2 SAMUEL 21:17 - Dios Rimashcata Quillcashcami

¹⁷ Ashtahuanpish Sarviapac churi Abisaimi Davidta misashpa, chai runata chugrichishpa huañuchirca. Chaimantami Davidpac runacunaca paitaca: «Cunanmanta pacha ñucanchic-huan macanacungapacca ña mana llucshinguichu. Canta huañuchishpaca, israelcunapac mecha shinami huañushca canga» nirca.

2 SAMUEL 21:17 ပူးပေါင်းရင်းမြစ်များ

2 SAMUEL 14:7

Cunanca tucui familiacunami canta servic ñucataca piñai callarincuna. Ñucataca: “Paitapish chashnallatac huañuchingapac huauquita huañuchicta apamui. Pai imata japina cacpipish huañuchishunllami” nincuna. ¡Chashna ruhuashpaca shuc mecha japiricucta huañuchic shinami ñuca cusapac shutitapish, paipac huahua huahuacunatapish cai pachamanta chingachinata munancuna!— nirca.

2 SAMUEL 18:2

Chai quipaca chai tucui gentecunamantami quimsapi chaupishca shuc parteta Joab mandachun, caishuc partetaca Sarviapac cari huahua Joabpac huauqui Abisai mandachun, cutin caishuc partetaca geteocupuramanta Itai mandachun churarca. Chai quipami paihuan cac gentecunataca: —Ñucallatacmi cancunahuanca macanacuiman risha— nirca.

2 SAMUEL 18:3

Shina nicpimi gentecunaca: —Mana rinachu cangui. Ñucanchic miticushpa callpacpica, mana catingacunachu. Ñucanchicpuramanta chaupi huañucpipish, paicunamanca mana ima curingachu. Ashtahuanpish canca ñucanchicmanca chunga huaranga runacuna shina valishcami cangui. Chaimanta canca cai pueblollamantac ñucanchicpac ima illashcata ima shinapish cachashpa ayudai— nirca.

2 SAMUEL 22:19

Ñuca llaquihuan cac punzhacunami macac shamurcacuna. Shina cacpipish, Mandac Diosmi ñucata sinchiyachirca.

2 SAMUEL 22:29

Mandac Dioslla, ñucata achicyachic luzmi cangui. Ñuca Diosmi ñuca pura tutatapish achicyachin.

1 REYES 11:36

Salomonpac churi mandachunca shuc aillullatami cusha. Ñucata servic Davidpac huahua huahuacunataca lámpara shina mana huañuc punzhanta cachunmi Jerusalenpi mandachun saquigrini. Chai pueblotaca ñuca shutipi mañachunmi acllarcani.

1 REYES 15:4

Shina cacpipish, paita Mandac Diosca Davidta cuyashpami, lamparapi nina rupacuc shinata paipac huahua huahuacunamanta shuc huahuata Jerusalenpi churarca. Chashnami Jerusalentaca sinchiyachishpa catirca.

SALMOS 132:17

Chaipimi David mandanataca cutinllatac callarichisha. Aceitehuan cahuishca ñuca jatun mandactami lamparahuan achicyachic shina achicyachisha.

SALMOS 144:10

Canmi jatun mandaccunatapish macanacuipi mishachingui. Canmi canta servic Davidtaca espadapi huañunamanta quishpichircangui.

SALMOS 46:1

Diosca muyundita jatun pircashca shina ñucanchicta cuidashpa huacaichicmi. Shinallatac llaquihuan cacpipish, utca ayudacmi.

JEREMÍAS 40:15

Chaimanta Careapac churi Johananca Mizpa llactapi Gedaliasta cayashpaca: «Netaniaspac churi Ismaelta cunanllata huañuchigrichun saqui. Chaitaca pipish mana yachangachu. ¿Ima nishpatac cantaca huañuchingayari? ¿Ima nishpatac canhuan tandanacushpa Judá llactapi causaccuna caita, chaita richun saquishunyari? ¿Ima nishpatac maijanpish saquirishca Judá llactapi causaccunaca tucuringayari?» nirca.

SAN JUAN 5:35

Juan huillashcaca luz achicyachicuc shinami carca. Cancunaca ashacamanllami achicpi canata munarcanguichic.