huan israelcuna ari nichunmi tandachigrini. Chashna ruhuacpimi, cambac shungu munashca shina tucui israelcunata mandangui— nirca. David caya minchacaman nicpimi, Abnerca pipish imata mana nishca cushilla rirca.

ESTER 1:3

Quimsa huatata mandacushpami paipac quipa mandaccunaman, paita serviccunaman shuc jatun micuita ruhuarca. Chaipica Persia llactamanta, Media llactamanta macanacuc sinchi runacuna, shuctac mandaccuna shinallatac, llactata mandaccunami paihuan carca.

1 SAMUEL 25:36

Shina nicpimi, Abigaíl huarmica Nabalpacman cutirca. Huasipica Nabalca jatun mandaccuna micuna shina jatun micuitami ruhuashca carca. Paipac shungupica yallita cushilla cashpami, yallita machashca carca. Shina cacpimi, Abigaíl huarmica cayandi punzhacaman imata mana huillarca.