2 SAMUEL 21:8 - Dios Rimashcata Quillcashcami

⁸ Shina cashpapish, Ajapac huarmi huahua Rizpa huarmipi Saúl charishca Armoni, shinallatac Mefi-bosettami curca. Shinallatac Saulpac ushi Merab huarmipi meholatitapuramanta Barzilaipac churi Adrielpac pichca churicunatapish curcami.

2 SAMUEL 21:8 ပူးပေါင်းရင်းမြစ်များ

2 SAMUEL 3:7

Saulca Ajapac ushi Rizpa shuti caishuc huarmitami charirca. Chaimantami Saulpac churi Is-bosetca Abnertaca: —¿Ima nishpatac ñuca taitapac caishuc huarmihuan chayarinacungui?— nishpa tapurca.

1 REYES 19:16

Nimsipac churi Jehutaca Israel llactata jatun mandac cachun, aceitehuan cahuingui. Shinallatac Abel-mehola pueblopi causac Safatpac churi Eliseotaca cambac randi ñuca ima nishcata huillac cachun aceitehuan cahuingui.

1 SAMUEL 14:49

Saulpac churicunaca Jonatán, Isúi, Malquisuami carca. Shinallatac paica ishcai ushicunatami charirca. Punta ushica Merab quipa ushica Micalmi carca.

1 SAMUEL 18:19

Ashtahuanpish Saulca paipac ushi Merab solterata Davidhuan cazarachina punzhapica mana paihuan cazarachishpami, Mehola pueblomanta Adrielhuan cazarachirca.