2 SAMUEL 21:7 - Dios Rimashcata Quillcashcami

⁷ Jatun mandac Saulpac churi Jonatanpac churi Mefi-bosettaca perdonarcami. Chaica mana llaquichinacungapacmi Jonatanhuan Davidhuan ari nishca carca.

2 SAMUEL 21:7 ပူးပေါင်းရင်းမြစ်များ

2 SAMUEL 16:4

Shina nicpimi, jatun mandacca Sibataca: —¡Riqui, tucui Mefi-bosetpac cashcacunaca cambacmi canga!— nirca. Shina nicpimi, Sibaca jatun mandacpac ñaupapi cumurishpa: —Jatun mandac ñuca amitolla, ñucaca cambac ñaupapi alli ricurishpami alli caiman— nirca.

2 SAMUEL 19:25

Jatun mandacta Jerusalenpi tupangapac shamucpica, jatun mandacca: —¿Mefi-boset ima nishpatac mana ñucahuan rircangui?— nirca.

2 SAMUEL 4:4

Saulpac churi Jonatanca chaquicuna lisiado Mefi-boset churitami charirca. Mefi-boset churi pichca huatayuc cacpimi, Saulpish, Jonatanpish huañushcami nishpa Jezreel pueblomanta huillaccuna chayarca. Chaimantami paita huiñachic mamapish Mefi-boset huahuataca marcashpa miticushpa callpacurca. Chashna utcashpa callpacushpami, huahuataca urmachirca.

2 SAMUEL 9:1

Chai quipami Davidca: «¿Jonatanta cuyashcamanta ayudangapac Saulpac huasi ucupuramanta maijan causacungaracchu?» nishpa tapurca

2 SAMUEL 9:10

Canpish, cambac churipish, canta serviccunapish paiman allpapi trabajashpa granota pucuchinguichic. Shinallatac chai pucushcacunataca cambac amopac nieto Mefi-boset micunata charichun huacaichinguichic. Shina cacpipish, Mefi-bosetca punzhantami ñuca mizapi micunga— nirca. Sibaca chunga pichca churita, ishcai chunga servictami charirca.

2 SAMUEL 9:6

Shina pushamucpimi, Jonatanpac churi Saulpac nieto Mefi-bosetca Davidpacman shamushpa, pambapi ñahui tupangacaman cumurirca. Shina cumuricpimi Davidca: —¿Mefi-bosetchu cangui?— nirca. Shina nicpimi paica: —Ari, canta servic ñucaca caipimi cani— nirca.

2 SAMUEL 9:7

Shina nicpimi Davidca: —Ama manchaichu. Cambac taita Jonatanta cuyashcamantami canmanca allicunata ruhuagrini. Shinallatac cambac taita Saulpac allpatapish canman cutichigrinimi. Canca punzhantami ñuca mizapi micugringui— nirca.

ECLESIASTÉS 8:2

Dios-huan ari nishcamanta jatun mandac mandashcata cazungui nishpami alli yuyaita cuni.

1 SAMUEL 18:3

Jonatanca Davidta yallita cuyashcamantami paihuan shuc ari— ninacuita ruhuarca. Jonatanca quiquin cuyaric shinami Davidtaca cuyarca.

1 SAMUEL 20:12

Chaipimi Jonatanca Davidtaca: —Israelcunata Mandac Dios ricucunmi. Caya cashpa, mincha cashpa cai horasllatatacmi ñuca taita imata yuyacushcata tapushpa yachasha. Canmanta allita yuyacucpica, huillachun cachashallami.

1 SAMUEL 20:15

ñuca familiataca tucui causaipi llaquingui. Davidta piñaccunata Mandac Dios cai pachamanta shucllancaman tucuchicpipish ñuca huasi ucupuracunata llaquinataca amatac saquinguichu— nirca.

1 SAMUEL 20:17

Jonatanca Davidta tucui shunguhuan cuyashcamantami paita cutin ari nichirca.

1 SAMUEL 20:42

Chai quipami Jonatanca Davidtaca: «Imatapish mana manchashpa rilla. Ñucanchicca ishcaitami Mandac Diospac ñaupapi: “Mandac Dios cantapish, ñucatapish, cambac huahuacunatapish, ñucapac huahuacunatapish huiñaita ricuchun” nishpami ari nircanchic» nirca. Shina nicpimi, Davidca jatarishpa rirca. Shinallatac Jonatanpish puebloman cutirca.

1 SAMUEL 20:8

Canta servic ñucata llaquingui. Canta servic ñucahuan alli apanacuc cangapacmi Mandac Diospac ñaupapi ari nircangui. Ima mana allita ñuca ruhuashca cacpica, canllatac huañuchi. ¿Imapactac cambac taitapacmanca pushacungui?— nirca.

1 SAMUEL 23:18

Ishcaita Mandac Diospac ñaupapi ari ninacushpami, Davidca Hores pamballapitac saquirirca. Cutin Jonatanca paipac huasimanmi cutirca.

1 SAMUEL 24:22

Shina nicpimi, Davidca Saulman ari nirca. Chai quipaca Saulca paipac huasiman cutircami. Shinallatac Davidpish paipac runacunandimi miticushcallamanta cutirca.