2 SAMUEL 24:13 - Dios Rimashcata Quillcashcami

¹³ Shina nicpimi, Gadca David yachachun huillangapac rishpaca: —¿Canchis huatata yalli yarcai tiyachunchu? ¿Mana cashpaca canta piñaccunamanta quimsa quillata miticushpa ricpi, paicuna catichunchu? ¿Mana cashpaca cambac llactapi quimsa huatata yalli ungüi tiyachunchu munangui? Cunanca ñuca imata nigringapac allita yuyarishpa ni— nirca.

2 SAMUEL 24:13 ပူးပေါင်းရင်းမြစ်များ

2 SAMUEL 21:1

David mandacui punzhapimi quimsa huatata catipi yarcai tiyarca. Chashna cacpimi, Davidca Mandac Diosta tapurca. Chashna tapucpimi Mandac Diosca: «Saulpish, paipac huasi familiapish gabaonitacunata huañuchishpa yahuarta jichashcamantami yallita yarcaica tiyan» nirca.

2 SAMUEL 24:12

«Mandac Diosca: Davidpacman rishpa: “Quimsa llaquicunatami canman acllachun cuni. Chaicunamanta maijan shucta acllai” ninmi ningui» nirca.

2 REYES 8:1

Sunamita huarmipac huahuatami Eliseoca causachishca carca. Chai huarmihuan parlashpami Eliseoca: «Mandac Diosmi canchis huatacunata cai llactapi yarcai tiyachun mandashca. Cunanca caimanta ri cambac familiahuan can maipi causai pudishcapi causagri» nirca.

1 CRÓNICAS 21:12

“¿Quimsa huatata yarcaihuan llaquichichunchu munangui? ¿Mana cashpaca, canta piñaccuna mishashpa, espadahuan huañuchingapac caticpi, quimsa quillata miticushpa purinatachu munangui? ¿Mana cashpaca, Mandac Diospac ángel tucui Israel llactata mancharina ungüihuan quimsa punzhata llaquichichunchu munangui?” ninmi. Riqui, can maijanta acllashcatami ñucata cachacmanca huillagrina cani— nirca.

SALMOS 91:6

tuta shamuc mapa ungüitapish, punzha pacha huañuchiccunatapish mana manchanguichu.

ÉXODO 7:25

Mandac Dios yacumanta yahuarta ruhuashcaca ñami canchis punzha tucurca.

EZEQUIEL 14:13

«Huañunalla runa, cai llactapi causaccuna ñucata saquishpa, juchata ruhuacpica, ñucallatacmi ñuca maquita alzashpa llaquichisha. Micunata mana cushpami, yarcaihuan tucuchisha. Chashnami yalli yarcaihuan gentecunatapish, animalcunatapish tucuchisha.

LEVÍTICO 26:20

Cancunaca yangami imatapish ruhuanguichic. Allpapica imapish mana pucungachu, yuracunapish mana pucungachu.

LEVÍTICO 26:25

Ñucahuan ari nishcata mana cazushcamantaca ñucapish chashnallatacmi cancunataca espadahuan llaquichiccunata cachashpa llaquichisha. Chai llaquimanta cancunapac llactapi miticugricpipish, jatun ungüita cachashpami, cancunata piñaccunapac maquipi churasha.

SAN LUCAS 4:25

Elías huillacui punzhacunapica, Israel llactapica, achca viuda huarmicunami tiyarca. Chai punzhacunapi quimsa huata, sucta quillata mana tamyacpica, tucui llactacunapimi yarcai tiyarca. Chaica, chashnatacmi carca.

DEUTERONOMIO 28:22

Mandac Diosca tuberculosis, fiebre, pungui, rupachic ungüicunahuanmi llaquichinga. Chagracunatapish intihuan yallita rupachishpa, huairahuan yallita chaquichishpami cancuna tucuringacaman llaquichicunga.

DEUTERONOMIO 28:25

Mandac Diosca cancunataca piñaccunapac maquipimi llaquichichun churanga. Cancunaca macanacungapacca shuc ñanllatami llucshinguichic. Cutin paicunapac ñaupamantaca canchis ñantami cutinguichic. Chaita ricushpaca, tucui cai pachapi tiyac jatun mandaccunami mancharinga.

DEUTERONOMIO 28:27

Mandac Diosmi cancunataca Egipto llactapi causaccunata llaquichishca shina, sisu ungüihuanpish, chupu ungüihuanpish, shicshi ungüihuanpish llaquichinga. Cancunaca mana jambiri pudinguichicchu.

DEUTERONOMIO 28:35

Mandac Diosmi cancunapac mucucunatapish, changacunatapish, ismuchic ungüihuan llaquichinga. Chaqui pambamanta umacamanmi mana jambiripac ungüihuan llaquichinga.

DEUTERONOMIO 28:52

Chai gentecunaca tucui cancuna causana llactacunata jarcachishca jatun pircacuna, tucui urmangacamanmi muyunacunga. Chai jarcachishca pircacunahuanca cushillami carcanguichic. Mandac Dios cushca tucui cancunapac llactacunatapish, llactacunatapishmi muyunacushpa shayacunga.

1 SAMUEL 25:17

Cunanca, ima ruhuana cacpipish, alli yuyarishpa rimailla. Ñucanchic amotapish, paipac familiatapish llaquica japigrintacmi. Cambac cusaca yallita millai cashpami pi imata nicpipish mana entendin— nirca.