2 SAMUEL 21:15 - Dios Rimashcata Quillcashcami

¹⁵ Cutinllatacmi filisteocunaca israelcunahuan macanacui callarirca. Chaimantami Davidca paita serviccunahuan urai rishpa, filisteocunahuan macanacurca. Davidca shaicushcami carca.

2 SAMUEL 21:15 ပူးပေါင်းရင်းမြစ်များ

2 SAMUEL 21:16

Manchana jatun runacunapuramanta Isbi-benobmi Davidta huañuchingapac shamurca. Chai runapac lanzaca quimsa kilo chaupi llashac bronce lanzami carca. Shinallatac chumbillishcapica mushuc espadata satishcami carca.

2 SAMUEL 5:17

Filisteocunaca Davidta israelcuna jatun mandac cachun aceitehuan cahuishcata yachashpami, Davidhuan macanacungapac huichai rirca. Chaita yachashpami, Davidca jatun pircahuan jarcashca puebloman rirca.

2 SAMUEL 5:22

Shina cashpapish cutinllatacmi filisteocunaca Refaim tucui pambaman shamushpa, chaipi tiyarirca.

2 SAMUEL 5:25

Jatun mandac Davidca Mandac Dios nishca shina ruhuashpami, filisteocunataca Geba pueblomantaca Gezer pueblo yaicunacaman catishpa huañuchirca.

2 SAMUEL 8:1

Chai quipaca, Davidca filisteocunahuan macanacushpa atishpami, servichishpa charirca. Shinallatac Meteg-ama pueblotapish filisteocunamantaca quichurcami.

1 CRÓNICAS 20:4

Chai quipaca Gezer pueblopimi cutinllatac filisteocunahuan macanacurca. Chaipimi, Husa pueblomanta Sibecaica manchana jatun runacunapac huahua huahuapuramanta Sipaita huañuchirca. Chashnami filisteocunataca atishpa cumurichirca.

SALMOS 71:18

Dioslla, can tucuita ruhuac cashcataca quipa huiñaicunamanpish, quipa huahua huahuacunamanpish huillangacaman yuyacyashpa yurac uma cacpipish ama saquinguichu.

SALMOS 71:9

Ñuca yuyacyacpipish ama shitanguichu. Fuerza illac tucucpipish ama saquinguichu.

SALMOS 73:26

Ñuca cuerpopish, ñuca shungupish huañunallami. Shina cacpipish jatun rumi shina Diosmi ñuca shunguman fuerzata cun. Diosca huiñaitami imatapish allita cun.

ECLESIASTÉS 12:3

Huasita cuidaccunapish chucchungami. Sinchi runacunapish cumiringami. Quirucunapish paquirishpa ashallayashpa mana cashtungachu. Ventanacunamanta ricuccunapish amsatami ricunga.