2 SAMUEL 21:10 - Dios Rimashcata Quillcashcami

¹⁰ Chaimantami Ajapac huarmi huahua Rizpaca cosecha callarinamanta tamya shamungacaman, shuc cilicio pañota rumi jahuapi tendirca. Chaipi tiyarishpami huañushcacunata punzhacunaca huairapi volashpa puric animalcuna, tutaca sacha animalcuna ama micuchun cuidacurca.

2 SAMUEL 21:10 ပူးပေါင်းရင်းမြစ်များ

GÉNESIS 40:19

Quimsa punzha quipami jatun mandac Faraonca sipina yurapi huarcushpa huañuchinga. Chaipimi cambac aichataca volac animalcuna shamushpa micunga— nirca.

2 SAMUEL 21:11

Chashna Saulpac caishuc huarmi Rizpa imata ruhuashpa tiyacushcatami Davidman parlarca.

2 SAMUEL 3:7

Saulca Ajapac ushi Rizpa shuti caishuc huarmitami charirca. Chaimantami Saulpac churi Is-bosetca Abnertaca: —¿Ima nishpatac ñuca taitapac caishuc huarmihuan chayarinacungui?— nishpa tapurca.

1 REYES 21:27

Acab cai nishcacunata uyashpaca, paipac churanata lliquishpami sharpa churanata churarishpa, mana micushpa cainarca. Shungu llaquirishpa llaquilla cashpami, chai churanallahuantac sueñurca.

JEREMÍAS 14:22

¿Maijan llacta dioscunamanta maijan tamyachic tiyanchu? Jahua pachapish, ¿pailla tamyata cachai pudinchu? Canca, ¿manachu ñucanchicta Mandac Dios cangui? Can caipi tucui ima tiyaccunata ruhuac cashcamantami canllapi shunguta churanchic» nirca.

EZEQUIEL 39:4

Cambac soldadocunandi, canhuan cac gentecunandimi Israel llacta urcucunapi huañungui. Chaipica volac animalcuna, sacha animalcunami micunga.

OSEAS 6:3

Mandac Diosta mashcashpa, paimanta yachacushunchic. Paica tutamanta inti llucshishpa achicyachic shinami ñucanchicpacman shamunga. Punta tamya, quipa tamya allpapi urmac shinami ñucanchicpacman shamunga» nincuna.

JOEL 1:18

¡Quihua mana tiyashcamantami animalcunaca llaquinayaita huacacun! ¡Huagracunaca quihuata mashcashpami, caita chaita puricun! ¡Manada ovejacunapish yarcaimantami huañunalla tucun!

JOEL 2:23

Sionpi causaccunalla, cancunaca Mandac Dios-huan cushicuichicyari. Paica punta tamyataca, tamyana punzhallapitacmi cacharca. Punta tamyatapish, pucuchic quipa tamyatapish utca punzhacunapi shinallatacmi cachanga.

ZACARÍAS 10:1

Quipa tamyata cachachun Mandac Diosta mañaichicyari. Mandac Diosmi relampahuan yallita tamyachishpa, verdinlla chagracunatapish, quihuacunatapish huiñachinga.

DEUTERONOMIO 11:14

punta tamyatapish, quipa tamyatapish cachangami. Chaimantami granotapish, vinotapish, aceitetapish japinguichic.

DEUTERONOMIO 21:13

Prezu churanata anchuchishpami cancunapac huasipi saquiringa. Paipac taita mamamanta quillacaman huacangami. Chai quipaca paihuan cazaranguimi. Paica cambac huarmimi tucunga. Cutin canca paipac cusami tucungui.

DEUTERONOMIO 21:22

Shuc runa huañuchina juchata ruhuashcamanta sachapi sipishpa huañuchishca cacpica,

DEUTERONOMIO 21:23

mana tucui tuta sachapi huarcushca saquirinachu can. Chai huañushcataca Dios maldiciashca cashcamantami chai punzhallatac enterrana can. Chashna ruhuashpami Mandac Dios cancunaman cushca allpataca mana mapayachinguichic.

1 SAMUEL 17:44

Shinallatac Filisteoca Davidtaca: —¡Cambac aichataca jahuata volac animalcunaman, sacha animalcunaman carangapac ñucapacman shamui!— nirca.

1 SAMUEL 17:46

Cunan Mandac Dios canta ñuca maquipi churacpimi, canta atishpa, cambac umata pitisha. Cunanmi cambac aichatapish, filisteo soldadocunapac aichatapish jahuata volac animalcunaman, sacha animalcunaman carasha. Chashna ruhuacpimi, tucui cai pachapi causaccunaca israelcunapac Dios tiyashcata yachangacuna.