2 SAMUEL 21:1 - Dios Rimashcata Quillcashcami

¹ David mandacui punzhapimi quimsa huatata catipi yarcai tiyarca. Chashna cacpimi, Davidca Mandac Diosta tapurca. Chashna tapucpimi Mandac Diosca: «Saulpish, paipac huasi familiapish gabaonitacunata huañuchishpa yahuarta jichashcamantami yallita yarcaica tiyan» nirca.

2 SAMUEL 21:1 ပူးပေါင်းရင်းမြစ်များ

GÉNESIS 12:10

Chai llactapi yalli yarcai tiyashcamantami Abramca Egiptopi causangapac rirca.

GÉNESIS 26:1

Chai llactapica yalli yarcaimi tiyarca. Abraham causacui huatacunapi yarcai tiyashca shinami yalli yarcai tiyarca. Chaimantami Isaacca filisteocunata jatun mandac Abimelec causacuc Gerar puebloman rirca.

GÉNESIS 41:57

Tucui llactacunapi ashtahuan yarcai tiyacpimi, micunata Joseman randingapac Egipto llactaman shamurca.

GÉNESIS 42:5

Canaán llactapi yalli yarcai tiyashcamantami Israelpac churicunaca shuctac randiccunahuan rirca.

GÉNESIS 43:1

Canaanpica yalli yarcaimi catirca.

2 SAMUEL 16:8

Can Saulpac randi mandangapac paipac huasi ucupuracunata tucui huañuchishcamantami Mandac Diosca canta llaquichicun. Can mandanataca cambac churi Absalonmanmi cushca. Canca huañuchic cashpami llaquita apacungui» nirca.

2 SAMUEL 20:26

Shinallatac Jair pueblomanta Irapish jatun mandac Davidpac curami carca.

2 SAMUEL 21:5

Shina nicpimi, paicunaca jatun mandactaca: —Ñucanchictaca israelpurapi shucllatapish ama saquingapac nishpami mashcashpa llaquichirca.

2 SAMUEL 24:1

Mandac Diosca israelcunahuan cutinllatac nina japiric shina piñarishpami Davidtaca: «Israelcunatapish, Judá gentecunatapish yupachi» nirca.

2 SAMUEL 5:19

Chaimantami David Mandac Diosta tapushpaca: —¿Filisteocunahuan macanacungapac huichai rinachu cani? ¿Paicunata ñuca maquipi churanguichu?— nirca. Shina nicpimi Mandac Diosca: —Macanacugrilla, paicunataca cambac maquipimi churasha— nirca.

2 SAMUEL 5:23

Chaimanta David Mandac Diosta tapucpi paica: —Paicunahuanca ama macanacungapac llucshichu. Ashtahuanpish bálsamo yuracuna tiyac pushtupi muyushpa japigri.

1 REYES 17:1

Eliasca Galaad llacta tisbitapuramantami carca. Paica mandac Acabtaca: «¡Israelcunata Mandac Diospac shutipimi nini: Ñucaca paitami servini! ¡Cai huatacunaca mana tamyangachu paramollapish mana tiyangachu! ¡Ashtahuanpish ñuca mandacllapimi tamyanga!» nirca.

1 REYES 18:2

Shina nicpimi, Eliasca Acabpac ñaupapi ricurigrirca. Samaria pueblopica jatun yarcaimi tiyarca.

2 REYES 6:25

Chashna muyunacushpa shayacucpimi, Samaria pueblopica achca yarcai callarirca. Shuc burro umataca pusac chunga siclos cullquipi, chaupi libra paloma huanutaca pichca siclos cullquipimi catuc carca.

2 REYES 8:1

Sunamita huarmipac huahuatami Eliseoca causachishca carca. Chai huarmihuan parlashpami Eliseoca: «Mandac Diosmi canchis huatacunata cai llactapi yarcai tiyachun mandashca. Cunanca caimanta ri cambac familiahuan can maipi causai pudishcapi causagri» nirca.

JOB 10:2

Diostaca: “Ama jatun llaquiman cachaichu. Ñucahuan imamanta piñarishcata ricuchiyari.

SALMOS 27:8

Ñuca shunguca: «Paipac ñahuita mashcai» ninmi. ¡Chaimantami Mandac Dioslla, canta mashcani!

SALMOS 50:15

Llaqui punzhacunapi cashpa, ñucata mañangui. Ñuca llaquimanta llucchicpica, ñucata alli ningui» ninmi.

SALMOS 91:15

Pai ñucata mañacpica, ñucaca uyashami. Pai yallita llaquihuan cacpica, ñucaca paihuanmi casha. Paita quishpichishpami alli nishca cachun ruhuasha.

LEVÍTICO 26:26

Cancunapac micunata ñuca chingachicpica, chunga huarmimi shuc hornollapi tandata cusanga. Shina cusashpaca, cancunamanca pezashpami raquinga. Shina raquicpica, cancuna micushpapish mana micushca shinallatacmi saquiringuichic.

NÚMEROS 27:21

Josué imata ruhuangapacca Eleazar curapacmanmi ringa. Paimi Urim nishcahuan suerteta ruhuashpa, ñucaman tapunga. Josué israelcunata macanacungapac llucshichun nicpica llucshingacunami. Shinallatac cutichun nicpica, cutingacunami— nirca.

JOSUÉ 7:1

Ashtahuanpish israelcunaca Mandac Dios tucuchingapac chicanyachishcata pacalla japishpami pandarircacuna. Judapac aillupuramanta Acanmi chaitaca ruhuarca. Paica Carmipac churi, Zabdipac nieto, Zerapac bisnietomi carca. Chaimantami Mandac Diosca israelcunahuan nina japiric shina piñarirca.

JOSUÉ 9:20

Paicunahuanca caitami ruhuana canchic: Paicunataca causachun saquinallami canchic. Paicunahuan ari nishca jahua paicunata huañuchicpica, Diosca ñucanchic-huan yallita piñaringami. Chaimanta mana huañuchinachu canchic— nirca.

RUT 1:1

Juezcuna mandacuc punzhacunapimi, Israel llactapica yallita yarcai tiyarca. Chaimantami Judá llactapi cac Belén pueblomanta shuc runaca paipac huarmindi, ishcai churicunandi Moab llactapi causangapac rirca.

1 SAMUEL 10:22

Chaimantami Saúl chayamushcata yachangapac Mandac Diostaca: —¿Chai runaca ñachu caiman shamurca?— nishpa tapurca. Shina nicpimi, Mandac Diosca: —Riquichic, paica macanacungapac tucui apamushca chaupipimi miticushca can— nirca.

1 SAMUEL 23:11

¿Keila pueblopi causaccunaca Saulpac maquipi ñucata churangacunachu? ¿Canta servic ñuca uyashca shina Saulca urai shamungachu? Israelcunata Mandac Dioslla, canta servic ñuca tapushcataca huillaiyari— nirca. Shina tapucpi Mandac Diosca: —Ari, Saulca urai shamungami— nirca.

1 SAMUEL 23:2

Shina huillacpimi Davidca Mandac Diostaca: —¿Chai filisteocunahuan macanacugrishachu?— nishpa tapurca. Shina tapucpimi, Mandac Diosca Davidtaca: —Filisteocunahuan macanacushpa, Keila pueblopi causaccunata quishpichigri— nirca.

1 SAMUEL 23:4

Shina nicpi, David Mandac Diosta cutinllatac tapucpimi Mandac Diosca: —Jatarishpa Keila puebloman rilla. Ñucami filisteocunataca cambac maquipi churasha— nirca.