2 SAMUEL 24:12 - Dios Rimashcata Quillcashcami

¹² «Mandac Diosca: Davidpacman rishpa: “Quimsa llaquicunatami canman acllachun cuni. Chaicunamanta maijan shucta acllai” ninmi ningui» nirca.

2 SAMUEL 24:12 ပူးပေါင်းရင်းမြစ်များ

2 SAMUEL 12:14

Ashtahuanpish can chashna mana allita ruhuashpaca, Mandac Diostami paita piñaccunaman rimachishcangui. Chaimanta can, cai huarmipi charishca huahuaca huañungatacmi— nirca.

2 SAMUEL 24:11

David tutamanta utca jataricpimi, Dios ima nishcata huillac Gad Davidpacman shamushpaca:

2 SAMUEL 24:13

Shina nicpimi, Gadca David yachachun huillangapac rishpaca: —¿Canchis huatata yalli yarcai tiyachunchu? ¿Mana cashpaca canta piñaccunamanta quimsa quillata miticushpa ricpi, paicuna catichunchu? ¿Mana cashpaca cambac llactapi quimsa huatata yalli ungüi tiyachunchu munangui? Cunanca ñuca imata nigringapac allita yuyarishpa ni— nirca.

1 CRÓNICAS 27:24

Sarviapac cari huahua Joabmi israelcunata yupai callarirca. Chashna yupai callarishcamanta israelcunata jatun llaqui japicpimi, yupanataca mana tucuchirca. Chai yupanaca jatun mandac David imata ruhuashcata quillcashcapica mana tiyanchu.

PROVERBIOS 3:12

Mandac Diosca cuyashpami, shuc taita paipac churita cuyashpa llaquichic shina llaquichin.

JEREMÍAS 30:11

Canta quishpichingapacca canhuanmi casha. Ñucami canta caita chaita cacharcani. Tucui chai llactacunatami tucuchisha. Ashtahuanpish cantaca mana tucuchishachu. Chaipac randica, cashcata ruhuashpami taripasha. Canta llaquichinataca manatac saquishachu. Chaitaca Mandac Dios ñucami nini» ninmi.

LEVÍTICO 26:41

Paicunahuan piñarishpa paicunata piñaccunapac llactaman cachashcata yuyarishpa, llaquirishpa juchata shungumanta ñucaman huillacpica,

LEVÍTICO 26:43

Ashtahuanpish paicuna llucshishpa rishcamantaca allpaca shitashcami saquiringa. Chashna paicuna ricpimi, allpaca samarishpa cushicunga. Cutin paicunaca mana allita ruhuashpa, ñuca mandashcacunata, ñuca yachachishcacunata mana cazushcamantami llaquita apanga.

APOCALIPSIS 3:19

Ñucaca tucui cuyashcacunatami rimani, shinallatac llaquichini. Chaimanta can juchayuc cashcamanta llaquirishpa Diosman cutirishpa, Diospaclla cai.