2 SAMUEL 23:10 - Dios Rimashcata Quillcashcami

¹⁰ Chaipimi paica filisteocunataca maqui shaicungacaman huañuchirca. Chashna yallita huañuchicucllapitacmi maqui huañushpa espadaca maquipi llutarishpa saquirirca. Chai punzhami Mandac Diosca jatun macanacuita mishachirca. Chashna ruhuacpimi, israelcunaca Eleazarpac huashata ima tiyashcata japingapaclla rirca.

2 SAMUEL 23:10 ပူးပေါင်းရင်းမြစ်များ

2 SAMUEL 23:12

Shina callpacpipish, paica chai lenteja chagra chaupipimi macanacushpa filisteocunata atirca. Chashnami Mandac Diosca chai macanacuita mishachirca.

2 REYES 5:1

Siria llactata jatun mandacpac soldadocunata mandac Naamanca paipac amopac ñaupapica mai alli nishcami carca. Mandac Diosca Siria llactataca Naamanmantami macanacuita mishachishca carca. Chaimantami paica mai alli nishca carca. Paica alli sinchi runa cashpapish lepra ungüitami charirca.

1 CRÓNICAS 11:13

Paimi Pas-damim pambapi filisteocuna macanacungapac allichiricucpica, Davidhuan carca. Shuc pambapimi cebada chagra tiyarca. Cutin israelcunaca filisteocunata manchashpami miticushpa rishca carca.

SALMOS 108:13

Dios-huanca jatun mancharinacunatami ruhuashun. Paimi ñucanchicta piñaccunata sarunga.

SALMOS 144:10

Canmi jatun mandaccunatapish macanacuipi mishachingui. Canmi canta servic Davidtaca espadapi huañunamanta quishpichircangui.

SALMOS 68:12

«¡Jatun mandaccunami paicunapac soldadocunandi callpacun!» nircacuna. Cutin huasipica huarmicunami macanacuipi quichushcata chaupinacurca.

ISAÍAS 53:12

Chaimantami Diosca paitaca alli nishcacunahuan pacta churanga. Sinchi runacunahuanmi quichushcacunataca chaupinacunga. Chaica, paica huañungacamanmi yallita llaquita aparca. Paica achcacunapac juchata aparishpami juchayuc shina tucurca. Juchayuccunamantami mañarca.

ROMANOS 15:18

Chaica, mana israelcuna Diosta cazuchun, Cristo ñucata imata ruhuashcallatami rimasha nini. Chaitaca mana rimarcanillachu, ashtahuanpish ruhuarcanimi.

2 CORINTIOS 4:5

Ñucanchicca mana ñucanchic quiquinllamantatacchu huillacunchic, ashtahuanpish Apunchic Jesús Mandac cashcatami huillacunchic. Ñucanchicca Jesusta cuyac cashcamantami, cancunata serviccuna canchic.

JOSUÉ 10:10

Chaipimi Mandac Diosca amorreocunamanca israelcunata yallita manchana yuyaita curca. Chaimantami israelcunaca Gabaón pueblopica chugrichishpa, achcata huañuchirca. Bet-horón puebloman rina ñanta callpacpipish Azeca, Maqueda pueblocamanmi cati rishpa huañuchirca.

JOSUÉ 10:42

Mandac Dios israelcunamanta macanacucpimi, tucui jatun mandaccunatapish atishpa, paicunapac jatun llactacunatapish japirca.

JOSUÉ 11:8

Israelcunapac maquipi Mandac Dios churacpimi, paicunata atishpa, Sidón jatun pueblocaman, Misrefot-maim pueblocaman inti llucshina ladopi tiyac Mizpa pugru pambacaman catishpa rircacuna. Chashnami shucllatapish mana saquishpa, tucui huañuchircacuna.

JUECES 15:14

Lehi lomaman Sansonhuan chayacpica, filisteocunaca munai cushicushpa caparinacushpami tupangapac llucchircacuna. Shina llucshicpimi Mandac Diospac Espíritu Sansonpacman shamurca. Chaimantami Sansonpac rigra huatashca huascacunaca rupashca lino puchca shina pitirinacushpa maquimanta urmarca.

JUECES 15:18

Sansonca yallita yacunayaihuan cashpami Mandac Diostaca: —¿Canta servicpac maquihuan jatunta quishpichishca jahuachu cunanca yacunayaihuan mana circuncisionta ruhuashcacunapac maquipi huañuchun saquingui?— nirca.

1 SAMUEL 11:13

Shina nicpimi Saulca: —Cunanmi Mandac Diosca israelcunata macanacuipi ayudashpa mishachishca. Chaimanta cunan punzhaca maijanpish mana huañungachu— nirca.

1 SAMUEL 14:23

Chashnami Mandac Diosca chai punzhaca israelcunataca quishpichirca. Macanacuica Bet-avén pueblocamanmi chayarca.

1 SAMUEL 14:6

Jonatanca paipac escudota apac runataca: —Circuncisionta mana ruhuashca soldadocunapac ladoman pasashun. Mandac Diosca ñucanchicta ayudangapishchari. Mandac Diospacca imapish mana sinchichu. Ñucanchic achca cacpipish ashalla cacpipish paica mishachingami— nirca.

1 SAMUEL 17:53

Israelcunaca filisteocunata huañuchishpa cutimushca quipami filisteocunapac carpa huasipi yaicushpa, ima tiyashcacunataca tucui aparcacuna.

1 SAMUEL 19:5

Paica huañunatapish mana manchashpami, chai filisteo runata huañuchirca. Chashna ruhuacpimi Mandac Diosca tucui israelcunata llaquimanta llucchirca. Canca chaita ricushpami cushicurcangui. ¿Ima nishpatac manapish juchayuc Davidtaca huañuchishpa yahuarta jichashpa juchalligringui?— nirca.