2 SAMUEL 22:20 - Dios Rimashcata Quillcashcami

²⁰ Ñucata cuyashpami, ancho pambaman llucchishpa quishpichirca.

2 SAMUEL 22:20 ပူးပေါင်းရင်းမြစ်များ

GÉNESIS 26:22

Isaacca chaimanta caruyashpami, cutinllatac shuc yacu junduta allarca. Chai yacu jundumantaca ña mana piñanacurcachu. Chaimantami chai yacu jundutaca Rehobot quishpirishca nishpa shutichirca. Shinallatac: «Mandac Dios tucuipi ayudacpimi, alli causanchic. Cunanca, cai allpallapitac achca huahuayuc tucushpa causashun» nirca.

2 SAMUEL 15:26

Shina cacpipish: “Canca ñuca ñaupapi mana allichu cangui” nicpica, caipimi cani. Pai munashca shina imatapish ruhuachunlla— nirca.

2 SAMUEL 22:37

Ñuca changacuna ama chucchuchunmi, ñuca purina ñantapish anchoyachishcangui.

1 CRÓNICAS 4:10

Jabesca israelcunapac Mandac Diosta mañashpaca: «¡Ñuca ima llaquita mana apangapac ñucata bendiciashpa, ñuca llactatapish achcata ruhuaiyari! ¡Cambac maquihuan ima llaquimantapish huacaichiyari!» nishpa mañacpimi, Mandac Diosca pai mañashcata uyarca.

SALMOS 118:5

Ñuca llaquihuan cashpa Mandac Diosta mañacpica, paica uyashpami, ima llaqui mana tiyac pushtupi churarca.

SALMOS 147:11

Mandac Diosca paita manchaccunahuan shinallatac pai llaquichun shuyaccunahuanmi cushicun.

SALMOS 149:4

Mandac Diosca pai acllashcacunahuanmi cushicun. Yangalla gentecunataca quishpichishpami sumacta ruhuanga.

SALMOS 22:8

«Chaicunaca Mandac Diospimi shunguta churac carca. Pai cuyashcami cani niccunami carca. Shina cacpica Mandac Diosllatac quishpichichun. Paillatac llaquimanta llucchichun» nincunami.

SALMOS 31:8

Piñacpac maquipica mana churarcanguichu. Ashtahuanpish ñuca chaquicunataca pi mana llaquichina pushtupimi churarcangui.

SALMOS 31:9

Mandac Dioslla, llaquihuanmi cani, ñucata llaquiyari. Chashna llaquihuanmi ñuca ñahuicunapish, ñuca almapish, cuerpopish irquiyashca.

ISAÍAS 42:1

Mandac Diosca: «Ñuca acllashca, ñucata servic runataca ñucami cuidasha. Paimi ñucataca cushichin. Paipimi ñuca Espiritutaca churarcani. Paimi jatun llactacunapica cashcata ruhuanamanta huillanga.

OSEAS 4:16

Israelcunaca quita vaquilla shinami mana cazun. ¿Cunanca Mandac Diosca malta ovejacunata shinachu, jatun pambapi michinga?

SAN MATEO 17:5

Pedro rimacucpillatacmi, yuranlla puyu paicunata taparca. Chai puyu ucumanta rimashpaca: «Caimi ñuca cuyashca Churi. Paimi ñucataca cushichin. Paita uyanguichic» nirca.

SAN MATEO 27:43

Paica: “Diospac Churimi cani” nishpami, Dios yuyailla puricurca. Shina cacpica, Dios cuyashpaca quishpichinmanmi» nircacuna.

SAN MATEO 3:17

Jahua pachamanta rimashpaca: «Caimi ñuca cuyashca Churica. Paillami ñucataca cushichin» nishcami uyarirca.