2 SAMUEL 22:49 - Dios Rimashcata Quillcashcami

⁴⁹ Canmi ñucata piñaccunamanta anchuchircangui. Canmi ñucata piñaccunapac chaupipi jatunyachircangui. Millai runapac maquimantami quishpichircangui.

2 SAMUEL 22:49 ပူးပေါင်းရင်းမြစ်များ

2 SAMUEL 18:31

Chai quipami etiope runa chayashpaca: —Ñuca jatun mandaclla, alli huillaihuanmi shamuni. Cunanmi Mandac Diosca canta llaquichisha niccunapac maquimanta quishpichishca— nirca.

2 SAMUEL 5:12

Shina ruhuacpimi, Davidca Diosllatac israelcunata cuyashpa, paita jatun mandac cachun churashcata, shinallatac tucui imapipish alli pushacushcata yachac chayarca.

SALMOS 140:1

Mandac Dioslla, millai gentecunamanta quishpichiyari. Llaquichic gentecunamanta huacaichiyari.

SALMOS 140:4

Mandac Dioslla, canta mana manchacpac maquimanta quishpichiyari. Ñuca causaita pandachisha nic llaquichic gentecunamanta cuidaiyari.

SALMOS 18:48

Piñaccunapac maquimanta quishpichingui. Ñucata llaquichiccunapac jahuapi ñucata churangui. Huañuchicpac maquimantami quishpichircangui.

SALMOS 44:5

Can ayudacpimi, ñucanchicta piñaccunataca mishashun. Cambac shutipimi ñucanchicta piñaccunataca sarushun.

SALMOS 52:1

Jatun poderta charic runalla, ¿ima nishpatac mana allita ruhuashpa jatun tucunguiyari? Diosca punzhantami cuyacun.

NÚMEROS 24:7

Jicharicuc yacu shinami cangui. Paicunapac miraicunapish achca yacutami charinga. Paicunapac mandacca Agagtapish yallimi canga. Paicuna mandana llactapish jatunyachishcami canga.

1 SAMUEL 2:8

Imata mana charictapish ñuto allpamantami jatarichin. Imatapish mana charictaca mapa shitanamanta llucchishpami jatun nishcacunahuan tiyachin. Jatun mandaccunahuan tiyachingapacmi chashnaca ruhuan. Allpa callari sapitaca Mandac Diosmi ruhuarca. Chai callari jahuapimi, cai pachata churarca.