2 SAMUEL 22:46 - Dios Rimashcata Quillcashcami

⁴⁶ Shuctac llactamanta shamushca gentecunami irquiyashpa paicuna miticushcamanta chucchushpa llucshin.

2 SAMUEL 22:46 ပူးပေါင်းရင်းမြစ်များ

ISAÍAS 2:19

Yallita manchana Mandac Dios jatun poderhuan achicyachicpica, quingrai jutcucunapi, allpa jutcucunapi satiringacunami. Cai pachapi causaccunata llaquichishpa chucchuchicpimi chashnaca tucunga.

ISAÍAS 2:21

Chashna shitashpami manchana Mandac Dios achicyachicpi, rumi quingraicunapi, jatun rumi ucucunapi satiringa. Cai pachapi causaccunata Dios llaquichishpa chucchuchicpimi, chashnaca tucunga.

ISAÍAS 64:6

Tucui ñucanchicmi mapayashca runa shina canchic. Ñucanchic cashcata ruhuashcapish mapa llachapa shinami. Tucui ñucanchicmi chaquishca panga shina urmashcanchic. Ñucanchic mana allita ruhuashcallatacmi huaira shina aparca.

AMÓS 9:3

Carmelo urcupi miticucpipish, mashcashpami tarisha. Ñuca ñahuimanta miticushpa, mama cuchaman yaicucpica, culebratami canichun cachasha.

MIQUEAS 7:17

Paicunaca culebra shina, llucashpa puric animalcuna shinami ñuto allpata micunga. Culebra mancharishpa jutcumanta llucshic shinami chucchunga. Mandac Diospacmanmi manchaihuan chucchushpa cutiringa. Can llaquichinatami manchanga.

SANTIAGO 1:11

Yuraca inti llucshishpa, nina rupaihuan chaquichicpica, sisaca urmanmi, pai sumac cashcaca chingarinmi. Chai shinallatacmi chayucpish, paipac randina, catunapica chingarin.

1 SAMUEL 14:11

Ishcaitacmi filisteo soldadocunapac ñahuipi ricurirca. Chashna ricuricpimi filisteocunaca: «¡Riquichic, israelcunami miticushpa tiyacushca jutcumanta llucshicuncuna!» nirca.